Këtë mesazh do të doja ta kisha transmetuar privatisht, por vendosa ta bëj publik pasi nuk bëhet fjalë vetëm për mua dhe kolegët e mi. Dje, e premte 3 nëntor, është një ditë që do ta kujtoj përherë në historinë e Report TV, sepse përmbytjet që përfshinë shumë zona të Shqipërisë dhe mijëra qytetarë, prekën dhe televizionin tonë. Kur ka ngjarje të kësaj natyre një media, normalisht, përmbush funksionin e saj natyral, që ka të bëjë me të qënit dëshmitarë për të treguar zhvillimet dhe për të ndihmuar në dhënien e ndihmës ndaj njerëzve në vështirësi. Dje na u desh ta tradhëtonim këtë mision. Këtë radhë ishim ne që patëm nevojë për ndihmë.
Nën sytë e mi, të terrorizuar nga lumi i ujit që nga rruga po pushtonte në pak minuta redaksinë e Report TV të sapondërtuar, duke përmbytur magazinat, një studio, një regji, arkivat dhe kabinën elektrike, duke arritur të përhapej në newsroom-in e katit të sipërm, deri në këmbët e mia, ndodh një metamorfozë. Gazetarët, kameramanët, teknikët, shoferët, regjisorët, administratorja, financa, sanitaret, marketingu, spikerat, të gjithë protagonistë të punës së përditshme në një televizion dhe të rrëfimit të jetës së të tjerëve, u transformuan sa hap e mbyll sytë në protagonistë zemërgjerë të shpëtimit të Report TV. Të gjithë, pa asnjë dallim, me këmbët në ujin që rriste gradualisht nivelin, me fshesa e kova po luftonin të shpëtonin ç’të mundnin. Në ankthin që po më rrethonte, ajo që po shihja ishte një skenë e mrekullueshme solidariteti që nuk do të mund ta harroj kurrë dhe për të cilën nuk do të lodhem së falenderuari.
Nëse dje, pas orë e orë tensioni të jetuara me sytë nga qielli drejt reve që kërcënonin një rrebesh të ri dhe mbi nivelin e ujit në studio që arriti gati në gjysëm metri, u preka deri në lot, nuk ishte për dëmet e pësuara, as për rrezikun e një përmbytje të dytë, por për atë akt dashurie të përbashkët që më përqafoi dhe më mbrojti. Mrekullia e popullit shqiptar zbulohet në momente të vështira: Këtë e kam ditur përherë, por dje e përjetova personalisht, ndoshta si kurrë më parë.
Në operacionet e ndihmës morën pjesë në momente të ndryshme edhe forca të shpëtimit publik dhe i kuptoj vështirësitë e tyre për të përballuar e për t’u shpërndarë në qindra telefonata kërkesë për ndihmë. I falenderoj edhe ata për sa bënë dhe për ndihmën që na dhanë deri në mëngjes. Por të ndihmojnë njerëzit është profesioni i tyre, ndërsa për gazetarët, profesioni është një tjetër dhe pikërisht për këtë arsye falenderimi drejtuar kolegëve të mi ka një tjetër natyrë.
Do ta kisha mbyllur këtu këtë mesazh, nëse gjatë natës nuk do të kisha lexuar rastesisht një titull të turpshëm të publikuar në portalin e televizionit të familjes Berisha: ''Ujërat e zeza ndërpresin propagandën/ Përmbytet kati i parë i TV së Bollinos''. Përveç gënjeshtrës së zakonshme për ta (nuk u përmbytëm nga ujrat e zeza, por nga shiu që nuk gjente rrugëshkarkim në kanalizimet e pamjaftueshme të qytetit), ai titull ishte si një shuplakë e patolerueshme në fytyrën e kolegëve të mi, të cilët pa kërkuar asgjë në këmbim, luftuan për të shpëtuar televizionin ku punojnë. Prej 30 vitesh jam mësuar me shpifjet dhe me abuzimet e familjes Berisha, por kurrë nuk kam lejuar që këto të prekin stafin tim. Ndryshe nga familja Berisha që pretendon akte publike besnikërie, nënshtrimi dhe gënjeshtrash nga vartësit (gazetarët apo politikanët e vet), unë nuk kam pretenduar kurrë një gjë të tillë nga kolegët e mi. Kush punon me mua e di mirë, nëse është nevoja mbrohem përherë vetë. Ndodh kështu prej 30 vitesh. Dhe në të njëjtën mënyrë nuk i jam imponuar asnjë gazetari çfarë të shkruajë apo të thotë. I vetmi pretendim profesional nga ana ime është të thonë të vërtetën dhe të mos bëjnë propagandë. Për askënd! Ja se përse Report TV mund të akuzohet se bën gabime, por kurrë se bën propagandë, që është një formë e sëmurë informacioni, të cilin unë e refuzoj. Ekzaktësisht e kundërta e Sali Berishës, që e imponon si rregull.
Ndaj, gjeja më e turpshme e atij titulli, është mungesa absolute e solidaritetit të paktën ndaj kolegëve të Report TV, të cilët duke mos mundur të bëjnë punë e tyre pasi televizioni ishte i fikur, qëndruan në redaksi deri natën, me dritat elektrike të vendosura në ballë, duke hequr ujin. Nëse një gazetar nuk arrin të tregojë respekt ndaj një gazetari tjetër, nuk do të ketë respekt as ndaj lexuesve dhe telespektatorëve të vet. Dhe kjo është forma më e lartë e tradhëtisë ndaj profesionit tonë. E kam fjalën për profesionin e gazetarëve, sepse shërbëtorët e familjes Berisha për fatin e tyre të keq bëjnë një tjetër zanat. Është zanati i ulët i shërbimit ndaj padronit dhe shpifjeve.
