Blinken drejt Lindjes së Mesme, bisedime për armëpushim në Gaza dhe sigurinë rajonale

Sekretari amerikan i Shtetit, Antony Blinken duke u nisur për në Arabinë Saudite nga baza ajrore Joint Base Andrews, në Merilend

Sekretari amerikan i Shtetit Antony Blinken është nisur drejt Arabisë Saudite për bisedime rajonale që mbahen të hënën dhe të martën, në lidhje me ndihmat humanitare për Gazën, të ardhmen e territoreve palestineze pas përfundimit të luftës, si dhe stabilitetin dhe sigurinë në Lindjen e Mesme.

“Sekretari i shtetit do të diskutojë përpjekjet në vazhdim për arritjen e një armëpushimi në Gazë që do të siguronte lirimin e pengjeve dhe përse Hamasi është bërë një pengesë për popullin palestinez dhe për një armëpushim”, tha Departamenti amerikan i Shtetit.

LEXO EDHE:
Lufta në Gaza/ CNN: Izraeli ka grumbulluar trupa për të sulmuar Rafahun! 14 të vdekur gjatë sulmit ajror në Nuseirat

Sekretari Blinken do të marrë pjesë në takimin në Riad të ministerialit të Këshillit të Bashkëpunimit të Gjirit, një aleancë rajonale e vendeve arabe të ndodhura përqark Gjirit Persik.

Lajmi kryesor:

Lufta/ Hamasi nesër në Kajro për armëpushim! Ushtria izraelite miraton plane të reja për vazhdimin e luftës në Gaza

SI.E./Shqiptarja.com

TAG:
• lufta ne rripin e gazes
• Hamas