TIRANË-Kandidati i Partisë Demokratike zyrtare, Roland Bejko është shprehur se nuk do të tërhiqet nga gara për drejtimin e Bashkisë së Tiranës, ndryshe nga disa kolegë të tij që kanë nisur të largohen për shkak të presioneve të Sali Berishës. I ftuar në ‘Studio Live” në Report Tv, Bejko shprehet se ndaj tyre ka një presion shumë të madh duke i thënë “hajde bashkohemi që të mos merrni përgjegjësinë e humbjes”.
“Sot kush nuk është me PD i bie të jetë me Berishën, edhe këto largimet, janë pjesë e presionit, hajde bashkohemi që të mos merrni përgjegjësinë e humbjes, se nuk e përballojnë dot presion, as të 14 majit ku do u thuhet pse humbët ju”, tha Bejko.
Ai thotë se vetë nuk ka pasur presion, por bashkëpunëtorët e tij po.
“Bashkëpunëtorët e mi, janë nën terrorin e dhunës verbale të Berishës”, vijoi Bejko .
Përballë gazetarit Arbër Hitaj, Bejko ka zbuluar edhe disa “të pathëna” nga mbledhja e stërzgjatur e Kryesisë ku u konfirmua kandidatura e tij për Tiranën në 14 maj. Ai tha se nëse nuk do e pranonte propozimin, Enkelejd Alibeajt do jepte dorëheqjen dhe se “vula rrezikonte” t’i kalonte Sali Berishës.
“Nëse unë nuk do garoja, Alibeaj do jepte dorëheqjen dhe vula do i shkonte Sali Berishës”, shtoi ai.
Bejko zbulon edhe propozimin e tij për 2 nënkryetarët Jorida Tabaku dhe Gazment Bardhi, që të kishin një “primare” me njëri-tjetrin dhe kush dilte i fituar të ishte kandidat i PD-së zyrtare për kryeqytetin në 14 maj. Mirëpo, shprehet se një propozim i tillë, nuk gjeti dakordësinë e asnjërit.
“Njëra që e donte vetëm këshillat Bashkiak dhe tjetra që të hyhej në zgjedhje me të gjithë kandidatët. Mirëpo, meqë PD më shumë se një vit ka një sulm prej Berishës, një dhunë verbale dhe fizike që 8 janar, fjalori i ashpër i Berishës, gjuha pret më shumë se vetë plumbi apo guri. Në këto kushte erdhi propozimi im, unë i kërkova që një nga drejtuesit e lartë, Tabaku apo Bardhi të bënin një sakrificë dhe të futeshin në garë për bashkinë e Tiranës, fakti që dorëhiqesh tregon që e ke seriozisht kauzën dhe ngroh entuiziazmin. Ata nuk pranuan, preferuan që të mbajnë detyrat e tyre dhe patën qëndrime krejt ndryshe nga kryesia, njëri thonte kandidat për bashki në zona të pjesshme, ku mendohet se do fitonim, nga ana tjetër ishte Tabaku dhe disa deputet të tjerë që të futemi vetëm me Këshillat”, shtoi Bejko në Report Tv.
Vendimi për të mos dalë me asnjë kandidat për kryetar Bashkie, Bejko thotë se do të ishte një asimilim i Partisë Demorkatike, prandaj tha se mori përsipër një detyrë të tillë, pasi nuk mund të pranonte që kjo forcë politike ku ai ka dhënë shumë kontribut, të kishte këtë fat tragjik.
"Jam kundër, nëse futesh vetëm me Këshillat, t’i asimilon partinë, se nuk ka një udhëheqësh, që të organizojë fushatën dhe të mbledhë votat dhe kështu, duhet një dikush ta udhëheq fushatë, meraku është rezultati në fund, por ne nuk jemi për rezultatin në fund, nuk jemi ndarë me palën tjetër ish PD për çështje rezultati, ne jemi në pozicion mbrojtës që PD të mos mbetet në duar Non Grata. Të thuash Berisha do na anatemojë pas humbjes? Ca kuptimi ka? Dhe andej dhe këtej, ta kemi mirë me amerikanët dhe pastaj jemi dhe me Berishën, kjo nuk shkon. Nëse do ishte futur logoja e PD, do konkurronin 4 flamuj të majtë, Rama, koalicioni i Ilir Metës, do ishte Arlind Qori, një parti e majtë dhe Endri Shabani, nisma Thurje, ky është thelbi i konfliktit”, shtoi Bejko.
Fakti që është një gjirokastrit në garë për Tiranën nuk e sheh aspak si një disfavor. Ai solli disa shembuj si Rishi Sunak në Britani e Madhe një indian si kryeministër apo modele të tjera në shtete të tjera në botë.
