Në 24 orët e fundit janë shënuar 602 raste të reja dhe 16 viktima nga COVID! Gjatë ditës së sotme kanë humbur jetën edhe ish-zv.Ministër i Turizmit, Genci Pasko dhe një mjek neurolog nga Kavaja.
Nga 3077 testime të kryera kanë rezultuar pozitivë 602 qytetarë, ku Tiranë mban rastet më aktive me 243 të infektuar. Rastet pozitive të konfirmuara janë identifikuar në këto bashki: 243 raste në Tiranë, 29 raste në Korçë, 28 raste në Durrës dhe Fier, 27 raste në Shkodër, Sarandë, 23 raste në Vlorë, 20 raste në Lezhë, 14 raste në Kamëz, Gjirokastër, 11 raste në Berat, 10 raste në Lushnje, 8 raste në Elbasan, Pogradec, 7 raste në Mirditë, Tepelenë, Malësi e Madhe, Peqin, 6 raste në Kurbin, Vau i Dejës, Librazhd, Prrenjas, 5 raste në Devoll, Kukës, Kavajë, Gramsh, Shijak, 4 raste në Mallakastër, Kolonjë, 3 raste në Tropojë, Përmet, Delvinë, 2 raste në Divjakë, Dibër, Kuçovë, Vorë, Patos, 1 rast në Krujë, Mat, Belsh, Himarë, Memaliaj, Skrapar, Maliq, Poliçan.
Me gjithë përpjekjet e stafit mjekësor, 16 qytetarë e kanë humbur betejën me COVID19: 7 qytetarë nga Tirana, 3 qytetarë nga Fieri, 1 qytetar nga Vlora, 1 qytetar nga Durrësi, 1 qytetar nga Shkodra, 1 qytetar nga Gramshi, 1 qytetar nga Prrenjasi, 1 qytetar nga Lushnja, të moshave 41-78 vjeç.
Aktualisht në spitalet COVID në Tiranë dhe tre spitalet rajonale po trajtohen 620 pacientë, 37 në terapi intensive, nga të cilët 12 pacientë janë të intubuar.
Gjatë ditës së sotme janë kryer 1080 vaksinime antiCovid dhe që nga fillimi i vaksinimit janë kryer 22,693 vaksinime për personelin shëndetësor dhe të moshuarit.
Në 24 orët e fundit janë shëruar 761 qytetarë, duke e çuar numrin e të shëruarve në 78,259 që nga fillimi i epidemisë.
Statistika (11 Mars 2021)
Raste të reja ditore 602
Të shëruar në 24 orë 761
Të shtruar në spitale 620
Humbje jete në 24 orë 16
Testime ditore 3077
Testime totale 501,153
Raste pozitive 115,442
Raste të shëruara 78,259
Raste Aktive 35,181
Humbje jete 2002
Shpërndarja gjeografike e rasteve aktive sipas qarqeve:
Tiranë 23511
Fier 2540
Vlorë 1659
Durrës 1662
Shkodër 1327
Gjirokastër 1219
Korçë 879
Elbasan 624
Lezhë 694
Berat 420
Dibër 340
Kukës 306
Një e re rreth të 20-tave, 24 javëshe shtatzënë, e shtruar në spitalin Infektiv pasi është prekur me COVID, është intubuar si pasojë e gjendjes së rënduar shëndetësore.
Kësisoj e reja i është nënshtruar lindjes së parakohshme, ndërsa po e asistojnë mjekët e maternitetit Mbretëresha Geralndinë.
Ky nuk është rasti i vetëm, pasi raste të tillë madje dhe më fatale ku nënat kanë ndërruar jetë, janë shtuar së fundmi. Dje 22-vjeçarja Sidorela Koça nga qyteti i Korçës ka humbur jetën prej COVID-19, pasi ishte në intubim prej më se 3 javësh. Gjatë kohës që ka qenë në intubim, mjekët kanë arritur që të nxjerrin në jetë fëmijën e saj. Fëmija e saj është shëndoshë e mirë, e ndërsa fatkeqësisht e reja nuk arriti që të njihte krijesën e saj, pasi COVID-i i mori jetën, pas një beteje të gjatë.
Ky është rasti i tretë, pasi më herët ndërroi jetë edhe një 32-vjeçare dhe një 28-vjeçare.
