Në Tropojë, Kukës, Shkodër, Dibër, Lezhë dhe në Gjirokastër vazhdojnë që të jenë të bllokuara disa zona për shkak të dëborës dhe bllokimit të rrugëve nga rrëshqitja e dherave nga moti i keq që ka përfshirë të gjithë vendin nga fillimi i këtij viti.
 
Në bashkinë e Kukësit është e bllokuar Njësia Administrative Arrën me gjithë fshatrat, fshati Turaj dhe Njësia Topojan, fshati Shtrezë e njësia Shishtavec, fshati Nimçe.
  
Në Kukës dhe Has të gjitha akset nacionale qarkullohen pa zinxhirë, përjashtuar aksin rrugor Ura e Zapodit-Ura e Shtrezës me zinxhirë.
 
Ndërsa në Tropojë të bllokuara janë fshatrat Curraj i Epërm, Salcë, Palcë e Gjonpepaj dhe Lekbibaj, Treshnjevë, Papaj, Gegaj, Tropojë e Vjetër, Lëkurtaj dhe Selimaj.
 
Sipas Emergjencave Civile në qarkun e Shkodrës i vetmi aks rural i bllokuar është Qafë Thore - Theth.
 
Në Dibër, Lura dhe rrugët lidhëse të fshatrave Lunar, Lukan, Kacni, për në qendër të Njësive Administrative Selishtë janë të bllokuara.
 
Në qarkun e Lezhës të bllokuara janë vetëm disa fshatra në Njësitë Administrative Orosh, Fan dhe në Nënshejt - Lajthizë të bashkisë Mirditë.
 
Në Gjirokastër, të bllokuara janë Njësitë Administrative: Kurvelesh; Zagori, Buz dhe fshatrat Selckë, Selckë e Vogël dhe Shalë.
 
Ditën e sotme Emergjencat Civile kanë planifikuar shpërndarjen e ndihmave me helikopterët dhe mjetet e Forcave të Armatosura për në disa zona në veri dhe verilindje të vendit, por gjithçka do të varet nga kushtet atmosferike në këto zona.
 
 
EC: Situata dhe masat - 18 Janar 2017
 
QARKU SHKODËR
Në qarkun e Shkodrës i vetmi aks rural i bllokuar është Qafë Thore - Theth, po punohet për hapjen e tij.
 
Akset rrugore Tamarë - Vermosh, Hadroj - Qafë- Benë, Fushë Arrëz - Qafë Mali – Fierzë, Fushë Arrëz – Qafë Shllak, Laç Vau Dejës – Qafë Çelë – Pukë, Qafë Çelë – Pukë – Fushë Arrëz, Bardhet – Iballë, Shkodër – Breg Lumi – Theth, janë të qarkullueshme me zinxhirë.
 
QARKU KUKËS
Në qarkun e Kukësit të gjitha akset kombëtare qarkullohen pa zinxhirë.
Aksi rrugor Ura e Zapodit-Ura e Shtrezës qarkullohet me zinxhirë.
Vijojnë të jenë të bllokuara disa fshatra dhe Njësi Administrative Arrën, Zapod, si dhe fshatrat Turaj, Shtrezë, Nimçe, Curraj i Epërm, Salcë, Palcë Treshnjevë, Papaj, Gegaj, Lëkurtaj e Selimaj.
 
QARKU DIBËR
Të gjitha akset rrugore kombëtare janë të hapura, më përjashtim të aksit rruga nacionale – Lurë e cila vazhdon të jetë e bllokuar.
Gjithashtu të bllokuara janë dhe rrugët lidhëse të fshatrave Lunar, Lukan, Kacni, për në qendër të Njësive Administrative Selishtë.
Akset rrugore janë të qarkullueshme me zinxhirë Kuben–Vasie, Ura e Qytezës–Zerqan dhe Ura e Çerenecit–Steblevë.
 
QARKU LEZHË
Në qarkun e Lezhës të bllokuara janë vetëm disa fshatra në Njësitë Administrative Orosh, Fan dhe në Nënshejt - Lajthizë të bashkisë Mirditë.
 
QARKU GJIROKASTËR
Të gjitha akset kombëtare janë të qarkullueshme.
Të bllokuara janë Njësitë Administrative: Kurvelesh; Zagori, Buz dhe fshatrat Selckë, Selckë e Vogël dhe Shalë.
 
QARKU KORÇË
Në qarkun e Korçës të gjitha rrugët kombëtare dhe rurale janë të qarkullueshme.
Vetëm akset rrugore Korçë – Voskopojë, Korçë – Boboshticë – Dardhë, Korçë – Ersekë, Ersekë – Leskovik janë të qarkullueshëm me zinxhirë.



dy.b/shqiptarja.com