Ish kryetari i Bashkisë së Vorës Agim Kajmaku u kap me 20 kg kokainë në Itali brenda vazove me lule që bleu për biznesin e tij. Arrestimi nga autoritetet italiane e bën Kajmakun dhe të afërmit e tij automatikisht subjekt të ligjit anti-mafia, për verifikimin e pasurive nëse janë produkt i aktiviteteve të paligjshme apo me burime të ligjshme.
Po cila është pasuria e deklaruar nga Agim Kajmaku dhe bashkëshortja e tij Merita Kajmaku, pasuri e cila mund të jetë objekt verifikimi nga prokuroria?
Bashkëshortja e Agim Kajmakut, Merita Kajmaku, përpos të tjerave deklaron në vitin 2019 rreth 1.9 milionë USD, në formë obligacionesh në banka, me burim të pretenduar kursime familjare si dhe të ardhura nga biznesi. Kjo është deklarata e parë dhe e fundit, pasi Kajmaku u shkarkua disa muaj pasi u zgjodh kryebashkiak i Vorës.
Merita Kajmaku deklaron edhe një apartament në Tiranë me sipërfaqe 114 m2 si dhe dy garazhe, me vlerë 128 mijë euro. Si burim të kësaj pasurie deklaron kursime familjare dhe të ardhura nga biznesi.
Me të ardhura nga biznesi, Merita Kajmaku i referohet kompanisë ‘A.M.E 2020’, me objekt prodhim, rritje dhe tregtim të farërave, luleve, fidanëve, pemëve të ndryshme etj. Kompania është themeluar në vitin 2008 me kapital 100 mijë lekë, ku 49 % të aksioneve i kishte Agim Kajmaku dhe 51 % Merita Kajmaku.
Në korrik të vitit 2019, para se të merrte mandatin si kryebashkiak, Agim Kajmaku ia shet 49 % të aksioneve bashkëshortes së tij për 100 mijë USD.
Ndërkaq, vetë Agim Kajmaku deklaron një ndërtese dykatëshe me sipërfaqe 92 m2 dhe truall me sipërfaqe 300 m2 në Vorë, me vlerë 37 mijë USD, tokë arë me sipërfaqe 5 875 m2 në Vorë me vlerë rreth 33 mijë USD, apartament 72.2 m2 në Kavajë me vlerë rreth 23 mijë USD,
Ndërtesë 346.5 m2 dhe truall 2 100 m2 deklaruar në vlerë 1 000 000 lekë ose 10 mijë USD, por që dyshohet se ka një vlerë qindra mijëra USD. Gjithashtu, Agim Kajmaku deklaron llogari bankare 192 mijë euro si dhe 6.1 milionë lekë ose rreth 60 mijë USD. Deklaron edhe një makinë Audi Q7 me vlerë 35 mijë euro.
Të gjitha këto pasuri, Agim Kajmaku thotë se i ka krijuar nga kursimet familjare si dhe nga të ardhurat nga biznesit, pra nga kompania Kajmaku, me emër të ndryshuar në A.M.E 2020. A mund të që kjo kompani të ketë gjeneruar fitime në vlerë miliona euro? Përgjigja u mbetet organeve ligjzbatuese shqiptare.
(Kliko këtu për të lexuar dokumentin e plotë, Pasuria e Agim dhe Merita Kajmakut )
Komente
Lajme të tjera
-
U kap me drogë/ Agim Kajmaku bleu pasurinë 1 milionë lekë dhe ia shiti vetes 730 mijë USD, mbi 2.5 milionë USD llogari bankare dhe apartamente
18 Qershor 2022, 16:02
-
U kapën me 20 kg kokainë në Itali, zbardhet dëshmia e Kajmakut dhe nipit të tij...detaji që mund t'i implikojë, ja çfarë u gjet në çantë
16 Qershor 2022, 15:50 -
EKSKLUZIVE/ Pamjet e kamionit me lule të Agim Kajmakut, i modifikuar për drogë! U nis për Holandë, ndaloi në Bari dhe u kap në Durrës
15 Qershor 2022, 14:57
-
VIDEO ekskluzive/ Momenti kur Agim Kajmaku shoqërohet për në qeli nga karabinierët dhe Guardia Di Finanza pas arrestimit! U prangos me 20 kg kokainë
14 Qershor 2022, 18:21
-
Arrestimi i Kajmakut me 20 kg kokainë, reagon për herë të parë PS: Përshëndesim zbatimin e ligjit për këdo
14 Qershor 2022, 11:26 -
Në Itali gjykohet për trafik droge, në Tiranë për falsifikim dokumentesh! Prokuroria: Kemi ankimuar vendimin e gjykatës për Agim Kajmakun
14 Qershor 2022, 10:40 -
U kap me 20 kg kokainë në Itali, pasuria e Agim Kajmakut ‘në sitë’ ! Do të verifikohet çdo lëvizje e ish-kryebashkiakut
13 Qershor 2022, 10:36
-
REAGIMET për arrestimin e Agim Kajmakut/ Alibeaj: Rama e mbrojti nga drejtësia! Bardhi: Kriminalizoi qeverisjen qendrore e lokale! Berisha: Pasqyroi fytyrën e qeverisë
12 Qershor 2022, 11:50 -
Ekskluzive/ U kap me 20 kg kokainë në Itali, ish kryebashkiaku i Vorës Agim Kajmaku nuk ishte vetëm! Së bashku me nipin ndërronin vazot e luleve! U ‘fundosën’ nga pronari i fidanishtes
12 Qershor 2022, 07:48
-
Ekskluzive/ Arrestohet në Itali me 20 kg kokainë ish-kryebashkiaku i Vorës, Agim Kajmaku! Droga kapte vlerën e 1 mln euro, e kishte fshehur në vazo me lule
11 Qershor 2022, 23:04
-
Abuzimi me tenderat/ PD: Paralajmërimi i Ramës për kryebashkiakët, përpjekje për t'i hedhur hi syve shqiptarëve, vijon të shpërblejë me tendera Agim Kajmakun
12 Korrik 2021, 12:30 -
Gjykata e Apelit e liroi, Agim Kajmaku lë spitalin, do paraqitet në Prokurori 2 herë në muaj
9 Korrik 2020, 09:04
cfare kursimesh moje zonje yy drogaxhinje futin brenda
Përgjigju1 milion e ca $ fitim ne nje kompani gati 10 vjecare,nuk eshte ndonje gje e jashtezakonshme.Me intrigon ideja nese edhe Ilir Meta ja ka shitur LSI-ne Monikes si ky aksionet e veta,gruas se tij?
PërgjigjuSigurisht moj ndrikull kursime nga biznesi droges se ne me pune te ndershme mezi nxjerrim muajin edhe me me shume shkolle se ty hajdute.
Përgjigjupo te kapet Ed rama me droge, sdihet sa miliarda ka gruaja e vet ne banke
PërgjigjuShifni pak edhe ate ish- krytarin e komuns Domje qe ka miliona e restorante dasmash e kalceto e tgjith kryetart e komunave qe jan te pa kapeshem
Përgjigju