VIDEO
Në orën 11:00 u zhvillua ceremonia e celebrimit në Sallën e Fronit, drejtuar nga Kryetari i Bashkisë së Tiranës, Erion Veliaj, nën bekimin dhe nga përfaqësuesit e klerit në Shqipëri.
Në ceremoninë e shkëmbimit të unazave, u vu re mungesa e politikanëve, por ra në sy Ramush Haradinaj nga Kosova.
Dasma e Princ Leka Zogut me Elia Zaharian pas celebrimit nga kryebashkiaku Erion Veliaj kaloi një moment tjetër të veçantë; pritjen e të ftuarve dhe çiftit në Rezidencën Mbretërore.
Këngët dhe valle tradicionale shqiptare dhe një koktejl për të ftuarit krijuan një atmosferë elektrizuese. Vijnë në dasmë Mbretëresha e Spanjës, princër e princesha nga Austria, Belgjika, Egjipti, Gjeorgjia, Gjemania, Greqia, Italia, Irani, e më gjerë.
Hyjnë në rezidencë edhe prindërit e Elias; aktorja e njohur Yllka Mujo dhe babai i saj Gjergj Zaharia. Pas kaq vitesh larg njëri tjetrit ata po përjetojnë së bashku lumturinë për martesën e vajzës.
Rreth orës 01:00 të mesditës Elia Zaharia, princesha shqiptare hyn në rezidencë bashkë me Princ Lekën, tashmë të martuar para ligjit. Elia duket e bukur dhe madhështore. Ndërsa princ Leka është i lumtur.
Ceremonia e mbrëmjes së dasmës mbretërore mes Princit dhe Princeshës është shoqëruar me këngë të Tefta Tashko Koços.
Dasma e Princ Lekës II ka vijuar me një ceremoni madhështore në Pallatin e Brigadave në orën 20.00 të mbrëmjes, ku mbretërit dhe princërit e ardhur nga vende të ndryshme të botës kanë veshur kostumet ceremoniale me simbolet përkatëse.
Edhe Princ Leka II ka veshur kostumin ceremonial princëror. Në Dasmën e Princ Lekës me Elia Zaharian kanë shkuar tre politikanë të njohur ish kryeministri Sali Berisha, kryetari i Partisë Demokratike Lulzim Basha dhe kryetari i Kuvendit Ilir Meta. Ceremonia e dasmës do të vijojë deri në orën 01:00 të mesnatës së të dielës.
Ndërkohë mësojmë se në dasmën e Princ Leka II janë rreth 300 të ftuar.
[gallery]19004[/gallery]
“Tirana është qyteti ku jeni njohur ku keni ushqyer miqësinë, respektin e ku i shfaqët dashurinë njëri-tjetrit. Tirana është vendi ku do të ngreni folenë”, u shpreh Veliaj në ceremoninë e bekimit.
Çifti mori bekimin e Myftiut të Komunitetit Musliman, të përfaqësuesit Ortodoks, Katolik, Bektashi, Protestant. “Në emër të Perëndisë, qofshi të bekuar”, thane ata.
“Këtë bashkim sot, miq e dashamirës të cdo etnie, me tituj pa tituj, urime do e shoqërojnë cdo ditë të jetës suaj. Shkëmbeni premtimet solemne”, tha Veliaj duke ftuar Princin dhe Elian t’i premtojnë njëri-tjetrit besnikëri, dashuri e harmoni.
[gallery]18994[/gallery]
Kryebashkiaku Veliaj: Ju Elia Zaharia, pranoni Princin Leka si bashkëshortin tuaj, në gëzim por dhe në hidhërim, në ditë të mira dhe të këqia, në pasuri por dhe në varfëri në ditët tuaja?
Elia Zaharia: Po!
Veliaj: Ju Princi Leka II, pranoni Elia Zaharia si bashkëshorten tuaj, në gëzim por dhe në hidhërim, në ditë të mira dhe të këqia, në pasuri por dhe në varfëri në ditët tuaja?
Princi: Po!
Pasi shkëmbyen unazat, dhe firmosën, Veliaj i shpalli; burrë e grua.
(Fotot Antonio Çakshiri/Shqiptarja.com)
[gallery]19000[/gallery]
[gallery]18994[/gallery]
Organizatore Sadije Berisha
Ish nusja e Sali Berishës, Sadije Berisha është një nga njerëzit më të angazhuar në dasmën mbretërore. Jo vetëm sepse është mikeshë e Elia Zaharia, por sepse Sadije Berisha është konsulente e familjes mbretërore suedeze, ku ajo jeton prej shumë vitesh. Ajo ka ardhur për të qenë e pranishme në të gjithë organizimin duke qëndruar në zemër të organizimit të evenimentit me disa kolegë të kualifikuar të traditave botërore.
Dasma e Princ Lekës me Elia Zaharian ishte ngjarja e ditës për kryeqytetin. Përveç pjesëmarrjes së figurave të familjeve mbretërore nga e gjithë bota, në ceremoni nuk kanë munguar edhe personazhe publike të Shqipërisë.
Rona Nishliu, Olta Gixhari, Ardit Gjebrea, Soni Malaj, Rudina Magjistari, Marsela Çibukaj kanë qenë disa nga të ftuarit që kanë uruar çiftin Zogu.
Ardit Gjebrea ka shkruar: "Me princeshën Zaharia në ditën e saj të dasmës. Jetë të lumtur!"
