POP 5

Lajmet më të lexuara të 5 minutave të fundit

Politikë

Basha takohet me prodhuesit shqiptarë: PD krah jush, qeveria keqmenaxhoi krizën në dëm të shqiptarëve dhe favor të miqve të saj

Kreu i Partisë Demokratike, Lulzim Basha ka zhvilluar një takim me përfaqësues të Shoqatës së Bashkimit të Prodhuesve Shqiptarë, ku tha se qeveria e keqmenaxhoi krizën e shkaktuar nga pandemia në dëm të shqiptarëve dhe në favor të miqve të saj.

Basha takohet me prodhuesit shqiptarë: PD krah jush, qeveria keqmenaxhoi krizën në dëm të shqiptarëve dhe favor të miqve të saj

Kreu i Partisë Demokratike, Lulzim Basha ka zhvilluar një takim me përfaqësues të Shoqatës së Bashkimit të Prodhuesve Shqiptarë. Gjatë takimit në njoftimin e PD thuhet se shoqata e prodhuesve kanë shprehur shqetësimet në lidhje me uljen e ndjeshme të prodhimit dhe eksportit, rritjen e papunësisë dhe mungesës së likuiditetit dhe aksesit në garancinë sovrane që do sipas tyre do të çojnë në falimentimin e këtij sektori. Shoqata e prodhuesve shqiptarë shprehet se qeveria nuk ka marrë asnjë masë konkrete për t`u ardhur në ndihmë gjatë periudhës së pandemisë.

Nga ana tjetër Basha tha se qeveria e keqmenaxhoi krizën e shkaktuar nga pandemia në dëm të shqiptarëve dhe në favor të miqve të saj, ndërsa tha se PD so qëndrojë në krah të prodhuesve.

 "41.5 milionë euro ka dhënë Edi Rama për 3 milionë shqiptarë, ku janë qindra e mijëra të papunë dhe biznese gati për t'u mbyllur, ndërkohë që, po kaq, i ka dhënë qeveria klientëve të saj për 2 km rrugë tek Unaza e Re”, tha Basha.


Deklarata e plotë e PD

Përfaqësues të Shoqatës së Bashkimit të Prodhuesve Shqiptarë ndanë sot me kryetarin e Partisë Demokratike, Lulzim Basha, shqetësimet e tyre për ecurinë e mëtejshme të aktivitetit pas pamdemisë Covid 19.

Ndonëse kërkesat e tyre konkrete për të përballuar krizën e këtij sektori gjatë pandemisë janë bërë publike qysh herët, qeveria nuk ka marrë asnjë masë konkrete pwr t`u ardhur në ndihmë.

Përfaqësuesit  e Shoqatës së Bashkimit të Prodhuesve Shqiptarë shprehën shqetwsimië e thellë për uljen e ndjeshme të prodhimit dhe të eksporteve, por edhe për humbjen e vendeve të punës, faktorë që kanë prekur pjesën dërrmuese të bizneseve prodhuese. Paketat ekonomike të qeverisë nuk e kanë ndihmuar aspak këtë sektor që, çdo ditë e më shumë, po varfërohet dhe rrënohet nga pandemia e krizës ekonomike. Mungesa e likuiditetit në zinxhirin prodhues, shoqëruar dhe me mungesën e aksesit në garancinë sovrane janw faktorë shtesë që e bëjnë sektorin e prodhimit shqiptar një nga më të rrezikuarit nga falimentimi për shkak te keqmenaxhimit të ekonomisë gjatë periudhës së pandemisë.

Kryetari I PD, Lulzim Basha ndau shqetësimin se pandemia ekonomike po shkatërron çdo sektor të ekonomisë, duke rritur ndjeshëm varfërinë dhe papunësinë. “Kam parë dhe takuar vetë njerëz që nuk kanë marrë asnjë lek nga qeveria, biznese që nuk kanë përfituar asnjë ndihmë dhe po mbyllen dita-ditës. Qeveria e keqmenaxhoi krizën e shkaktuar nga pandemia në dëm të shqiptarëve dhe në favor të miqve të saj. 41.5 milionë euro ka dhënë Edi Rama për 3 milionë shqiptarë, ku janë qindra e mijëra të papunë dhe biznese gati për t'u mbyllur, ndërkohë që, po kaq, i ka dhënë qeveria klienteve të saj për 2 km rrugë tek Unaza e Re”.

Kryetari Basha i konsideroi të drejta shqetësimet e ngritura nga  Shoqata  e Bashkimit të Prodhuesve Shqiptarë dhe i siguroi ata se PD do të jetë në krah të biznesit duke mbështetur kërkesat e tyre legjitime, si rruga e vetme për të shmangur katastrofën ekonomike dhe humbjen e dhjetëra mijëra vende pune.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • O tej: 11/05/2020 16:36

    Kam then une do ece para ky kalamani.Tani qe takoi prodhuesit po i vjen radhe me taku dhe ket temin ishalla.

    Përgjigju
    • Zefi: 11/05/2020 17:55

      Amen!

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51