Drejtoresha e Përgjithshme e Prodhimit statistikor në INSTAT, Elona Sevrani, në një intervistë për Report TV jep detaje nga censi 2023 i cili nis sot me mbledhjen e të dhënave.
Të anketuarit do të trokasin deri në tre herë në banesën e qytetarit për të marrë informacionin. Ndërkohë në të gjitha bashkitë e vendit janë hapur dhe zyra të përshtatshme ku qytetarët mund të shkojnë të regjistrohen nëse nuk kontaktohen dot nga i anketuari.
Sa i takon emigrantëve apo familjarëve që mund të ndodhen jashtë Shqipërisë apo në një qytet tjetër gjatë kohës së mbledhjes së të dhënave, anketuesit do të marrin informacion nga familjarët e tjerë që do të jenë në banesë.
Por çfarë ndodh me ata qytetarë që nuk kontaktohet nga asnjë anketues i Censit për një arsye apo një tjetër?
Sevrani thotë se stafi është trajnuar të grumbullojë sa më shumë informacion. Madje në rastet e banesave me dyer të mbyllura do të pyeten administratorët e pallateve, apo fqinjët. Megjithatë autoritetet vënë theksin në rritjen e ndërgjegjësimit të qytetarëve.
Drejtoresha Elona Sevrani u bën thirrje qytetarëve që të regjistrohen pasi këto të dhëna do të shërbejnë për planifikimin dhe zbatimin e politikave të përgjithshme të zhvillimit, për kërkime shkencore, si dhe për të kuptuarit të realitetit demografik, ekonomik dhe shoqëror të vendit.
Për emisionin "Sot live në Shqipëri" me gazetarin Nertil Agalliu, Sevrani zbulon se marzhi i gabimit është 3%.
Intervista e plotë
Report Tv: Si do të procedohet me ata qytetarë që ndodhen jashtë Shqipërisë?
Elona Sevrani: Pyetësori ka 9 module dhe një prej tyre është dhe informacioni mbi anëtarët e mëparshëm të familjes. Nëse familja do të deklarojë se ka fëmijë emigrantë do të vijojë të merret informacion i mëtejshëm duke iu referuar periudhës kohore 2011 – 2023.
Report TV: Po për ata që për një arsye apo një tjetër nuk ndodhen në fshatin apo qytetin por ndodhen në një?
Elona Sevrani: Është dhënë udhëzimi që të përgjigjen familjarët.
Report TV: Nëse anketuesi nuk arrin të kontaktojë dot me një qytetar dhe ai nuk shkon për ta plotësuar formualin çfarë ndodh me të?
Elona Sevrani: Do merret informacion edhe nga administratorët e pallatit, fqinjët. Do mundohemi të mbledhim të gjithë informacionin e nevojshëm.
Popullata duhet të jetë e vetëdishme që të regjistrohet. I bëjmë thirrje popullsisë ti hapë dyert në rast pamundësie të interesohet vetë pranë zyrve të bashkisë.
Anketuesit do të trokasin deri në tre herë në banesë në kohë dhe ditë të ndryshme. Po kështu janë hapur dhe zyra pranë bashkive. Individët mund të shkojnë të regjistrohen pranë tyre. Zyrat janë të hapura nga ora 09:00 – 20:00 në çdo bashki.
Report Tv: Si identifikohen anketuesit
Elona Sevrani: Anketuesit do të kenë veshje identifikuese, bexh, jelek me logon e censit 2023
Report Tv: Nëse një qytetar jeton me qera në Tiranë por banon në Dibër?
Elona Sevrani: Regjistrimi do të bëhet aty ku është rezident pasi në modul do të jetë dhe pyetja nëse jeton me qera apo në banesën e tij
Report Tv: Kush do i përgjigjet pyetjeve të Censit 2023?
Elona Sevrani: Persona mbi 18 vjeç
Report Tv: Sa është marzhi i gabimit?
Elona Sevrani: Pas censit zhvillohet anketa e pascenstit që do të zhvillohet marzhi i gabimit por nuk i kalon 3 %. Nuk e kalon.
Komente
Lajme të tjera
-
Zv. ministri i Drejtësisë, Karameta: Java e parë e Censit, brenda pritshmërive të INSTAT! Gjobë për të dhëna të rreme dhe refuzim për t’u përgjigjur
22 Shtator, 18:35 -
Krerët e besimeve fetare në Fier të shqetësuar për censin! At Nikolla: Pyetja për besimin e ndërtuar gabim! Myftiu: Formularin s’mund ta plotësojë anketuesi
21 Shtator, 17:01 -
Praktikant apo besimtar? Pyetja e Censit 2023 që ka shkaktuar shqetësim tek krerët e besimeve fetare
21 Shtator, 16:10 -
Zaloshnja: 0.58% e banorëve mbi 18 vjeç janë minoritarë grekë
21 Shtator, 15:10 -
'Vorio Epiri' Zhvendosja e shtetit grek drejt tezave të qarqeve nacionaliste
21 Shtator, 14:18 -
Zaloshnja: Himara dhe Konispoli, bashkitë e betejës rreth Censit
21 Shtator, 10:45
-
Shqiptarët kanë pagat më të ulëta, por punojnë me orët më të zgjatura në Europë e rajon! Rekordin e mbajnë gratë
21 Shtator, 08:41 -
Unë s’mund të jem ai që s’jam…
20 Shtator, 22:13
-
Shkupi e Sofja përplasen në Pustec për Censin 2023! Ambasadori bullgar ‘dhurata’ në bashkinë minoritare! Përfaqësuesi i maqedonasve: Provokim i rëndë
20 Shtator, 14:07
-
Zaloshnja: Sa minoritarë grekë banojnë aktualisht në Shqipëri?
20 Shtator, 13:16
-
Censusi 2023/ Plani për greqizimin nga Qafë Bota në Llogara (Studimi pjesa 3)
20 Shtator, 12:28
-
Rënia e euros ‘rrënon’ eksportuesit, humbjet si të pandemisë! INSTAT: Nga janari në gusht, eksportet u ulën me 28 mld lekë
19 Shtator, 14:09
Censusi kërkon gjeneralitetet, emer, mbiemri, ditëlindjen, emrin e prinderve. Pse nuk shkojnë ne gjendje civile?
Përgjigjuper derisa po beni gafa te ketilla me keto tip kercenimesh do te thot qe koha e ksaj qeverie po mbaron, turp tju vi per keto lloj poshtersish
Përgjigjukur i keni zgjedhjet se per ate hall jeni tu dale?! akoma se keni kuptu qe po zhduket popullata ne shqiperi doni me be census rrisni ekonomine e shqiptareve pastaj numroni delet jane apo jo per fushatat tuaja. si mund te vendosesh gjobe njerezve 50.000 lek apo 1.000.000 lek sepe jep apo jo adresen e sakte. a jeni ne rregull o hajdar piktori.
Përgjigjujo po nga fisi dhe krushqia...budalle e paafte !
PërgjigjuKush do i mbaje me buke
Përgjigju