“Berisha i bie që të mbaronte universiteti dhe të shkonte në fshat, edhe Nardi të hapte një servis makinash në fshatin e tij, unë kam 18 vjet në Tiranë, banoj këtu dhe jam pedagog këtu, kam qenë drejtues i lartë në Ministri të Brendshme, themelues i shkollës ASPA, drejtor i pushteti vendor dhe i integrimit, pastaj shkova nga Ministria e Jashtme pedagog. Dhashë dorëheqjen se ishte një kaos total. Britania e Madhe e ka kryeministrin jo anglez, SHBA vendosi një president me ngjyrë, në Skoci po ashtu dhe ta kesh këtë mentalitet tregon se je shumë i vjetër, Tirana është kosmopolite dhe të drejtën e ka kushdo. Do kullosja lopët në Lazarat? Unë mbarova shkollën për të dhënë kontribut këtu”, deklaroi Bejko.
Në fund, thotë se garën e ka me Erion Veliaj nga PS, teksa thotë se me Belind Këlliçin ka qenë brenda një Partie Demokratike, por është Sali Berisha ai që i ndai.
Roland Bejko ka folur për garën për Tiranën, duke thënë se me Belind Këlliçin nuk ka asgjë personale. Fajin për ndarjen e tyre, ia vë Sali Berishës, e ndërsa kritika ka pasur edhe për punën e Erion Veliajt.
“Me Këlliçin nuk kam asnjë lloj problem, erdhi Berisha na ndau në 2 pjesë, ne kemi qenë Brenda PD. Veliaj ka konsmumin e tij të madh, është një kryetar Bashkie që ka pasur si motiv kryesor fasadën, i imazhit spektaklit dhe kemi një Tiranë, të pabanueshme me ndotjen. Nuk jam i kryetarëve, po llogaridhënien e kam të qytetarët”, tha Bejko.
Roland Bejko është shprehur se fakti që Sali Berisha, falënderoi për tërheqjen nga gara të Sabah Shetës, kandidati për kryetar Bashkie i Krujës është tregues se ai fshihet pas këtyre tërheqjeve.
“Berisha tha se falenderoj Sabah Shetën për tërheqjen, kjo tregon se është vepër e Berishës, mendoj që ata duhet të rezistonin. Përgjegjësinë e ndarjes e ka vetëm Berisha, ai e mban konfliktin gjallë, ta dinë mirë që po qe se shkrihet PD zyrtare dhe kalon te Foltorja e gjitha do jetë Non Grata dhe do jenë duke ngrënë bar”, tha Bejko.
Komente
Lajme të tjera
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Studio Live/ 'Adoleshentët po bëhen hallka më e dobët në shoqërinë shqiptare', Gëzim Tushi: Krimet që kryen kjo moshë po rriten! Mehmeti: Kanë zëvendësuar stilolapsin me thikën
22 Nëntor, 19:55 -
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
-
'Nuk pres të më nderojnë me lule', Lapaj në 'Studio Live': Ja gabimi më i madh i Ramës, Metës dhe Berishës
21 Nëntor, 18:29 -
Vota e diasporës/ Ish-kreu i KQZ, Kume: Koston e postës ta paguajë KQZ! Një familje me 4 votues në Kanada i bie të paguajnë 400 dollarë për kthimin e fletës
21 Nëntor, 17:57 -
Propozimi për mbylljen e TikTok dhe Snapchat/ Milva Ekonomi në 'Studio Live': Janë jashtë kontrollit të mësuesit dhe prindit! Duhet të mbrojmë fëmijët tanë
21 Nëntor, 17:31
Po ik se kemlujt mendsh fare kush te llogarit ty apo ate antikapatin Alibeajn
PërgjigjuNë 1 orë intervistë, foli 59 min për Berishën dhe 1 minutë për kundërshtarin Veliaj.
Përgjigjupo kush jane bashkewpunetoeet e tu ore rolandi
PërgjigjuTirana, ka duruar dhe mbijetuar bukèshkalè dhe vrasès si Sali Berisha, qè zbritèn nga mali me valixhe druri, dhe u shesin karshillèk qytetarève sot, me milionat e vjedhura. z.Bejko. Kam respekt pèr guximin, qartèsinè e mendimit dhe ndjenjèn e pèrgjegjèsisè qè tregoni. Ata qytetarè tè Tiranès qè kanè mbetur kètu dhe akoma nuk kanè humbur çdo shpresè tek klasa politike dhe sidomos tek ajo sigla e partisè suaj qè nè Tiranè èshtè sinonim pèr barbarizèm urban, terror i provincès ndaj qytetarisè dhe kioskizim tè bulevardit,shoqèruar me rrènimin e gjithçkaje kulturore,,mbase do dinè dhe ndjejnè tu ndajnè juve si person nga bèmat e "partisè" suaj.
Përgjigjuo gjergji po ku je more trim, a ta coi fuga kete mesazhin dhe be en koyt paste ketu
O aktivist ka 10 vjet në qeveri ky i gjati prap Saliu e ka fajin? Jeni bërë si estrada e Ballshit