POP 5

Lajmet më të lexuara të 5 minutave të fundit

Bota

Çfarë është 'Omicroni tinëzar', po godet një pjesë të Europës

Në një kohë kur shkenca pret që infektimet nga Omicron të vijnë në ulje me shpresë për t'i dhënë fund pandemisë, shkencëtarët janë të shqetësuar për një nënvariant të tij, i cilësuar tashmë ‘Omicroni tinëzar’ që po infekton një pjesë të banorëve në Evropë.

Një pjesë e Evropës po tenton të lehtësojë masat kufizuese kundër Covid-19, por mundësia e një vale të re të virusit është duke shkaktuar shqetësim në komunitetin shkencor.

Nënvarianti i variantit Omicron, BA.2, i cili po quhet edhe “Omicroni tinëzar”, duket se po fiton terren në pjesë të caktuara të botës, përfshirë Danimarkën dhe Britaninë e Madhe, shkruan Euronews.

Quhet tinëzar pasi po shkakton frikë se një lloj i ri i virusit është duke u përhapur në mënyrë aktive nëpër komunitet.

Agjencia për Siguri Shëndetësore e Britanisë së Madhe e cilësoi BA.2-shin si variant nën hetim përderisa shkalla e tanishme e rasteve është shumë e ulët.

Sipas Organizatës Botërore të Shëndetësisë, Omicroni, ka tri nënvariante kryesore: BA.1, BA.2 dhe BA.3. Deri tani ka mbizotëruar nënvarianti BA.1.

Megjithatë, në disa vende, nënvarianti BA.2 ka filluar që të përhapet më shpejt. Në Danimarkë, ai tashmë përbën gati gjysmën e rasteve të Omicronit.

Shtetet tjera si Britania e Madhe, Norvegjia dhe Suedia gjithashtu po përballen me rritje të rasteve me nënvariantin BA.2, ndonëse jo në masë të njëjtë.

/AV/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon votimin e detyrueshëm, jeni dakord?

Lajme të tjera



×

Lajmi i fundit

Milan i dërrmuar nga eliminimi, tifozët i kërkojnë llogari futbollistëve! Ultimatum për derbin, trajneri Pioli i ikur

Milan i dërrmuar nga eliminimi, tifozët i kërkojnë llogari futbollistëve! Ultimatum për derbin, trajneri Pioli i ikur

19 Prill, 10:18