X

POP 5

Lajmet më të lexuara të 5 minutave të fundit

Kronikë

Deklarime të sakta/ Konfirmohet në detyrë zv/drejtori i Përgjithshëm i SHÇBA

Numri dy i Drejtorisë së Përgjithshme të Shërbimit për Çështjet e Brendshme dhe Ankesat, Adriatik Ago rezultoi pa probleme të pasurisë dhe pastërtisë së figurës, kështu ai ditën e sotme është rikonfirmuar në detyrë. 

TIRANË- Komisioni i Jashtëm i Vlerësimit konfirmoi në detyrë Adriatik Ago, zv/drejtor i Përgjithshëm i SHÇBA. Numri dy i Drejtorisë së Përgjithshme të Shërbimit për Çështjet e Brendshme dhe Ankesat, doli para komisionit të Vettingut 5 ditë më parë, ku nuk iu konstatua asnjë shkelje në të trija kriteret, atë të pasurisë, pastërtisë së figurës dhe profesionalizmit.

Ndërkohë që vetëm pak ditë më parë, Komisioni i Jashtëm i Vlerësimit përjashtoi nga rradhët e uniformave blu shefin e sektorit të ankesave pranë SHÇBA-së, Oltion Shehun për shkak se nuk justifikonte pasurinë.

Për kreun e sindikatës së policisë, Sadedin Fishta, Vettingu në polici po jep efektet e para.

“Vettingu do japë rezultatet e saj. Ai sapo i ka dhënë, por besoj se rezultatet e tij do jenë edhe befasuese në vazhdimësi dhe për individë të veçantë, drejtues policie, për të cilët edhe ne kemi rezervat tona si Sindikatë”, tha Fishta.

Fishta tha se Komisioni i Jashtëm i Vlerësimit i ka kërkuar Sindikatës informacionet që ata disponojnë për cilindo efektiv policie që do të vetohet. “Komisioni kërkon nga Sindikata informacion të vërtetueshëm për mënyrën funksionale për secilin drejtues, qofshin ata të shërbimit të kontrollit të brendshëm apo të Policisë së Shtetit. Dhe për këtë ne kemi edhe obligimin edhe detyrimin, të drejtën edhe ligjore edhe morale që të shprehemi për secilin në lidhje me performancën, në raportet që ka me ligjin dhe me zbatimin ligjor në të gjitha detyrave që ai ka ushtruar në funksionet që mbulon”, shtoi ai.

Sipas Fishtës, për cilindo rast që do të ketë konfirmim në detyrë nga Komisioni, e ndërsa Sindikata ka prova kundër tyre, do i kërkojë Komisionerit Publik të kryej ankimim në institucionet përkatëse.

Adriatik Ago

/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Emin subashi: 13/11/2019 19:37

    Zt Adriatik Aga eshte nje oficer karjere me figure te paster morale,nje profesjonist me pervoje te gjate ne sherbimet e policise shtetit,duke qen gjithmon i tille meriton respekt dhe kosiderat te vecate jo vetem ne ushrimin e detyres te zv. Drejtorit te Sh.K.C. B,por te nje ofiqi me te larte sec eshte. Pra aji meriton te jete ne krye te Sh.K C.B. ne rastese ne kete vend tashti e tutje dote funksjonoje meritokracija,profesjonalizimi dhe integriteti moral i nje punojesi te larte policije sic eshte zt Adriatik Aga, cilet une si qytetar i ketije vendi i uroje sukses ne ushtrimin e detyres ne sherbim te shtetit ligjor.

    Përgjigju
  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Jakin Marena: ‘Mistreci’ i vogël Albin, ‘vëllai’ i madh Rama dhe shqiptarët në RMV

Jakin Marena: ‘Mistreci’ i vogël Albin, ‘vëllai’ i madh Rama dhe shqiptarët në RMV

26 Prill, 19:11 nga Jakin Marena