Berishistët festojnë në ekstazë fitoren e Trump, shpërthen Evi Kokalari: Mos guxoni, Berisha e provoi se është i korruptuar! Ju demokracinë e mbani peng, do t'ju vij radha

Fitorja e riktheu Donald Trump përsëri në Shtëpinë e Bardhë për një mandat të dytë.

Por duket se më shumë se mbështetësit e tij në SHBA, kanë festuar opozitarët demokratë në Shqipëri, të drejtuar nga ish-kryeministri në arrest shtëpiak prej një viti, Sali Berisha.

Kjo, referuar edhe mesazheve që kanë ndarë vetë në rrjetet sociale, përfshi ish-kryeministrin e pandehur për aferën “Partizani”, e që ëndërrojnë se një rikthim historik do të ketë dhe ky i fundit.

LEXO EDHE:
Deklaratat e Bardhit: Nëse Berisha është kryetar i PD dhe kandidat për kryeministër në 2025, unë largohem nga politika (VIDEO)

Aktivistja shqiptaro-amerikane, Evi Kokalari, që dikur shfaqej krah Sali Berishës, thotë se ish-kryeministri nuk ka asnjë të përbashkët me Trump.

"Don’t you fcking dare! DONT! Berisha e provoi tashmë që është i korruptuar. Jeni të pacipë se si keni vjedhur demokratët dhe mbështetësit tuaj. Ju s’keni asgjë të përbashkët me Trump apo demokracinë që triumfoi mbrëmë në Amerikë (5-6 Nëntor). Ju demokracinë e mbani peng", shprehet ajo.

Kokalari akuzon drejtpërdrejt opozitën në Shqipëri, se pavarësisht se sot feston fitoren e Donald Trump, në fakt është ajo vetë që është pengesë e ndryshimit radikal që i nevojitet vendit tonë.

"Do t’i vijë dita dhe Shqipërisë! Opozita që mbahet peng dhe feston Trumpin sot, është pengesa kryesore e ndryshimit radikal dhe mëse të nevojshme në atë vend. Por do t’ju vijë radha dhe juve së shpejti. Mos kini asnjë dyshim për këtë", shton aktivistja Evi Kokalari.

Postimi i Evi Kokalarit

TAG:
• PD
• sali berisha
• shqiperi
• zgjedhjet presidenciale ne SHBA
• evi kokalari

Sondazhi i ditës:

Çfarë prisni në vitin 2025?

• Punë

  10.9%

• Shëndet

  67.5%

• Mirëqënia

  21.6%

Vota total: 2088

Votat totale janë unike

• Sondazhi i ditës:

  Çfarë prisni në vitin 2025?

  Punë Shëndet Mirëqënia