POP 5

Lajmet më të lexuara të 5 minutave të fundit

Kultura

'Ciceron'/ 'Comizi d’amore' te 'Agimi', Festivali i filmit japonez te 'Maks Velo', artisti Gazmend Leka sjell ekspozitën 'Viti Zero' te 'Artet'

Në vijim rubrika Ciceron ju njeh me disa nga aktivitetet më të rëndësishme të ditës që do të mbahen sot dhe nesër.

“Comizi d’amore” i Pier Paolo Pasolinit është filmi që shfaqet mbrëmjen e kësaj të hëne në orën 18:00 në kinema “Agimi”. Filmi, pjesë e Queer Film Marathon Tirana është një film investigativ, i ndërtuar nga skena dhe intervista të xhiruara në të gjithë Italinë, ku merren në pyetje qindra njerëz për tema të konsideruara tabu, si kuptimi i seksit, problemi i skandalit, marrëdhënia mes seksit dhe shoqërisë, martesa, nderi seksual, divorci, prostitucioni etj.

Nëse ju pëlqen kultura japoneze dhe dëshironi ta eksploroni atë, një mundësi të tillë ofrohet përmes Festivalit të filmit japonez, që po mbahet në kuadër të Javës së Kulturës Japoneze. Në orën 19:00 të kësaj të hëne në kinema Maks Velo në Tiranë mund të ndiqni dy filma të animuar japonezë, respektivisht “The Wonderland” dhe “The Place Promised in Our Early Days”.

Ansambli i Këngëve dhe Valleve Popullore mbrëmjen e kësaj të marte do të ndalet në Vlorë. Në orën 20:00, me rastin e 80-vjetorit të çlirimit të Vlorës, trupa e artistike e Ansamblit do të performojë në teatrin “Petro Marko”, me një program të larmishëm, ku në fokus janë vallet dhe këngët me tematikë çlirimin e vendit.

“Viti Zero” titullohet ekspozita e artistit Gazmend Leka, e çelur në galerinë FAB të Universitetit të Arteve. Ekspozita, e cila do të qëndrojë e hapur deri më 29 tetor është konceptuar si një mozaik tragjedish të jetuara në dekadat e fundit dhe përbëhet nga 31 piktura, tablo të mëdha në vaj dhe  30 vizatime në përmasa të vogla.

SI.E./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    19 Dhjetor, 08:16

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit

Zgjedhjet e 11 Majit 2025/ Tabaku: Të rinjtë, në ballë të betejës për fushatën e PD-së

Zgjedhjet e 11 Majit 2025/ Tabaku: Të rinjtë, në ballë të betejës për fushatën e PD-së

21 Dhjetor, 13:10