TIRANË- Partitë politike duhet të vendosin ‘tani’ në lidhje me votën e emigrantëve. Në një konferencë për mediat, kryekomsioneri Ilirjan Celibashi tha sot se partitë politike dhe Kuvendi duhet të zbatojnë urdhrin e Gjykatës Kushtetuese që urdhëroi politikën në dhjetor të vitit të kaluar që të garantojë ndryshimet ligjore në mënyrë që të bëhet i mundur votimi i emigrantëve. Nëse situata nuk ndryshon tha Celibashi, do të jetë e pamundur që të ketë votim nga jashtë në zgjedhjet parlamentare të 2025.
‘Kuvendi dhe Partitë politike duhet të vendosin tani në lidhje me votën e emigrantëve. Jemi në dijeni të faktit të Gjykata Kushtetuese ka prodhuar një realitet të tillë që udhëzon Kuvendin në lidhje me këtë çështje. Nëse ky urdhërim i Gjykatës Kushtetuese nuk do të përmbushet, nuk hezitoj ta them që për zgjedhjet 2025 votuesit e diasporës nuk do të mund të votojnë atje ku kanë vendbanimin.’- tha Celibashi.
Po ashtu kryekomsioneri i Celibashi tha se partitë politike duhet të vendosin ‘tani’ edhe një lidhje me të ardhmen e votimit elektronik.
'Partitë politike dhe aktorë të tjerë duhet të vendosin tani në lidhje me të ardhmen e votimit elektronik. Nëse kanë interes ta shtrinë do të duhet të vendosin tani dhe do të duhet që fondet të vihen në dispozicion të KQZ-së sa më shpejt të jetë e mundur. Ka qenë një sfilitje nga çdo pikëpamje përgatitja e votimit elektronik për zgjedhjet e fundit lokale.'- tha Celibashi.
Sipas kryekomisionerit të KQZ-së, votimi i elektorin do të kushtojë 36.7 mln euro dhe kjo përllogaritje është bërë për 5 qarqet që nxjerrin edhe numrin më të madh të mandateve që shpërndahen.
‘Në këtë llogari e kemi bërë për disa prej bashkive kryesore ku është numri më i madh i mandate që shpërndahen. Janë 5 qarqe, Tiranë LEZHË, Durrës, Fier, Elbasan. Kemi bërë një vlerësim që shkon rreth gati 37 mln euro, që shkon në mënyrë të përafërt nëse shtrihet në gjithë territorin e vendit, me mundësitë financiare dhe sa vlerë ka që tri shpenzosh për votimin elektronik. Jemi neutral për këtë çështje dhe pa ndonjë konkluzion apo rekomandim. Partitë politike duhet ta marrin këtë vendim tani,. Nëse vendosin qoftë edhe për një qark duhet shumë kohë dhe duhet të trajnohen një kategori e caktuar personash në lidhje me implementim.’- tha Celibashi.
Kujtojmë se Gjykata Kushtetuese urdhëroi politikën që të të garantojë ndryshimet ligjore në mënyrë që të bëhet i mundur votimi i emigrantëve. Gjykata Kushtetuese pranoi pjesërisht kërkesën e Shoqatës ‘Diaspora për Shqipërinë e Lirë’. Në dispozitivin e vendimit të Gjykatës Kushtetuese thuhet se është konstatuar cenimi i së drejtës kushtetuese të votës së emigrantëve, në zgjedhjet për Kuvendin, për shkak të boshllëkut ligjor. Ndaj Kushtetuesja urdhëron detyrimin e Kuvendit për plotësimin e boshllëkut ligjor brenda një viti nga hyrja në fuqi e këtij vendimi. Ky vendim lidhet vetëm me zgjedhjet parlamentare. 'Shoqata 'Diaspora për Shqipërinë e Lirë' çoi në Gjykatën Kushtetuese kërkesën për shpalljen të pavlefshme të zgjedhjeve parlamentare të 25 prillit, duke pretenduar për cenim të së drejtës kushtetuese të votës së emigrantëve.
Komente
Lajme të tjera
-
Diaspora nuk do paguajë për votën, burime për Report Tv: Qeveria fond rreth 5 mln euro KQZ-së për postën
19 Dhjetor, 12:26 -
Rama: Shumë shqiptarë në Gjermani po kërkojnë rimarrjen e shtetësisë, duhet angazhim! Marrëveshja me Greqinë për pensionet, e vështirë
19 Dhjetor, 10:07 -
A do votojë diaspora? Krashi në 'Repolitix': Patjetër që do bëhet! Pano Soko: PD-PS nuk kanë vullnetin ta zbatojnë! Daci: Përfiton vetëm mazhoranca
18 Dhjetor, 22:18 -
Zgjedhjet parlamentare 2025, ambasadori i OSBE takim me Grupin Ndërkombëtar të Punës! Në fokus vota e diasporës
18 Dhjetor, 15:42 -
Alban Daci: Vota e shqiptarëve që jetojnë jashtë dhe politika si fenomen mosbesimi ndaj proceseve zgjedhore
18 Dhjetor, 14:11
-
Spiropali pret anëtarët e Këshillit Koordinues të Diasporës: Diskutuam mbi mundësinë e votimit në zgjedhje! Mësimi i gjuhës shqipe nga fëmijët
18 Dhjetor, 12:40 -
Zgjedhjet 2025 dhe vota e diasporës, Rama mbledh në seli drejtuesit politikë të PS
16 Dhjetor, 10:42 -
Celibashi takohet me VanHorn, e informon për përpjekjet e KQZ para zgjedhjeve parlamentare! E Ngarkuara me Punë shpreh mbështetjen e SHBA për zgjedhje të drejta
13 Dhjetor, 13:37 -
Zgjedhjet 2025, ambasadori i OSBE: Thelbësore, liria e zgjedhjes pa frikë! Hetoni presionet dhe shkeljet e fshehtësisë së votës! Celibashi: Partitë të pranojnë problemin
11 Dhjetor, 11:00 -
Numërimi i votave, Celibashi: S’është koha që partitë të ikin! PD kundër numëruesve që vijnë nga administrata: Katastrofale
10 Dhjetor, 15:29
-
Zgjedhjet 2025/ Komisioni i Venecias: Punoni të jenë të lira, OSBE: Depolitizoni administratën zgjedhore! Celibashi: Do të sillte mosnjohje rezultati
10 Dhjetor, 10:23 -
Shqipëri, shqetësim transparenca e financimit në zgjedhje
9 Dhjetor, 20:38
Nga 140 deputete do ishte mirë 20 deputet të zgjidheshin nga diaspora dhe 120 të ishin te personave në shqiperi që jetojne 365/365 ditë në vit pra rezident! Pse? Sepse ndryshon vota kur vjen vetëm 10 ditë në gusht , korrik apo dhjetor dhe mdryshon vota e personave që jetojne dhe punojne dhe paguhen në shqiperi 366/365 ditë ! Do ishte mirë një kuote të ishte votim nga diaspora dhe nëpërmjet postes, e-albania (vote) pra një apo vetëm vote direkt online dhe metoda tjera por për vetëm 20 deputet , pra 20 kandidat për diasporen dhe 120 për 2.8 milion shqiptar të tjere që jane aty gjithë vitin REZIDENT ! Do ishte një metode e mire!
Përgjigju