Programi Artemis nisi në vitin 2017, gjatë mandatit të parë të Donald Trump si president. Ai parashikon misione të rregullta në Hënë, si vijim i shumëpritur i misioneve të para hënore të NASA-s në kuadër të programit Apollo, i cili përfundoi në vitin 1972.

Kjo seri misionesh me vlerë miliarda dollarë rivalizon një përpjekje të ngjashme nga Kina, e cila synon të realizojë një ulje të astronautëve në Hënë deri në vitin 2030.

Sipas NASA-s, misionet Artemis do t’u mundësojnë astronautëve të eksplorojnë Hënën për kërkime shkencore, përfitime ekonomike dhe për të krijuar bazat për misionet e para të drejtuara drejt Marsit.

Programi së fundmi ka pësuar një riorganizim të rëndësishëm. Tani ai përfshin një fazë të re – një test të bashkimit të anijeve kozmike (docking) në kuadër të Artemis 3 – përpara se të tentohet ulja e parë e astronautëve në Hënë.

Kreu i NASA-s, Jared Isaacman, ka shtuar gjithashtu një mision shtesë: një test të bashkimit të anijeve në orbitën e Tokës, përpara tentativës për uljen e astronautëve në Hënë, e cila është planifikuar për vitin 2028.

Ndryshimet e reja në programin Artemis përfshijnë gjithashtu synimin për të dërguar më shumë module robotike në Hënë, si dhe për të hedhur bazat për përdorimin e energjisë bërthamore në sipërfaqen hënore.


Lajmi kryesor:

Artemis II, misioni hapësinor i NASA-s niset drejt Hënës, rikthim historik pas 54 vitesh (VIDEO)