Në Partinë Demokratike është formuar një grupim i quajtur Lëvizja për Shpëtimin e PD. Lëvizja e udhëhequr nga ish-kryetari i degës lokale të PD në Kukës Ibsen Elezi ka dhënë alarmin se Partia Demokratike po shkon drejt shkatërrimit përfundimtar nën drejtimin e Lulzim Bashës. Përmes një komunikate zyrtare, grupimi i ka ftuar qytetarët që të largojnë qeverinë Rama dhe “Republikën e re”. Në deklaratë denoncohet farsa me zgjedhjet në PD, duke theksuar se shumica e drejtuesve të degëve vijnë nga nomenklatura komuniste dhe ish-Sigurimi i Shtetit. “Anëtarësia e thjeshtë, qëllimisht u la jashtë procesit duke mos u njoftuar apo hequr nga listat. Drejtuesit e seksioneve në shume raste u përjashtuan dhe zëvendësuan pa asnjë kriter duke sajuar zgjedhje formale në letra.
Drejtuesit e degëve u zgjodhën sipas një procesi aspak normal dhe demokratik, së pari një pjese të mirë iu mohua e drejta kandidimit, duke shkelur parimin themelor të drejtës për t’u zgjedhur. Kuvendet e degëve u thirren për 48 orë pa shpallur kandidatët, të cilët u shpallën në shumicën e rasteve 24 orë para procesit votimit. Pjesa dërmuese e drejtuesve u zgjodhën formalisht me kandidatura fiktive dhe pa kaluar procesin e pastërtisë figurës, për rrjedhojë, edhe pas 28 vitesh demokraci, shumica e drejtuesve aktual vijnë nga nomenklatura komuniste dhe ish-Sigurimi i Shtetit. Demokratë, duke jetuar me shpresën se pas 8-vitesh këta do rrëzohen vetë, vendi po shkon drejt rrënimit dhe shpopullimit, ndërsa PD drejt shkatërrimit përfundimtar të saj. “Rilindja” dhe “Republika Re” janë rrezik kombëtar i importuar, duhet t’u themi ‘ndal””, thuhet në deklaratë.
Lëvizja thotë se opozita duhet të djegë mandatet si dhe të protestojë në datën 8 dhjetor. “Që nga data 1 tetor 2018, i jemi drejtuar “kryetarit të opozitës” dhe përfaqësuesve të saj në parlament, për dorëzimin e mandateve dhe shpalljen e datës 8 dhjetor si ditë proteste të pandërprerë për largimin e qeverisjes së majtë sorosiane. Kjo qeveri, që si produkt të vetin gjatë këtyre 5 viteve pati varfërimin, rrënimin dhe shpopullimin e vendit, si e tillë ajo duhet të ishte rrezuar me kohë. Mungesa e një opozitarizmi serioz bën që ajo të mos ndihet aspak e shqetësuar duke vazhduar represionin”, vijon deklarata.
Nuk ka bashkim
Lëvizja për Shpëtimin e PD thekson se fryma e bashkimit në PD është vrarë përfundimisht. “Opozitarizmi sot është si mos me keq për shkak të mosfunksionimit të Partisë Demokratike. Vrasja e aksionit opozitar me dështimin e protestave që nga çadra (17 Maj), shëtitjet në bulevard, shitjen e protestës së Kukësit dhe së fundmi të unazës së re. Shitja në tavoline e zgjedhjeve të 2015 me reformën zgjedhore dhe 2017 me marrëveshjen e 17 Majit. Shkatërrimi strukturor i organizimit të saj, duke shkelur rregullat dhe mos respektuar statutin, kane çuar në demotivimin e anëtarësisë dhe humbjen e besimit në elektorat. Procesi i fundit zgjedhor tregoi më së miri, që drejtuesit aktual të PD, duke thyer çdo rregull statutor kanë krijuar një fryme aspak demokratike dhe tensioni brenda radhëve të saj. Ky proces vrau përfundimisht frymën e bashkimit”, shprehet Lëvizja për Shpëtimin e PD.
Lajme të tjera
-
Basha për situatën në vend: Kryeministri me fjalor ‘Noc Rroku’ mbushi Parlamentin me Çyrbet e tij, antimodeli i një shoqërie ku ka pllakosur dhuna dhe arroganca!
20 Nëntor, 15:16 -
Krimet në vend, Basha: Pasqyrë e degradimit të sigurisë, Rama erdhi në pushtet me mbështetjen e krimit
19 Nëntor, 15:22 -
Bonuset për pensionistët, Basha: Lëmosh elektorale për të fshehur dështimin me pensionet e qeverisë më të korruptuar në Europë
18 Nëntor, 12:55 -
Eduard Zaloshnja: Tavani elektoral i Berishës, i PD-së, dhe i partive të reja deri më sot
16 Nëntor, 12:33
-
Fondet e BE-së për bujqësinë, Basha: Korrupsioni dëmtoi fermerët! Programi i Demokratëve Euroatlantikë me subvencione të drejtpërdrejta
16 Nëntor, 11:30 -
Basha zbulon programin në Federatën Globale për Konkurrueshmëri: Taksë e sheshtë 9%, trajnime për 25 mijë të rinj, investime në teknologji dhe Inteligjencën Artificiale
12 Nëntor, 15:20 -
'Dy qëndrimet e Ramës për reformën në drejtësi', Basha poston videon: Bashkë me Berishën po bëjnë gjithçka për të goditur SPAK
11 Nëntor, 22:37 -
Sulmet e Berishës dhe Metës ndaj SPAK, Elezi në Report Tv: Kanë sjellje agresive sepse do përfundojnë në burg! Gazetari: Ardhja në pushtet e Trump s’ndryshon asgjë për ‘non gratën’
11 Nëntor, 19:29 -
Alban Daci: Më mirë vetëm se i keq shoqëruar
10 Nëntor, 22:19
-
Basha nxjerr videon: Ndarja e politikës me krimin prioritet, rasti Çyrbes dëshmon se mandati i Ramës është produkt i bandave
10 Nëntor, 18:40 -
Basha: Tymi që mbulon sot Elbasanin është akuza më e madhe publike ndaj Edi Ramës, projekt korruptiv
9 Nëntor, 15:58 -
Berisha: Mosbindja civile do të vazhdojë, në Parlament për të mbrojtur qytetarët nga vjedhja e buxhetit! Basha stoli e Ramës
9 Nëntor, 14:31
