Bizneset e dëmtuara gjatë protestave të dhunshme në Tiranë do të përfitojnë dëmshpërblim deri në 100% të dëmeve materiale. Kryeministri Edi Rama prezantoi sot aktin normativ që parashikon mbështetje të menjëhershme financiare për bizneset që kanë pësuar dëme nga thyerjet, grabitjet dhe zjarret.

" Me këtë akt shteti do të mbulojë nga 100% të dëmeve materiale për më të vegjëlit deri te minimumi 70% për më të mëdhenjtë - në bazë kriteresh të mirëpërcaktuara dhe gjithnjë brenda fashës së bizneseve me xhiron vjetore deri në 140 mijë euro. Kështu bizneset të cilat i kanë depozituar tanimë aplikimet e tyre, bashkëngjitur dokumentacionin e dëmeve pranë Drejtorisë së Përgjithshme të Tatimeve, nuk do të presin me vite proceset gjyqësore për dëmshpërblimin e tyre. Nga ana tjetër ata që u përfshinë në këto akte ku thyen, shkatërruan, dogjën dhe dëmtuan bizneset, e për të cilët gjykata e vlerësoi të ligjshëm arrestimin, do të paguajnë secili pjesën e vet të gjobës për dëmet e shkaktuara. Për dëmet e shkaktuara nga të miturit, përgjegjësia për mbulimin e pjesës së dëmit kalon te prindërit" tha Rama


Lajmi kryesor:

Nga dëmshpërblimi i bizneseve te ndëshkimet financiare e penale për dhunuesit në protesta, Rama prezanton një paketë të gjerë masash: Kush thyen paguan! Dje në Tiranë mercenarë nga Spanja! Akuza për PD: Strehë e dhunës