Covid/Spanjë, rritje e vogël e numrit të vdekjeve në 24 orët e fundit

Sado pak por në Spanjë viktimat nga infeksioni i koronavirusit janë rritur.

Në 24 orët e fundit u regjistruan 430 vdekje, një rritje në krahasim me një ditë më parë, kur u regjistruan 399 viktima për një total prej 21282 vdekje që nga fillimi i pandemisë.

Sipas ekspertëve, rritja e numrit të personave që janë shëruar dhe rritja e rasteve të reja nën 2 përqind janë ngushëlluese.

Sipas drejtorit të Zyrës së Koordinimit për Emergjencat Shëndetësore Fernando Simon "evolucioni i dy javëve të fundit vazhdon të ecë ashtu siç pritej".

Ndërsa kreu i qeverisë Pedro Sanchez ka njoftuar zgjatjen e regjimit të bllokadës deri më 26 prill dhe vetëm pas kësaj date masat parandaluese po adaptohen.

Nga java e ardhshme edhe fëmijët deri në moshën 12 vjeç mund të dalin për një shëtitje të shkurtër shoqëruar me një të rritur, por parqet dhe kopshtet do mbetet të mbyllura.

Sipas një vlerësimi, të paktën 8.3 milion të mitur spanjollë janë detyruar të qëndrojnë në shtëpi që nga data 14 Mars.

Lajmi kryesor:

Covid, 534 viktima në Itali. Shtetet e Bashkuara vendi me numrin më të madh të vdekjeve. Britania nis testet e vaksinës të enjten (VIDEO)

TAG:
• Koronavirus