COVID i pamëshirshëm/ I merr jetën 18-vjeçarit dhe një 32-vjeçareje në Elbasan, e cila pak ditë më parë kishte lindur fëmijën e saj

Spitali 'Shefqet Ndroqi'

TIRANË- COVID-19 është treguar i pamëshirshëm, duke marrë jetën e 2 të rinjve. Viktima më e re është regjistruar në Tiranë, ku ka humbur jetën një 18-vjeçar, i cili prej më se një jave ishte i shtruar te ‘Shefqet Ndroqi’. Ai kishte pasur komplikacione, për pasojë ndërroi jetë. E gjithë familja e tij ka qenë e infektuar, e ëma dhe i ati. Të tre janë me sëmundje bashkëshoqëruese, sëmundje gjenetike të obezitetit. Djali ka shkuar në spital 10 ditë pasi ishte infektuar, teksa virusi kishte përkeqësuar maksimalisht gjendjen e tij. Sipas mjekëve të Covid 2, mushkëria e tij ishte e dëmtuar në pjesën më të madhe, pa shpresë se do mund t’ia dilte. Edhe babai i tij ndodhet në gjendje të rëndë, por jo në intubim. Ndërsa nëna e tij ka lënë spitalin pasi është negativizuar.

Ndërkohë, një lajm i trishtë vjen edhe nga qyteti i Elbasanit, ku një 32-vjeçare ka ndërruar jetë nga COVID, pak ditë pasi solli në jetë fëmijën e saj. Burime për Report Tv bëjnë me dije se mjekët ia kanë dalë që të sjellin në jetë shëndoshë e mirë fëmijën me ndërhyrje çezariane në muajin e shtatë disa ditë më parë. 32-vjeçarja ka lindur fëmijën e saj disa ditë më parë, ndërsa sot  ka ndërruar jetë, ndërsa fëmija gëzon shëndet të plotë.

Report Tv ka sjellë më herët historinë e nënës 28-vjeçare nga Elbasani e shtruar te COVID-2 dhe ndërhyrjes që iu bë nga mjeku “hero” Rezart Ajazi. Në intervistën e dhënë për Report Tv, Ajazi tha se ky ishte një rast i rëndë ku edhe vetë orët e jetës së bebit brenda barkut të nënë ishin të numëruara. Ai shtoi tha se vështirësia më e madhe në këtë proces ishte se nëna ishte e intubuara, e pavetëdijshme dhe mbahej në jetë me oksigjen përmes tubave, ndërkohë që duhej t’i nënshtrohej një operacioni lindjeje në sallat e Sanatoriumit, që nuk ishin të përshtatshme për këtë gjë. Fatkeqësisht nëna, nuk ia doli që të mbijetonte.

Ky është rasti i dytë që një 32-vjeçare ndërron jetë nga COVID, pasi sjellë në jetë fëmijën.

Kujtojmë që pak ditë më parë, humbi jetën nga COVID në moshën 35-vjeçare Julian Buzo, montazhier në Klan Tv. Javëve të fundit, COVID është treguar shumë agresiv te moshat e reja. Ekspertët e shëndetësisë e lidhin këtë me variantet e reja të këtij virusi që duket se kanë hyrë në Shqipëri.

B.K./I.K./Shqiptarja.com
  • Sondazhi i ditës:

    Një vit pandemi/ A mendoni se qeveria e ka menaxhuar mirë situaten e COVID-19?

Komento

Komente

  • Erik: 22/02/2021 14:18

    Ngushellime familjareve!

    Përgjigju


×

Lajmi i fundit

John

22 vjeçarja humbi betejën me COVID, Universiteti i Tiranës: U prenë në mes ëndrrat e saj, ishte me rezultate të larta