TIRANË- Ish- zv. Ministër i Turizmit, Genci Pasko ka ndërruar jetë pas një beteje me COVID. Lajmi është konfirmuar nga kolegët e tij të Universitetit, ku punonte si profesor.
"Me keqardhje mësuam sot për ndarjen nga jeta para kohe, të kolegut, profesorit, një ndër aktivistët më të njohur shqiptarë, Genci Pasko.
Prej afro dy vitesh Dr. Genci Pasko ishte pedagog pranë Kolegjit Universitar “LOGOS”. Genci Pasko është diplomuar në Fakultetin e Ekonomisë të Universitetit të Tiranës dhe ka mbrojtur doktoraturën po në këtë fakultet, pranë Departamentit Marketing-Turizmit.
Pasko ka mbuluar detyra të rëndësishme, ku ndër to edhe Zv. Ministër i Turizmit. Pas një përvoje pune mbi 10 vjeçare në institucione të rëndësishme të administratës publike, duke filluar nga viti 2009, z. Pasko ka punuar në sektorin e shoqërisë civile. Largimi i parakohshëm i Genci Paskos është një humbje e madhe për familjen, shokët, kolegët, të afërmit dhe shoqërinë. Ngushëllimet më të sinqerta për familjen nga stafi i Kolegjit Universitar “LOGOS”! U prehsh në paqe Genci", shkruhet në njoftim.
Një tjetër mjek ka humbur jetën si pasojë e COVID -19. Bëhet me dije se ka ndërruar jetë Mehmet Demrozi, i cili punonte si mjek neurolog në Spitalin e Kavajës.
73- vjeçari nuk ka arritur ta fitojë betejën më Covid 19. Mësohet se gjendja e Demrozit ishte përkeqësuar tepër ditët e fundit, dhe mjeku neurolog po qëndronte në intubim.
Megjithë përkujdesjen e marrë Demrozi nuk ka arritur të fitojë betejën me koronavirusin.
Në një reagim në mediat sociale Urdhri i Mjekeve te Shqiperise shpreh ngushëllimet për ndarjen nga jeta të mjekut.
Lajme të tjera
-
Për 2023 sëmundshmëria kronike u rrit 5,9%, shkak plakja e popullsisë dhe pasojat e Covid
23 Janar, 07:37 -
Regjistrohet rasti i parë i variantit të koronavirusit ‘Pirola’ në Ukrainë
8 Nëntor 2023, 09:54 -
Investigimi i Report Tv/ Kujdes nga infeksionet! Mungon tetanozi, QSUT, Infektivi, QSH e farmacitë pa gjilpëra! Furnizimi çështje e Ministrisë
25 Shtator 2023, 17:02
-
Agjencitë e inteligjencës në SHBA të ndara për origjinën e koronavirusit
25 Qershor 2023, 14:09 -
Rikthehen viruset tek fëmijët pas pandemisë
19 Qershor 2023, 08:14 -
COVID-19, Organizata Botërore e Shëndetësisë shpall fundin e emergjencës globale! Vlerësimi: 20 mln njerëz humbën jetën
5 Maj 2023, 16:17 -
Shtrimet në spitale gjatë 2022 u shtuan me 8% pas pandemisë! Zemra dhe shëndeti mendor problemet kryesore
4 Maj 2023, 20:19
-
Foshnja e infektuar me HIV, prokuroria e Tiranës pritet të nisë hetimet
2 Maj 2023, 11:01 -
Gjermanët padi për dëme të shkaktuara nga vaksinat ndaj COVID
13 Prill 2023, 08:24 -
Korrupsion me respiratorët gjatë pandemisë 'Covid 19', kryeministri i Federatës së Bosnjës dënohet me 4 vite burg
5 Prill 2023, 11:01 -
Shëndetësia/ Meta: Pandemia e provoi dështimin e qeverisë, falsifikuan shifrat! Ne do të rrisim me 50% pagat për ‘bluzat e bardha'! 5% financim të GDP për buxhetin
31 Mars 2023, 11:25 -
OBSH i kërkon Kinës të publikojë të gjitha të dhënat e lidhura me origjinën e COVID-it
18 Mars 2023, 21:11
