Portugalia ka lënë pas zhgënjimin kundër Kongos, duke gjetur 3 pikët e para në këtë Botëror falë fitores së thellë 5-0 kundër Uzbekistanit. Në Hjuston u deshën vetëm 6 minuta për golin e parë, që u realizua nga i shumë kritikuari Cristiano Ronaldo. Megjithatë rrjeta e realizuar e futi në histori CR7, pasi u bë futbollisti i vetëm i këtij sporti që shënon në 6 Botëror të ndryshëm.

Pa kaluar shumë Nuno Mendes do të realizonte një gol spektakolar me goditje dënimi, ndërsa pjesa e parë do të mbyllej me një tjetër rrjetë të CR7-ës. 41-vjeçari në këtë ndeshje arriti totalin e 10 golave në 6 Botëror ku ka marrë pjesë. 8 më pak se rekordmeni Lionel Messi.

Njëjtë si në pjesën e parë edhe në të dytën Uzbekistani ishte inekzistent në fushë. Si të mos mjaftonte kjo një autogol në minutën e 60 thelloi diferencat. Golin në këtë sfidë do ta gjente edhe Leoao. Futbollisti i Milanit pas vetëm 4 minutash në fushë si zëvendësues vulosi shifrat në 5-0.

Për Portugalinë kjo fitore ishte shumë e rëndësishme si për 3 pikët ashtu edhe për të kaluar momentin e vështirë, pasi kundër Kongos shpërthyen polemikat dhe u raportua për përçarje brenda ekipit. Sfida tjetër e grupit K mes Kolumbisë dhe Kongos do të luhet në orën 04:00 të mëngjesit.

Rezultati Portugali 5-0 Uzbekistan

Zhvillimet më të rëndësishme

87'- Pas 4 minutash në fushë si zëvendësues Leao shënon për Portugalinë.

60'-Autogol i Uzbekistanit i thellon akoma më shumë diferencat.

39'- Ronaldo shënon golin e dytë personal dhe të tretin për Portugalinë.

29'- Ganiev shkurton diferencat, por gjyqtari e anulon

17’-Nuno Mendes shënon golin e dytë të Portugalisë nga goditja e dënimit.

6’-Cristiano Ronaldo gjen golin e parë në Botëror, teksa Portugalia merr avantazhin. Është gol historik sepse Ronaldo bëhet futbollisti i parë në histori që shënon në 6 Botëror të ndryshëm.

1’-Ka nisur në Hjuston sfida e grupit K mes Portugalisë dhe Uzbekistanit debutues.

Për të lexuar lajme të tjera nga Botërori KLIKONI KËTU.

Për të parë rezultatet e ndeshjeve të Botërorit KLIKONI KËTU.