Melodia e Champions League do vijojë mbrëmjen e sotme me katër ndeshjet e mbetura për të kompletuar fazën e 1/8-ave.  Pas përballjeve të sotme do mësohet edhe panorama e plotë e katër ndeshjeve çerekfinale.

Në orën 18:45 në 'Camp Nou' luhet Barcelona - Newcastle, me përballjen e parë në Angli që u mbyll 1-1. Trajneri Hansi Flick nuk do ketë të gatshëm te vendasit emra si Balde, de Jong, Kounde dhe Christensen.

Në orën 21:00 luhen tre ndeshje, aty ku spikat Liverpool - Galatasaray. Turqit fituan një javë më parë 1-0 në Stamboll, por të kuqtë kërkojnë përmbysjen përballë tifozëve në 'Anfield', edhe pse asgjë nuk do jetë e lehtë.

Në Londër, Tottenhami pret Atletico Madridin dhe duhet të përmbysë humbjen 5-2 në ndeshjen e parë. Me epërsinë e tre golave dhe me formën jo të mirë të Spurs, duket se Atletico është me 'një këmbë' në çerekfinale.

Në Gjermani, Bayern Munich luan aktin e dytë kundër Atalantës, teksa bavarezët e kanë fituar 6-1 takimin e parë.

Pas ndeshjeve të djeshme është mësuar çerekfinalja e parë e këtij turneu, Arsenal - Sporting Lisbonë.

Champions League, faza e 1/8-ave, ndeshjet e kthimit:

E mërkurë, 18 mars 2026

18:45

Barcelona - Newcastle (1-1)

21:00

Bayern Munich - Atalanta (6-1)

Liverpool - Galatasaray (0-1)

Tottenham - Atletico Madrid (2-5)

E martë, 17 mars 2026

18:45

Sporting Lisbone 5-0 Bodo/Glimt, pas 120 minutave lojë (0-3)

21:00

Arsenal 2-0 Bayer Leverkusen (1-1)

Chelsea 0-3 PSG (2-5)

Manchester City 1-2 Real Madrid (0-3)

Shënim: Në kllapa () rezultatet e ndeshjeve të para

Champions League, ndeshjet çerekfinale:

7 prill 2026

Sporting Lisbonë - Arsenal

PSG vs fituesi i çiftit Liverpool - Galatasaray

Real Madrid vs fituesi i çiftit Bayern Munich - Atalanta

Fituesi i çiftit Barcelona - Newcastle vs fituesit të çiftit Tottenham - Atletico Madrid

Rendit zhvillimet sipas orarit:
Ora 15:52
Sot kërkon kalimin në çerekfinalet e Champions League, Flick flet për të ardhmen: Barcelona? Mund të jetë puna ime e fundit

1773845581_hansiflick.JPG

Trajneri i Barcelonës, Hansi Flick, ka komentuar për herë të parë të ardhmen e tij, në prag të përballjes së rëndësishme ndaj Newcastle (1-1 ndeshja e parë) në Champions League, sfidë e cila luhet sot në orën 18:45.

Në konferencën për shtyp, tekniku gjerman u shfaq i përqendruar te objektivat aktuale, duke shmangur diskutimet për rinovimin e kontratës.

“Nuk është momenti i duhur për të folur për të ardhmen time. Jemi të fokusuar te ndeshja e radhës, që është shumë delikate pasi përballemi me një kundërshtar si Newcastle”, deklaroi Flick.

Megjithatë, ai nuk e fshehu lidhjen e fortë me klubin katalanas, duke lënë të hapur mundësinë që Barcelona të jetë eksperienca e fundit në karrierën e tij si trajner.

“Më pëlqen shumë të punoj këtu. Kemi krijuar një familje të madhe dhe ndjejmë mbështetjen e gjithë qytetit. Jam këtu për ta ndihmuar ekipin të arrijë nivele më të larta. Për të ardhmen do të flasim në kohën e duhur, pasi dua të konsultohem edhe me familjen time. Kemi shumë kohë dhe nuk po mendoj të shkoj diku tjetër”, shtoi ai.

S.Dh/Shqiptarja.com

Ora 15:11
Kanë pesë gola avantazh, Kompany paralajmëron: Jemi Bayern, luajmë gjithmonë për fitore

1773843105_vincentkompany.jpg

Trajneri i Bayern Munich, Vincent Kompany, ka dalë i vendosur në konferencën për shtyp përpara ndeshjes së kthimit ndaj Atalantës në Champions League, duke theksuar se skuadra e tij nuk do të bëjë asnjë hap pas, pavarësisht avantazhit të madh.

Pas fitores së thellë 6-1 në ndeshjen e parë në Bergamo, bavarezët duken me 'një këmbë' në fazën tjetër, por Kompany nuk lejon asnjë lloj vetëkënaqësie te lojtarët e tij.

“Roli im në një situatë si kjo është të menaxhoj grupin sa më mirë. Do të kemi rreth 75 mijë tifozë që presin fitore dhe ne duhet të jemi agresivë dhe plotësisht të përkushtuar në fushë. Nuk mund të bëjmë ndryshe”, u shpreh tekniku belg.

Ai shtoi se filozofia e klubit nuk ndryshon, pavarësisht rezultatit: “Ne jemi Bayern Munich. Kemi luftuar shumë për të arritur këtu dhe nuk luajmë kurrë ndeshje miqësore. Çdo sfidë ka rëndësi dhe sjell tension maksimal.” Ndeshja e kthimit do të zhvillohet sot në Munich në orën 21:00.

S.Dh/Shqiptarja.com