POP 5

Lajmet më të lexuara të 5 minutave të fundit

Politikë

Publikimi i draftit të 'Venecias', SHBA: Nxisim palët të respektojnë procesin dhe ruajnë konfidencialitetin

Ambasada e SHBA ka përshëndetur vendimin e qeverisë për të mos diskutuar dhe votuar në Kuvend dekretin e betimit të anëtarëve të Gjykatës Kushtetuese, ndërsa ka vlerësuar presidentin Meta për afirmimin e rëndësisë së integrimit të vendit.

Publikimi i draftit të 'Venecias', SHBA: Nxisim palët të respektojnë procesin dhe ruajnë konfidencialitetin

Ambasadorja e SHBA-së në Shqipëri Yuri Kim

Ambasada e SHBA ka përshëndetur vendimin e qeverisë për të mos diskutuar dhe votuar në Kuvend dekretin e betimit të anëtarëve të Gjykatës Kushtetuese.

Përmes një reagimi ajo thotë se të dyja palët si Presidenti dhe Kuvendi duhet të presin dhe respektojnë opinionin e Komisionit të Venecias, ndërsa kërkoi dhe ruajtjen e konfidencialitet të projekt-opinionit deri sa ajo të finalizohet, pas publikimit të një pjese të raportit paraprak të Komisionit të Venecias.

Dekreti për betimin e anëtarëve të Gjykatës Kushtetuese është kthyer në një 'mollë sherri' mes Kuvendit dhe Presidencës, aq sa shkoi për opinion në Komisionin e Venecias. Kjo e fundit pritet të thotë fjalën përfundimtare më 22 mars.

'Nxisim të gjitha palët që të respektojnë procesin e Komisionit të Venecias, përfshi kërkesën për konfidencialitet të projekt-opinionit deri sa të finalizohet. Mirëpresim vendimin e qeverisë për të mos ndërmarrë veprime të mëtejshme lidhur me legjislacionin përkatës derisa opinioni të finalizohet ", shkruan ambasada e SHBA.

Ajo që vihet re është se pas dy 'shuplakave' që ambasadorja i dha presidentit Meta që me distancimin e flamurit amerikan nga 'manifestimi' i 2 marsit dhe mbështetja publike që i bëri ministres Gjonaj, Yuri Kim nuk ka nguruar 'ta qortojë' dhe për letrën që Meta i ka dërguar KE duke theksuar se sundimi i ligjit dhe integrimi i vendit, janë të vetmet gjëra që kanë rëndësi. Përtej letrës, Ambasasa e SHBA vlerëson fjalimin e Metës për afrimimin e rëndësisë pozitive të integrimit të Shqipërisë në BE, gjatë konferencës me homologun bullgar.

"Po ashtu mirëpresim deklaratën e bërë nga Presidenti Meta gjatë konferencës së tij për shtyp me Presidentin e Bullgarisë, duke afirmuar rëndësinë e një vendimi pozitiv nga BE për të hapur negociatat drejt anëtarësimit për Shqipërinë. Duhet të qëndrojmë të përqendruar tek ajo që ka më shumë rëndësi – sundimi i ligjit dhe e ardhmja e Shqipërisë në Evropë", shkruan ambasada e SHBA.

Në lidhje me letrës reagoi edhe Kryeministri Rama që e cilësoi si 'reaksion nga kanceri i korrupsionit' dhe efekteve që reforma në drejtësi po shkakton, ku për herë të parë në histori, kundër integrimit është shfaqur vetë presidenti i Shqipërisë. Edhe Komisioni Europian reagoi duke thënë se 'në raport nuk bënë interpretim, pasi nuk merren me mosmarrëveshjet në Shqipëri, mes qeverisë dhe presidentit.'

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ops: 07/03/2020 00:38

    Ja futi Meta, tani e mori she sma Kjo bundrra nga Amerika

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56