POP 5

Lajmet më të lexuara të 5 minutave të fundit

Politikë

Blushi i PL sulmon SPAK nga Elbasani: Dumani vegël qorre e Ramës, nuk hetoi krimet elektorale! Do ngremë Ministrinë e Diasporës pas 11 Majit

Me kryetarin e Partisë së Lirisë të paraburgosur prej 21 Tetorit 2024, numri dy Tedi Blushi mori një takim me strukturat në prag të fushatës elektorale, duke akuzuar qeverinë qendrore dhe vendore për lidhje me krimin dhe korrupsionin, si dhe mbështetjen që Prokuroria e Posaçme po u jep, duke mos i ndëshkuar

Blushi i PL sulmon SPAK nga Elbasani: Dumani vegël qorre e Ramës, nuk hetoi krimet elektorale! Do ngremë Ministrinë e Diasporës pas 11 Majit

Tedi Blushi gjatë takimit me strukturat e PL në Elbasan

Teksa fushata elektorale për zgjedhjet parlamentare të 11 Majit po afron, partia e Lirisë ka nisur takimet në bazë pa prezencën e kryetarit të saj Ilir Meta, i cili qëndron në paraburgim prej 21 Tetorit 2024, kur u arrestua me urdhër të SPAK për tre vepra penale.

Sekretari i Përgjithshëm i PL, Tedi Blushi, ishte në një takim radhe me strukturat në qytetin e Elbasanit, ku u shpreh se 11 Maji do jetë dita e fitores së opozitës dhe do çlirohej Elbasani nga bandat, për t’ia kthyer qytetarëve.

Por ai nuk i ndali akuzat jo vetëm ndaj qeverisë dhe kryeministrit Edi Rama, por edhe ndaj SPAK-ut dhe drejtuesit të saj, Altin Dumani.

Blushi e sulmoi SPAK si të lidhur me qeverinë, duke e mbrojtur nga ndëshkimet për abuzimet dhe korrupsioni, teksa nuk kurseu as Taulant Ballën si kreu politik socialist i qarkut dhe kryebashkiakun Gledjan Llatja, si të lidhur me bandat e qytetit.

“Sepse Prokuroria me qëllim nuk i heton krimet zgjedhore, sepse kërkon që nëpërmjet mosndëshkimit të bandave të lidhura me pushtetin të mund t’i garantojë sërish Edi Ramës edhe një mandat tjetër 4-vjecar në kurrizin tuaj në këmbim të një mandati tjetër të përjetshëm për këta drejtues mercenarë në krye të SPAK, si vegla qorre e Edi Ramës që quhet Altin Dumani”. Blushi tha se ky SPAK nuk hetoi as krimet elektorale në Elbasan më 2021 sepse për deputet kandidonte vëllai i prokurorit të qytetit.

  Ai ndër të tjera tha se “filozofia e qeverisë së Ramës është ajo e narkoshtetit dhe Elbasani është pasqyra e qeverisjes 12 vjeçare me gjendjen ku ndodhet dhe korrupsionin shtetëror”.

“Ky në fakt është edhe një tregues se si “Drejtësia e Re” që i ka tanimë të gjitha provat se kush e komandon krimin dhe trafikun e drogës në Elbasanin dhe nuk vepron”, tha Blushi. Ai shtoi se “edhe këtë organizatë do e kemi kundër nesh, pasi mbron pandëshkueshmërinë”.

Më tej ai u përqendrua edhe të shifrat social-ekonomike, ku vuri në dukje se të gjithë fermerët në këto 12 vite e dinë se rimbursimi i TVSH për imputet bujqësore u ul nga 20% në 6%, duke nënvizuar se fondet e shtetit vidhen për inceneratorë që nuk ekzistojnë dhe gjithashtu fondet e IPARD për bujqësinë përfundonin në destinacione të tjera.

Blushi premtoi rritje 5-fish të financimit për Bujqësinë e Blegtorinë, ulje e TVSH për prodhimet bujqësore dhe blegtorale në 5% dhe 10 mijë euro dhuratë fond për familjet fermerë në Elbasan, me qëllim ringritjen e këtyre sektorëve.

 Kurse në lidhje me votën e emigrantëve, numri dy i PL premtoi një Ministri të Diasporës pas 11 majit kur opozita të fitojë zgjedhjet.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57