Bregu Sekretare e Këshillit Rajonal, ironia e Patozit: Të falenderojë Lulin!

Lidhur me zgjedhjen e Majlinda Bregut në postin e Sekretares së Përgjithshme të Këshillit të Bashkëpunimit Rajonal, ka reaguar rivali i Lulzim Bashës për drejtimin e Partisë Demokratike Astrit Patozi.

Duke marrë shkak nga deklarata e Bregut, e cila kishte falenderuar ndër të tjerët edhe ministrin e jashtëm Ditmir Bushati, që e kishte propozuar në këtë post, Patozi ka përdorur sarkazmën, duke thënë se për këtë Bregu duhet të falënderonte Bashën, për faktin se nuk pati asnjë lloj ndikimi në këtë proces.

MAJLINDA DUHET TË FALENDEROJË LULIN

LEXO EDHE:
Dash Sula: Kam bojkotuar mbledhjet e grupit! Berisha, Meta dhe Basha figura të konsumuara, i japin Ramës fitoren e radhës

Që prej sot, një shqiptare do të jetë zyrtare e lartë e Bashkimit Europian.

Më në fund, është vendosur që Majlinda Bregu do të jetë sekretare e Përgjithshme e Këshillit të Bashkëpunimit Rajonal.

Mund të thuhet pa frikë se emërimi i saj është e vetmja fitore e Partisë Demokratike në këto 5 vjet, që kur kryetar i saj u caktua Lulzim Basha.

Sepse ka qenë i vetmi rast kur ky i fundit nuk ka pasur mundësi të ndikonte apo "ndihmonte" për të regjistruar një humbje tjetër.

Ndaj edhe Majlinda nuk ka pse të mos e falenderojë edhe Lulin.

Krenarë që Europa njohu dhe vlerësoi një nga investimet më të qenësishme dhe serioze të Partisë Demokratike në 15 vitet e fundit.

Urimet më të mira Majlinda Bregut!

Komenti ironik i Astrit Patozit në Facebook

TAG:
• lulzim basha
• astrit patozi
• majlinda bregu

Sondazhi i ditës:

A respektohen të drejtat e punëtorëve në Shqipëri?

• Po

  22.6%

• Jo

  25.5%

• Nuk e di

  51.9%

Vota total: 11837

• Sondazhi i ditës:

  A respektohen të drejtat e punëtorëve në Shqipëri?

  Po Jo Nuk e di