Është një fenomen i çuditshëm që po verifikohet përditë e më shumë në Shqipëri: Sa më shumë ditë kalojnë në pushtet të Partisë Socialiste, aq më shumë qytetarë shqiptarë, sipas sondazheve të ndryshme të pavarura, shprehen se nuk do të votonin opozitën aktuale. Është gati, gati një fenomen i panatyrshëm për një shoqëri e cila pas 11 vitesh me socialistët në drejtim, të paktën duhet të shprehte distancime më të thella ose dëshirë për rotacion, apo thjeshtë mërzi. Asgjë nuk po duket se do të shkaktojë lëvizje të forta të elektoratit tani për tani, as “lideri” i ngujuar nga drejtësia në katin e 8 të kullës së tij në zemër të kryeqytetit, gjë që në një vend tjetër, do të ngrinte të madh e të vogël në këmbë.
Çfarë po ndodh? Dhe sidomos, përse po ndodh kjo në Shqipëri?
Ndonëse në media dhe në analizat televizive anashkalohen reflektimet objektive, duket se shqiptarët i bëjnë vetë dhe më qartë si llogaritë ashtu dhe analizën e gjendjes në vend. Nëse shumë gazetarë mendojnë se “shtëpia luksoze e Sali Berishës dhe e familjarëve të tij me disa apartamente në pronësi në kullën në rrugën “Mustafa Matohiti”, në një prej lagjeve luksoze të Tiranës, në pallatin e oligarkut që ka marrë konçensione pafund nga vetë Berisha në vite, nuk u bën përshtypje shqiptarëve, realiteti po tregon totalisht të kundërtën”. Ai pallat-kullë me projekt arkitekturor “futurist”, por i realizuar keq kushedi se përse, largon jo vetëm shqiptarë, qytetarë të thjeshtë që do ta shihnin si “jetësore” dhe si padrejtësi ngujimin e Berishës nga drejtësia, por largon gjithashtu edhe vetë të djathtë shqiptarë që në atë rrugicë nuk kanë për të kaluar kurrë.
Edhe pse padrejtësisht mendojmë se shqiptarët nuk reagojnë, në këto kohë, bashkëatdhetarëve tanë u ka takuar një reagim i çuditshëm, i panatyrshëm: Të refuzojnë pa fjalë, të braktisin, të distancohen nga ata që ua kanë numëruar vilat, oxhakët në Gjirin e Lalzit, pronat e blera nga veriu në jug e të vendosura në emra shokësh, familjarësh apo të vdekurish. Shqiptarët ua kanë bërë mirë llogarinë të gjithëve dhe duam nuk duam ne, po reagojnë.
Me të drejtë një politikan i djathtë si Gazmend Bardhi kërkon bashkimin e copëzave të Partisë Demokratike. Do të ishte një mrekulli të mundte të bashkonte copëzat e thyera të kësaj partie si të një qeramike delikate japoneze: Kintsugi quhet metoda që me fletë ari dhe argjendi bashkon dhe ngjit copëzat e thyera. Por, a ka mbetur ar e argjend për të bërë këtë ngjitje? A do të mjaftonte? Apo është konsumuar me babëzinë e ngritjes së pallateve, kullave, vilave, shtëpive nëpër Europë e në botë?
Kërkojnë shkaqe, fajtorë, komplote, komplotistë poshtë e lart për fatkeqësitë e opozitës, ndërsa shqiptarët i kanë bërë shpejt e shpejt llogaritë: Sa më e lartë kulla, aq më e madhe distanca, sa më e madhe vila, aq më e madhe braktisja, sa më të shumta kullat, aq më larg do të qëndrojnë njerëzit që prisnin përmirësimin e jetëve të tyre, jo të roof-eve dhe zyrave me pamje nga Dajti e Lana të liderit të tyre historik.
Lajme të tjera
-
KKT miraton lejen për ndërtimin kullave të reja në Tiranë, mes tyre 'Lift Tower' ku do vendoset Kadastra
29 Nëntor, 14:50 -
Avokati: Do apo nuk do Bardhi tani, do ta çojë para drejtësisë Flamur Nokën!
11 Nëntor, 18:25 -
Të gjithë me sytë nga buxheti/ Votimi maratonë javën e ardhshme! PS s’do asnjë mungesë, PD protestë para Kuvendit
11 Nëntor, 16:48
-
Skënder Minxhozi: Kur humbesh pas detajeve e harron pyllin
4 Nëntor, 20:53
-
Alba Malltezi: Para BE-së po tregojmë se jemi armiq të përbetuar të vetvetes
31 Tetor, 14:52
-
Arrestimi i Çyrbjes, Bardhi akuza Ramës: Qeveris me krimin! Basha: Mbështesim SPAK, vetting për politikanët
21 Tetor, 11:08 -
Dosja 'Babale'! Pamjet e turpshme, Salianji në Apel me grup deputetësh demokratë presion gjyqtarëve para vendimit! Prokurori kërkon 1 vit burg, avokatët pafajësi! Gjykata vendos më 26 shtator
20 Shtator, 10:42 -
DYSHIMI/ Gazmend Bardhi gënjeu publikisht në Kuvend për bisedat SKY ECC! Lexon pjesë sikur janë të vitit 2023, por EUROPOL thotë se operacioni u bë më 2021
12 Shtator, 13:38 -
12 drejtuesit e Berishës ngjallin pakënaqësi! Harxhi: Turp që s'ka asnjë grua! Spaho gënjehet nga Noka
5 Shtator, 14:12 -
Ylli Pata: Zbutja e 'tigrave' opozitar që desh bënë namin një vit më parë
30 Gusht, 20:20
-
Tirana në gusht
10 Gusht, 13:01
-
Cili Bardh gënjen? Ai që akuzon Nokën si të lidhur me një trafikant droge, apo ai që akuzon sot prokurorët e SPAK?
2 Gusht, 13:09
