Boçi në ‘Real Story’: Nëse unë fitoj do mbyll inceneratorin! Do bëj landfill vetëm për plehrat e Bashkisë Elbasan, jo të gjithë qarkut

Kandidati i Koalicionit “Bashkë Fitojmë”, Luçiano Boçi tha se nëse do fitojë ai, do të mbyll inceneratorin e Elbasanit, e ndërsa shtoi se do të krijonte një landfill që do menaxhonte plehrat vetëm të Bashkisë, jo të qarkut. Ai tha se Elbasani e ka një “njollë të zezë” e ajrit të ndotur, si metalurgjiku, prandaj inceneratori nuk ishte zgjedhja e duhur.

“Është vdekjeprurës, ai mbjell vdekje dhe kontaminojmë qytetin dhe përballë jetës, unë do isha për zgjidhje të fortë, do e mbyllja inceneratorin, por ligjërisht do e në shkallët ligjore, vendimi kryesor i përket Këshillit Bashkiak, por vendimi më kryesor i takon qytetarëve të Elbasanit. (...) Si mund të dalim nga kjo? Elbasani mbledh plehrat e të gjithë qarkut, boll ka qenë i kontaminuar nga Metalurgjiku që ka sjellë pasoja dhe të ndërtohej një impiant i djegies së plehrave mbi një damkë, plehra mbi plehra. Direktivat e BE orientojnë landifillimit, lidhet me ndarjen në burimin, seleksionimin dhe lanfillimin. 70 mijë ton plehra ka Elbasani, të bëhet një landfill me një kosto 2 mln euro larg zonave të banuara, t’i grumbullojë në modelin e landfillit të Bushatit.  Një kosto e ulët me një mbrojtje qytetare dhe menaxhim sipas standardeve Evropiane. Pse u dashka që Elbasani të marrë helme dhe plehra”, tha Boçi. 

Lajmi kryesor:

Boçi në ‘Real Story’: Nëse unë fitoj do mbyll inceneratorin! Do bëj landfill! Nuk më ka sjellë njeri nga Tirana si kandidat! Përçarja në PD, s'është dramë

B.K./Shqiptarja.com

TAG:
• edi rama
• luçiano boçi
• zgjedhjet vendore 2023
• real story