"Jetë të lumtur e me shumë trashëgimtarë", ka shkruar Rudina Magjistari në postimin e saj.
Ndërsa Soni Malaj ka shkruar: "Shumë e lumtur për ty mikja ime. Të trashëgohesh dhe qofsh përjetë e lumtur me princin tënd".
Floristja Frida Banushi ka theksuar që çdo lule që është vendosur në buqetën e dasmës ka mesazhin e vet, që ka të bëjë si me prejardhjen e bashkëshortit të Elias dhe me të sajën, deri te kujtimet e fëmijërisë.
Trëndafili i bardhë, Mbretëresha Geraldinë thirrej Trëndafili i Bardhë i Budapestit dhe tregon dashuri, lumturi dhe bukuri.
Lilly of Valley, një lloj zymbyli, është lulja që përdoret nga të gjitha princeshat dhe shpreh besimin e plotë.
Daizy, lulja e deles, lulja e preferuar e mamasë dhe e fëmijërisë së Elias.
Gardenia, përfaqëson dëlirësi, pastërti.
Callas, përfaqëson bukuri madhështore.
Tulipan, dashuri perfekte
Bouvardia, thjeshtësi, elegancë.
[gallery]18993[/gallery]
Mbërritja në ceremoni i Mbretëreshës Sofia të Spanjës
E ftuara më e rëndësishme e pranishme ishte mbretëresha Sofia e Spanjës. Ndërsa të ftuarit e familjeve mbretërore nga e gjithë Europa ishin të shumtë siç tregohet edhe në listën e mëposhtme:
Austri
Duka Georg dhe Dukesha Eilika
Belgjikë
Princeshë Lea
Bourbon-Dy Siccili
Duka dhe Dukesha e Castro
Egjipt
Princ Ali
Gjeorgji
Princi Davit Bagrationi
Gjermani
Princi Georg Friedrich i Prusisë
Greqi
Princeshë Irena
Princ Michael dhe Princes Marina
Iran
Lart madhëria Farah Pahlavi
Itali
Princesha Maria Pia dhe Princesh Maria Gabriella e Savojës
Litenshtein
Prince Philipp dhe Princesh sabelle
Luksemburg
Princ Guillaume dhe Princesh Sibilla
Mal i zi
Princ Nikola II Petrović-Njegoš
Marok
Princesh Lalla Meryem
Portugali
Duka dhe Dukesha e Braganza
Rumani
Princesh Margareta dhe Princ Radu
Rusi
Dukesha Maria dhe Duka George
Serbia
Princ Alexander dhe Princesh Katherine
Spanjë
Madhëria e saj Mbretëresha Sofi
Thurn dhe Taxis
Princesh Gloria
Princesh Elisabeta
Mbretëri e Bashkuar
Princ dhe Princesh Michael e Kent
Disa nga familjet e tjera fisnike të ftuara në dasmën e Princit Leka dhe Elia Zaharia:
Princ Michel i Yugoslavia
Princesh Maria Theresa nga Bourbon-Parma
Austri Joseph Karl Habsburg dhe Dukesha Margarete
Dukesha Johanna Sophie e Austrisë
[gallery]18993[/gallery]
Lajme të tjera
-
Luigi Mangione deklarohet i pafajshëm për akuzat shtetërore për vrasjen e CEO-s Brian Thompson
23 Dhjetor, 22:52 -
Toska zë ngushtë Telitin e PD: Pse nuk protestoni te Balluku, a iu komplekson emri i Bashkim Ulajt? Do jetë oligarku i parë që do arrestohet
23 Dhjetor, 22:48 -
Seuli: Mbi 1000 koreanoveriorë të vrarë apo të plagosur duke luftuar për Rusinë
23 Dhjetor, 22:43 -
Spahiu: PD e sotme disa herë më e dobët sesa në vitin 2013 kur humbi me 1 milion vota
23 Dhjetor, 22:17 -
Protesta e PD me bllokim rrugësh, Policia e Tiranës shoqëron 30 persona
23 Dhjetor, 22:13 -
Shkodër/ Plagoset me armë zjarri 24-vjeçari, dërgohet në spital me plagë në këmbë! Policia nis hetimet, shpall në kërkim 22-vjeçarin e dyshuar (EMRI)
23 Dhjetor, 22:02 -
Braçe ndan pamjet me dron të REPORT TV nga protesta e PD: Vuajtja e Tiranës një ditë para Krishtlindjeve, e bllokuar nga 102 vetë! Shkak, urrejtja ndaj këtij qyteti
23 Dhjetor, 21:55 -
Teliti te ‘5 Pyetjet’: Gjekmarkaj u dhunua nga policia! Ironizon Hitaj: Mund të themi se ishte atentat i organizuar nga Rama, por s’është ashtu
23 Dhjetor, 21:50 -
Humbi ndjenjat gjatë protestës, nga Trauma Gjekmarkaj transferohet te QSUNT (VIDEO)
23 Dhjetor, 21:41 -
Dëshmia e rrallë në hetuesi e nuses së djalit të Mehmet Shehut, pas vetëvrasjes së tij: Kur arritëm në katin e dytë vumë re...
23 Dhjetor, 21:33
-
Perëndimi shpreh shqetësim për moscertifikimin e Listës Serbe
23 Dhjetor, 21:32 -
Spahiu: Pse opozita ka 4 muaj nuk proteston para dyerve të kryeministrisë?
23 Dhjetor, 21:27