Komente
Lajme të tjera
-
Ilir Yzeiri: Amnistia dhe sqarimi i (pa)nevojshëm i Bolinos
27 Tetor, 10:40
-
Carlo Bollino: Duhet një amnisti? Një sqarim për ata që e kritikojnë pa e lexuar (ose nuk duhet ta kuptojnë) pyetjen time
26 Tetor, 17:16
-
Carlo Bollino: SPAK dhe Amnisti: Një rrugë e mundshme për një drejtësi të pranueshme dhe paqe politike?
25 Tetor, 14:53
-
Carlo Bollino ironizon familjen Berisha: Përpara më etiketonin si ''fashisto-komunist'', tani jam ''peng'' por njëkohësisht edhe ''anëtar'' i SPAK!! Ata janë komplet në panik, i mirëkuptoj
20 Shtator, 12:27
-
Carlo Bollino: Berisha nuk meriton të fitojë zgjedhje jo vetëm se është i korruptuar, por mbi të gjitha se ka mbetur një diktator!
19 Shtator, 16:56
-
Berisha në sulm: Bollino është anëtar i organizatës kriminale të SPAK! Bollino i përgjigjet: E vlerësoj, por jam thjesht një gazetar i fakteve!
18 Shtator, 17:17 -
Carlo Bollino: ''Vakëf'' dhe ''VKM e personalizuar'', Berisha dhe dhëndri do të përgjigjen penalisht për shpifjet e presionet ndaj meje!
11 Shtator, 21:09
-
Carlo Bollino: Opozita në duart e Berishës dhe rrjeta e merimangës që po e çon drejt humbjes së dhjetë
9 Shtator, 19:07
-
Në Bunk’Art2 hapet 'Dhoma e Manipulimeve': Për herë të parë tregohet lidhja mes iluzioneve optike dhe propagandës komuniste
5 Gusht, 16:08 -
Carlo Bollino: Mbyllja e “Gazetës Shqiptare”, pak hipokrizi, por shumë histori e vlera ikin me të
1 Gusht, 20:01
-
Carlo Bollino: Nga Franca paralajmërim për Berishën, populli mund të bashkohet kundër opozitës kur e konsideron më të rrezikshme se qeverinë
9 Korrik, 13:16
-
Carlo Bollino: Onkologjiku një akuzë për të gjithë, por dhe detyrim për ndryshim!
27 Qershor, 18:27
Respekt z.Bolino.
PërgjigjuQente le te lehin ndersa Report TV me ne krye Carlo Bollinon shkon perpara.
PërgjigjuRespekt për të gjithë stafin dhe ju si drejtues i tyre. Një i tillë të motivon për punë dhe përballim të situatave të tilla. Uroj t'ja keni dalë me sa më pak dëme.
PërgjigjuSolidaritet dhe respekt per ju z.Bolino. Jeni redaksia dhe gazeta me e ndjekur dhe me e lexuar ne Shqiperi. Jeni zeri i se vertetes , prandaj ka interes per ju.
PërgjigjuShpresoj veshtiresite kaluan shpejt dhe pa deme te medha. Ju uroj suksese. Vijoni si media profesionale
PërgjigjuMendoj se jeni një media e paanëshme dhe lajmet sa më afër realitetit në kohë dhe në saktësi.Uroj vetëm punë të mbarë me stafin tuaj.
PërgjigjuPershendetje Carlo! Solidarizohem.me ty dhe staffin tend te mrekullueshem. Jeni nje televizion shume dinjitoz.Qente le te lehin, ju vazhdoni te ecni perpara. Me shume respekt per ty dhe stafin e mrekullueshem.
PërgjigjuRespekte Karlo. Shpresoj te keni dal me sa me pak deme dhe e verteta te triumfoj si gjithmon.
PërgjigjuNë artikuj të shumtë të botuar nga reportT.V mbi të cilën mban firmën Carlo Bolino është për tu çuditur një fakt krejt i veçantë,me mijra janë komentet që kam lexuar ndër vite e vite dhe nuk gjen qoftë edhe një reagim negativ apo në sulm ndaj tij përveç nevojtores të berishës që i shan e shpif për të gjithë, kjo tregon pikë së parë se njerëzit duan vetëm të vërtetën .
PërgjigjuZoti Carlo!E para solidaritet me ju e stafin!E dyta-si ju cuditen te gjithe te huajt me Shpirtin e madh te Shqiptarit-po ky komb ka lindur shenjtoren Tereze dhe e tregon kurdohere veten.Edhe njehere pervec respektit-Solidaritet!
Shpreh Solidaritetin tim..me Redaksinë e Report...,por kjo duhet të bëhet mësim i mirë, për të ndjekur çështje të urbanistikës e Pastrimit etj kryesisht në Tiranë...
PërgjigjuReport Tv, skuader e mrekullueshme me nje kapiten te pakonkurueshem si Carlo! Respekt e cdo te mire ju deshiroj!
PërgjigjuShqiptaret si gjithmone yje bote(ne kete rast koleget tuaj gazetare), edhe ju gjithashtu yll qe e vini ne dukje! Faleminderit. Respekte!
PërgjigjuZ.Carlo Bollino,kam shume respekt per ju.Jeni mjeshter i fjales dhe i gazetarise se ndershme dhe pa dorashka.Njerez si ju i duhen Shqiperise.
PërgjigjuRespekt per median tuaj .
Carlo Bollino je simbol i se vertetes dhe i integritetit njerezor!
Hero