Edhe pse helvetët realizuan të parët në fund ndanë pikët me skuadrën aziatike. Në Kaliforni shifrat u zhbllokuan në minutën e 17 nga Embolo, i cili realizoi saktë nga 11-metrat.

Nga ky moment Zvicra uli ritmin dhe ndëshkimi erdhi në momentin më të papritur. Në minutën e 94 Khouki barazoi dhe njëkohësisht vulosi shifrat përfundimtare të sfidës. Zhgënjim i madh te Zvicra, ndërsa festa shpërtheu te Katari. Ky rezultat erdhi në ditën kur kapiteni Granit Xhaka vendosi rekordin si lojtari më me shumë ndeshje, 13, për Zvicrën në Botëror.

Si vinin skuadrat.

Zvicra me kapiten Granit Xhakën do të debutojë sonte në Botërorin 2026, duke patur mundësinë të marrë kreun e grupit B. Për ta bërë këtë helvetët duhet të mposhtin në orën 21:00 në stadiumin e San Francisco-s Katarin, që në letër duke një rival i kalueshëm. Në FIFA Katari mban vendin e 56, ndërsa Zvicra renditet e 19-ta. Në favorin e helvetëve flasin ndjeshëm edhe koeficientët pasi fitorja e tyre kuotohet me 1.2.

Zvicra u kualifikua në Botëror duke prerë biletën direkt nga grupet kualifikuese ku bënte pjesë bashkë me Kosovën, por ndeshjet e fundit ndonëse miqësore, nuk kanë prodhuar rezultate pozitive për trajnerin Murat Yakin. Ndërkohë te Katari arma më e fortë është trajneri Julian Lopetegui, ish-trajner i Spanjës dhe Real Madrid, ndërsa kombëtarja është e përbërë nga lojtarë të cilët vijnë nga kampionati vendas.

 

Në të kaluarën Zvicra dhe Katari janë përballur vetëm 1 herë mes tyre. Një ndeshje miqësore ku aziatikët kanë fituar me rezultatin 1-0.

Rendit zhvillimet sipas orarit:
Ora 04:17
Dyshimet se goli i Zvicrës erdhi nga pozicioni jashtë loje, reagon FIFA: Ishte një gabim teknik që nuk ndikoi në punën e VAR-it

1781403509_fifa.jpg

Kombëtarja e Zvicrës u ndal 1-1 nga Katari në ndeshjen e parë të Grupit B të Kupës së Botës. Helvetët kaluan në epërsi falë golit të Breel Embolo nga penalltia në minutën e 17-të. Megjithatë, goli shkaktoi menjëherë polemika për shkak të dyshimeve për një pozicion jashtë loje në aksionin që parapriu fitimin e penalltisë.

Aksioni nisi me një depërtim të Remo Freuler, i cili u rrëzua në zonën e penalltisë nga portieri i Katarit, Mahmoud Abunada. Gjyqtari akordoi penallti, ndërsa vendimi për faullin nuk u kontestua.

Megjithatë, VAR-i e shqyrtoi situatën për disa minuta, pasi ekzistonin dyshime se Freuler mund të kishte qenë në pozicion jashtë loje në fillim të aksionit. Pamjet e transmetuara në televizion krijuan përshtypjen se lojtari zviceran ishte përtej vijës së fundit të mbrojtjes, por nuk pati një konfirmim zyrtar.

Në një reagim të mëvonshëm, FIFA ka pranuar se ndodhi një gabim teknik dhe ishte e pamundur që pamjet të transmetoheshin në kohë, ndërsa ka sqaruar se në dy rastet e diskutuara, pozicioni ishte i rregullt, duke treguar edhe pamjet.

"Gjatë ndeshjes Katar - Zvicër në zonën e Gjirit të San Franciskos, një ndërprerje e shkurtër teknike pengoi gjenerimin e grafikës së animacionit të pozicionit jashtë loje përpara penalltisë së akorduar për Zvicrën në minutën e 14-të. Problemi u zgjidh shpejt.

Rrjedha e punës së VAR-it nuk u ndikua nga ky problem dhe ndoqi procedurën normale gjatë verifikimit të vendimit në fushë. Vijat e përdorura nga VAR-i për të kontrolluar pozicionin e lojtarëve përkatës nuk tregonin se lojtari sulmues ndodhej në pozicion jashtë loje në asnjërën nga dy situatat menjëherë përpara vendimit për penallti", thuhet në reagimin e FIFA-s.

S.Dh/Shqiptarja.com