POP 5

Lajmet më të lexuara të 5 minutave të fundit

Politikë

Basha: Shengeni Ballkanik sfidë kundër BE-së, sabotim! Shqipëria të vendoste kusht pjesëmarrjen e Kosovës, ndihem i turpëruar

Kryetari i PD-se Lulzim Basha shprehet se Shqipëria duhet të kishte kushtëzuar nismën rajonale të Shengenit Ballkanik me pjesëmarrjen e Kosovës. Mosrakordimi, sipas liderit demokrat bie ndesh me parimet e partneritetit strategjik për të cilat qeveria e Shqipërisë është zotuar disa herë gjatë mbledhjeve me qeverinë e Kosovës. Për Bashën, Samiti në Tiranë duhet të ishte anuluar deri kur Serbia të kërkonte falje për masakrën e Reçakut

TIRANE-Kryetari i PD-se Lulzim Basha shprehet se Shqipëria duhet të kishte kushtëzuar nismën rajonale të Shengenit Ballkanik me pjesëmarrjen e Kosovës. Mosrakordimi, sipas liderit demokrat bie ndesh me parimet e partneritetit strategjik për të cilat qeveria e Shqipërisë është zotuar disa herë gjatë mbledhjeve me qeverinë e Kosovës. Për Bashën, Samiti në Tiranë duhet të ishte anuluar deri kur Serbia të kërkonte falje për masakrën e Reçakut. Megjithatë për kryedemokratin është e pashpjegueshme nevoja për Shengenin Ballkanin derisa ekziston CEFTA, të cilën sipas tij, kryeministri Edi Rama po e bojkoton. E gjithë kjo nismë, thotë më tej Basha, erdhi pas vendimit për të mos hapur negociatat duke lënë përshtypjen e krijimit të një blloku të ri ekonomik dhe politik si alternativë apo sfidë ndaj Bashkimit Europian. Ai kritikon edhe rolin e Serbisë, referuar marrëveshjeve me Moskën. Lulzim Basha thotë se kjo nismë do të dështojë se ka edhe kundërshtimin e Malit të Zi dhe Bonjës, por në fakt e vërteta është se presidenti malazez ishte dje në Tiranë duke iu bashkuar samitit. Zgjidhja e vetme për liderin demokart është largimi i Edi Ramës dhe ardhja e PD-së në pushtet, që sipas tij do ta çlironte këtë potencial europianizues dhe do ti hapte rrugë anëtarësimit të plotë të Shqipërisë në Bashkimin Europian.

"Partia Demokratike mirëpret në parim çdo nisëm rajonale që ka për qëllim afrimin e shteteve dhe forcimin e bashkëpunimit mes tyre. Por ne gjykojmë se fqinjësia e mirë në Ballkanin Perëndimor kurrsesi nuk mund të arrihet duke përjashtuar Republikën e Kosovës. Prandaj e konsideroj të papranueshëm moskonsultimin e qeverisë shqiptare me Kosovën për këtë iniciativë dhe bërjen pjesë të saj pa e kushtëzuar paraprakisht pjesëmarrjen e Shqipërisë me praninë e Kosovës. Këto qëndrime bien ndesh me parimet e partneritetit strategjik për të cilat qeveria e Shqipërisë është zotuar disa herë gjatë mbledhjeve me qeverinë e Kosovës. Ato shkelin hapur marrëveshjen dyshtetërore për unifikimin dhe koordinimin e politikës së jashtme të dy vendeve tona. Theksoj se i ashtuquajturi samiti i minishengenit ndodhi në Durrës vetëm pak ditë pasi Serbia mohoi masakrën e Reçakut, në vijim të përpjekjeve për të revizionuar historinë e krimit të saj shtetëror. Kjo fyerje për Kosovën dhe mbarë kombin shqiptar do duhej të ishte mjaftueshëm argument për të mos ta mbajtur atë aktivitet deri në kërkesën e ndjesës nga Serbia.

