POP 5

Lajmet më të lexuara të 5 minutave të fundit

Kronikë

Çudia e Vetingut/ Drejtësia e re në duart e grave, ‘digjen’ të gjithë burrat

Surpriza, 5 në 7 gra prokurore dhe gjyqtare kalojnë Vetingun, në tre burra nuk kalon asnjë. Nga zbatimi i deritanishëm i Vetingut, asnjë prokuror apo gjyqtar i gjinisë mashkullore nuk ka mundur dot të kalojë skanerin e trefishtë të Vetingut.
Çudia e Vetingut/ Drejtësia e re në duart e grave, ‘digjen’ të gjithë burrat

KPK seancë dëgjimore

Përpos shpopullimit dhe mbylljes së Gjykatës Kushtetuese, ‘arratisjes’ së ish-kryeprokurorit Adriatik Llalla dhe shpërthimit të pazakontë të gjyqtarit Ken Dhima në mbledhjen e fundit të KLD, procesi i Vetingut po prodhon një tjetër befasi të madhe.

Nga zbatimi i deritanishëm i ligjit të Vetingut, asnjë prokuror apo gjyqtar i gjinisë mashkullore nuk ka mundur dot të kalojë skanerin e trefishtë të Vetingut, për t’u bërë pjesë e drejtësisë së re që po konstituohet. Bilanci i deritanishëm është: Nga 3 subjekte burra të verifikuar, asnjëri prej dyte nuk është konfirmuar në detyrë.

Konkretisht, i janë nënshtruar Vetingut Fatos Lulo, anëtar i Gjykatës Kushtetuese, Fatmir Hoxha, anëtar i Gjykatës Kushtetuese dhe Besim Trezhnjeva, gjyqtar në Gjykatës e Apelit në Durrës. Që të tre janë shkarkuar nga detyra nga Komisioni i Pavarur i Kualifikimit, me argumentin se nuk justifikojnë pasurinë.

Nga ana tjetër, nga 7 prokurore dhe gjyqtare gra të verifikuara deri më tani për ligjshmërinë e pasurive, lidhjet e mundshme me krimin dhe aftësitë profesionale, janë konfirmuar në detyrë 5 prej tyre. Ky bilanc apo ky trend është një tregues i qartë se drejtësia e re do t’u besohet dhe do të dominohet nga gratë.

Gratë prokurore dhe gjyqtare të konfirmuara në detyrë do të bëhen pjesë e dy organeve më të rëndësishme të drejtësisë së re, Këshillit të Lartë Gjyqësor dhe Këshillit të Lartë të Prokurorisë. Ato duket se nuk do të kenë konkurrentë burra për t’u bërë pjesë e këtyre strukturave. Gjithashtu, nisur nga ky trend, gratë do të dominojnë edhe dy gjykatat më të rëndësishme, Gjykatën e Lartë dhe Gjykatën Kushtetuese.

Kandidatët për vendet vakante në këto dy gjykata duhet të kalojnë Vetingun. Edhe për këto pozicione, gratë në fjalë, nuk do të kenë konkurrentë të gjinisë tjetër. Më tej, gratë gjyqtare dhe prokurore që kanë kaluar Vetingun do të dikojnë edhe Byronë Kombëtare të Hetimit, Prokurorinë e Posaçme dhe Gjykatat Speciale, të cilat përbëjnë organet e SPAK-ut. Këto organe janë projektuar për të ndëshkuar krimin dhe korrupsionin në nivele të larta.

Dominimi  
Procesit të rivlerësimit i janë nënshtruar deri më tani 7 prokurore dhe gjyqtare, ku pesë prej tyre janë konfirmuar në detyrë. Konkretisht, janë konfirmuar në detyrë gjyqtarja në Gjykatën e Rrethit Gjyqësor Kurbin Marçela Shehu, prokurorja në Prokurorinë e Përgjithshme Anila Leka, anëtarja e Gjykatës Kushtetuese Vitore Tusha, gjyqtarja në Gjykatën e Rrethit Gjyqësor Tiranë Manjola Xhaxho dhe prokurorja pranë Prokurorisë së Apelit Tiranë Fatjona Memçaj.

Ndërkaq, janë shkarkuar nga detyra, anëtarja e Gjykatës Kushtetuese, Altina Xhoxhaj dhe prokurorja pranë Prokurorisë së Apelit Shkodër Besa Nikëhasani. Gjithsesi, për subjektet që janë shkarkuar nga detyra fjalën e fundit do ta thotë Kolegji i Posaçëm i Apelimit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ncnxnxbb: 05/06/2018 08:27

    As 1% nuk ka kaluar dhe mediokriteti juaj me keto perfundime, kap maja te reja.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi/ PS dhe PD ndajnë nga 4 mandate deputetësh në Shkodër

Sondazhi/ PS dhe PD ndajnë nga 4 mandate deputetësh në Shkodër

25 Dhjetor, 21:24