POP 5

Lajmet më të lexuara të 5 minutave të fundit

Ekonomi

Çmimet e larta mbushin arkën e buxhetit të shtetit! ‘Financat’: Të ardhurat në 7-muaj janë rritur me 44.9 mld lekë

Në buxhetin e shtetit nga janari deri në korrik janë arkëtuar 44.9 miliardë lekë më shumë se vjet. Ndikimin kryesor në rritjen e të ardhurave mbi planin e Ministrisë së Financave e ka dhënë rritja e çmimeve si dhe përmirësimi i aktivitetit ekonomik të bizneseve. Ndërkohë shpenzimet kanë pësuar ulje dhe janë mbledhur 567 milion lekë më pak se 2021.

Çmimet e larta të produkteve ushqimore, të hidrokarbureve, por edhe të shërbimeve të tjera kanë sjellë më shumë të ardhura në buxhetin e shtetit në 7 muajit e këtij viti. Ministria e Financave thotë se nga janari në korrik janë mbledhur 326.7 miliardë lekë, duke u rritur me 44.9 miliardë lekë në krahasim me një vit më parë.

Rritja më e madhe e të ardhurave është regjistruar tek ato doganore me 20.8 miliardë lekë në raport me vitin që shkoi dhe në total arritën në 122.6 miliardë lekë.         

TVSH-ja në import ka pasur kontributin më të madh në shtimin e të ardhurave pasi nga janari në korrik janë mbledhur 17.8 miliardë lekë më shumë se në të njëjtën periudhë vjet. Kjo vjen si rezultat i shtrenjtimit të produkteve në import, dhe për pasojë për produktet që vendi ka blerë nga jashtë ka paguar më shumë TVSH në momentin e zhdoganimit. Ndërkohë janë rritur me 1.1 miliardë lekë edhe të ardhurat nga akciza, krahasuar me vjet, por janë më të ulta se pritshmëritë e këtij viti.

Nga ana tjetër të ardhurat tatimore, janë rritur me 17.9% më shumë se 7 mujori i vitit 2021. Në total nga TVSH-ja, tatimi mbi fitimin, tatimi mbi të ardhurat personale, taksat nacionale dhe kontributet e janë mbledhur 166.9 miliardë lekë.

Edhe këtu TVSH-ja ka pasur performancën më të mirë në këtë periudhë për shkak se qytetarët kanë paguar më shumë, për produktet që kanë blerë e për pasojë edhe arka e shtetit ka fituar më shumë taksa.

Ndërsa shpenzimet në këtë periudhë rezultuan 311 miliard lekë, ose 567 milion lekë më pak se vjet. Si pasojë e çmimeve të larta të materialeve të ndërtimit, më herët qeveria tha se janë ngadalësuar investimet, dhe sipas të dhënave shpenzimet kapitale në këtë periudhë kanë qenë 30.2% më të ulta se vjet dhe në total arritën 37.5 miliardë lekë.

TOTALI I TË ARDHURAVE

Janar-Korrik 2022                   326,733 mld lekë

Janar-Korrik 2021                   281,805 mld lekë

Diferenca                                +44,928 mld lekë

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

25 Dhjetor, 15:03