Ndihem i turpëruar që qeveria e Shqipërisë nuk demonstron empati dhe përgjegjësi për plagët e pambyllura të Kosovës, pikërisht në këtë periudhë kur populli i saj u ngrit i gjithi në këmbë e me zemër të hapur në solidaritet për të ndihmuar, si e me sa të mundeshin familjet e prekura nga tërmeti. Ushtria, policia dhe të gjitha institucionet e Kosovës ishin të parat që u angazhuan në mënyrë profesionale në operacionet e kërkim-shpëtimit dhe ofruan ndihmë humanitare për vëllezërit dhe motrat e goditur nga fatkeqësia natyrore e njerëzore, ndërsa kryeministri i padenjë i Shqipërisë ua shpërblen duke nëpërkëmbur të gjithë figurat e larta të shtetit të Kosovës. Partia Demokratike, si parti e qendrës së djathtë natyrshëm mbështet tregtinë dhe qarkullimin e lirë të mallrave, shërbimeve, kapitalit dhe krahut të punës, por për ne është e pashpjegueshme nevoja për një nisëm të re rajonale, ndërkohë që për këto qëllime kemi nisma të tjera me synime të ngjashme, siç është CEFTA e cila është dëshmuar tashmë si model i suksesshëm për integrimin rajonal dhe përgatitjen e të gjitha vendeve të Europës Qendrore e Lindore për integrimin në BE.

Është papërgjegjshmëri dhe dështim i kësaj qeverie fakti që pikërisht gjatë vitit kur Shqipëria ka presidencën e CEFTA-s, në vend që ta konsolidojë këtë organizatë e të nxisë zgjerimin me vende të tjera që aspirojnë integrimin europian si Ukraina apo Gjeorgjia, kjo qeveri po e saboton këtë organizatë duke shtyrë përpara një nisëm të re që e rivalizon dhe i mbivendoset. Po kaq shqetësues është fakti se kjo nisëm u propozua pas refuzimit të BE për hapjen e negocitave me Shqipërinë dhe me Maqedoninë e Veriut, sepse lë përshtypjen e krijimit të një blloku të ri ekonomik dhe politik si alternativë apo sfidë ndaj Bashkimit Europian. Në tetor të këtij viti, Serbia nënshkroi në Moskë një marrëveshje të tregtisë së lirë me Bashkimin Ekonomik Euroazian të dominuar nga Rusia pavarësisht paralajmërimeve nga Brukseli se kjo marrëveshje nuk përputhet me kriteret e integrimit europian. BE vendosi sanksione ndaj Rusisë në vitin 2014 mirëpo Serbia, megjithëse vend kandidat, refuzoi ti vendoste. Pavarësisht retorikës pro-perëndimore, gjatë viteve të fundit Serbia ka thelluar bashkëpunimin ushtarak me Rusinë duke ndërmarrë manovra të përbashkëta dhe bërë blerje masive armatimi. Të gjitha këto veprime të Serbisë hedhin hije dyshimi mbi orientimin gjeopolitik të një blloku të ri shtetesh ballkanike ku shteti më i fuqishëm që shërben si lokomotivë e kësaj nisme, flirton haptazi me Rusinë dhe nuk e ka të sinqertë orientimin drejt perëndimit.

Kjo nisëm ka hasur në hezitim jo vetëm prej Kosovës por edhe prej dy vendeve të tjera të Ballkanit Perëndimor, Mali i Zi dhe Bosnja e Hercegovina çka dëshmon se kjo iniciativë rajonale me pjesëmarrje të gjymtuar i ka gjasat e mëdha që të dështojë pa u formuar mirë. Prandaj e gjithë kjo seri takimesh duket se është propagandë që synon të largojë vëmendjen nga dështimi me hapjen e negociatave si dhe nga keq-qeverisja socialiste që po shkakton gjithmonë e më shumë kosto tek çdo qytetar. Së fundmi, duke ndarë shqetësimin se kjo nisëm mund të bëhet pjesë e një skenari të “anëtarësimit minus” për vendet e Ballkanit Perëndimor, shpreh bindjen e thellë se Shqipëria nuk meriton të penalizohet për dështimet, abuzimet dhe paaftësitë e kësaj qeverie që kanë çuar në errësimin e perspektivës europiane për shqiptarët. Ne besojmë se Shqipëria nuk duhet të pranojë një ofertë alternative degraduese të integrimit por duhet të vazhdojë të synojë që të bëhet anëtare me të drejta të plota në Bashkimin Europian. Shqipëria dhe shqiptarët e kanë të gjithë potencialin e duhur për të arritur kriteret e kërkuara. Dhe ne jemi të bindur se vetëm rotacioni politik dhe krijimi i një qeverie të re do ta çlirojë këtë potencial europianizues dhe do ti hapë rrugë anëtarësimit të plotë të Shqipërisë në Bashkimin Europian" tha Basha. 

