DURRËS - Bllokim të të gjitha aktivitetet që shkaktojnë ndotjen e mjedisit ka premtuar kandidati i Aleancës për Shqipërinë Europiane, Vangjush Dako gjatë takimeve në komunën Rrashbullë.

Përpara banorëve të Fermës në Xhafzotaj dhe atyre në lagjen e mirditorëve, Dako është shprehur se tashmë e njeh më mirë sitauatën e njësive të reja që i bashkohen Bashkisë së Durrësit, duke theksuar se investimi në infrastrukturë është shumë i nevojshëm për këto zona dhe do jetë prioritet i bashkisë së re.  Ai ka premtuar gjithashtu edhe ndërtimin e tre rrugëve që lidhin komunën e Rrashbullit me plazhin.

“Është e pafalshme që në fshatrat e komunës tuaj të mos jetë bërë asnjë investim në gjithë këto vite, që rrugët janë në këtë gjendje.  Ne nuk kemi këtë vizion, pasi që në fillim të vitit të ardhshëm nisim punën për ndërtimin e infrastrukturës dhe  përmirësimin e cilësisë së jetës tuaj. Do realizojmë investime aq sa nuk janë bërë për 20 vite me rradhë në zonën tuaj . Do bëjmë trotuarë, do shtrojmë rrugët, dhe do mbyllim kanalet  që në vitin e ardhshëm të mandatit, me qëllim përmirësimin e cilësisë së jetës së banorëve të kësaj zone.  ” - tha Dako në bashkëbisedimin me banorët e Fermë Xhafzotajt.
dako 

Dako është njohur edhe me ndotjen që shkakton në këtë zonë një biznes privat, për të cilin ka deklaruar se rregullat dhe ligjet e shtetit, fatkeqësisht, nuk janë zbatuar nga administrata aktuale e komunës.

“Ky është një problem që nuk kërkon gjetjen e financimeve për të investuar, por kërkon, thjesht dhe vetëm, zbatimin e ligjeve të shtetit, gjë që do të realizohet menjëherë pas 21 qershorit. Biznesi në fjalë që shkakton ndotje duke derdhur ujërat teknologjikë apo plehra në kanale, do të bllokohet nëse nuk ndërton impiant për pastrimin e ujërave të ndotura”, -është shprehur Dako.
 
Në përgjithësi, situata shqetësuese e fshatrave lidhet me konfliktet e shumta që ka për tokën bujqësore.  “Në qoftë se nuk kemi shtet të së drejtës, nëse nuk kemi drëjtësi për pronën private të gjithësecilit, nuk ka ka asnjëherë drejtësi për secilin nga ne. Pa zgjidhjen e problemeve të pronës, nuk afrohen as investitorët. Ne besojmë se këtë gjë e zgjidh shteti dhe jo të futen në grindje banorët me njëri-tjetrin”. Inspektoriati i Arave do të krijohet mënjeherë nga administrata e re dhe do të japë zgjidhje për problemet, të cilat janë të vogla për ne, por shumë të rëndësishme për ju,”- tha Dako.
 dako
Në çdo qendër fshati bashkia e re do të ndërtojë sheshe me sipërfaqe të vogla për moshat e treta, ndërsa në muajin shtator nisin punimet për ujësjellësin e ri të Durrësit, i cili pritet të sjellë trefishin e sasisë aktuale të ujit. Ky projekt do të trefishojë sasinë e ujit edhe për zonën e fshtrave që i janë bashkëlidhur bashkisë së re të Durrësit pas 21 qershorit.
 
Në lagjen e mirditorëve në Shënavlash, kryebashkiaku Dako deklaroi se që në fillim të mandatit nis puna për ndërtimin e rrugës kryesore që kalon në këtë lagje drejt plazhit të Bishtkamzës, si dhe dy rrugëve të tjera të kësaj komune me dalje në bregdet. Dako ka shtuar se në gjithë zonën e re që i bashkëngjitet bashkisë së Durrësit, do të punohet sa nuk është punuar për 20 vjet me radhë.

Zona në fjalë ka fare pranë impiantin e trajtimit të ujërave të ndotura, i cili pastron ujërat e zeza të zonës bregdetare dhe qytetit të Durrësit. Në këtë zonë janë vendosur edhe shumë biznese të fuqishme për shkak se ndodhen afër me autostradën, portin dhe zonën industriale të Porto Romanos.

“Më e rëndësishme për këtë zonë do të jetë nisja e punës në zonën e lirë ekonomike të Spitallës, ku pritet të hapen mijëra vende pune dhe nga kjo gjë do të përfitoni ju direkt", - i’u drejtua Dako banorëve të pranishëm në këtë takim.
 dako
Redaksai Online
(o.b/ shqiptarja.com)