Ndërkohë që Presidenti i Shqipërisë Ilir Meta, referuar samitit për Shengenin Ballkanit që u zhvillua dje në Tiranë, të cilin Kosova e bojkoti, u shpreh në një intervistë për një televizion boshnjak se iniciativat rajonale janë gjithmonë të mirëpritura, por jo duke provokuar debate të panevojshme, duke u përpjekur për të margjinalizuar dikë ose një vend, apo t’i japësh protagonizëm dikujt tjetër. Jashtë samitit të Tiranës që u zhvillua dje mbetën vetëm Kosova dhe Bosnje Hercegovina, që e kanë refuzuar ftesën për t'u bërë pjesë në një tryezë pa kushte. Bojkoti i Prishtinës solli debate mes Tiranës dhe Prishtinës, ndërsa takimi i radhës do të mbahet në Beograd, ndoshta në fund të janarit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tutu: 23/12/2019 05:45

    Ah mor Lulzim plehra.... ju i doni keta popuj vec ne grindje dhe lufte... perca dhe sundo.... se vec keshtu majmeni me mire... mu kujtua zotria juaj dje ne Murriqan dike pritur 3 ore ne kufi....

    Përgjigju
  • Arta: 23/12/2019 01:46

    O hajvan po pse ne ne shqiperi do pyesim kosoven se cdo bejme me te ardhmen tone,,ne ne punen tone,kosova ne punen e vet,,ata kane qeverine e vet ,,ne kemi qeverine tone,,qe e udheheq lideri me i madh EDI RAMA...SHKO FLI GJUME TANI LULI,,KUSH TE ZGJOI SALIU,,JA RREGULLOJ UNE ATIJ...

    Përgjigju
  • Miu wc: 22/12/2019 20:43

    A DO MO O MIU I WC TI QEKE IDJOT I LER O PLER.

    Përgjigju
  • Miu haleve: 22/12/2019 20:42

    U komentua u komentua u komentua o mi wc

    Përgjigju
  • LYL RANGALLI: 22/12/2019 20:42

    O lyl o rangall me flok të lyme si papagall. Ti je kriminel e hajdut e je komplet debil 45 vjeç e sdi tabelën e shumzimit o lyli kti timit. Lylo prit se SPAKU U BO E REÇI PO TË PRET O LYLI IBRET.

    Përgjigju
  • Toto: 22/12/2019 19:48

    A pleh plehit ti,ku ke moral ti.

    Përgjigju
  • Pyka: 22/12/2019 15:37

    Heu bre burra,foli pinoku i vogjël.....haha

    Përgjigju
  • I demtuari nga hajdutet: 22/12/2019 14:50

    Mire posits qe nuk don me dit per vjedhet massive qe po kryen ne DURRES po dhe opozita ka rene ne charkun e Rames O LULUSH POPULLI I DURRESIT PO NGRE ZERIN PER VJEDHJET MASIVE QE PO U BEHEN SHTEPIVE DUKES SI BASHPUNIM I INSTITUTIT TE NDERTIMEVE ME SHOQATEN E HAJDUTERVE TE SHTEPIVE POLICISE SE NUK KA MUNDESI DITEN ME DIELL PLACKITEN SHTEPITE SI PA GJE TE KEQE VENDOSET VULA SI È PA BANUSHME ME NJE HERE HYN HAJDUTET PLACKISIN SHTEPITE ME NJE POLICI INEKZISTENTE NEPER RUGE DURRESI ESHTE NE GJENDJE ALARMI SOS NGA HAJDUTET

    Përgjigju
  • O tej: 22/12/2019 14:14

    Vdiqe per pak kryeminister... po pa perkdhelur ket temon nuk behesh o shalngjitur

    Përgjigju
    • Ush o dreq: 22/12/2019 23:28

      Nepi vedit Lul

    • O i keshillit: 22/12/2019 23:26

      Kreminister do behet Klevis Balliu i biri spiunit Fari

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Kosova mbyll dy ndërmarrje publike serbe në veri! Sveçla: Grumbullonin pagesa në mënyrë të paligjshme!

Kosova mbyll dy ndërmarrje publike serbe në veri! Sveçla: Grumbullonin pagesa në mënyrë të paligjshme!

26 Dhjetor, 21:13