POP 5

Lajmet më të lexuara të 5 minutave të fundit

Politikë

Dekreti i Lleshit, BE ripërsërit mesazhin për Metën: Ministria e Brendshme duhet plotësisht funksionale

Luigi Soreca është shprehur se për të luftuar krimin dhe korrupsionin duhet një ministri e Brendshme plotësisht efektive. Pas refuzimit për herë të parë, kryeministri e ridërgoi dekretin në Presidencë për Sandër Lleshin, ndërsa tashmë pritet përgjigja e kreut të shtetit.

Dekreti i Lleshit, BE ripërsërit mesazhin për Metën: Ministria e Brendshme duhet plotësisht funksionale

Ambasadori i BE-së në Tiranë, Luigi Soreca

Ambasadori i BE-së në Tiranë, Luigi Soreca në një intervistë për European Western Balkans ka ripërsëritur mesazhin për Presidentin Ilir Meta në lidhje me propozimin e kryeministrit Rama për të dekretuar Sandër Lleshin në postin e ministrit të Brendshëm.

Ai është shprehur se për të luftuar krimin dhe korrupsionin duhet një ministri e Brendshme plotësisht efektive, teksa tani institucioni drejtohet nga Lleshi si i komanduar pas emërimit si zv/ministër.

Lufta kundër krimit të organizuar dhe korrupsionit është një përparësi kryesore për Shqipërinë në rrugën e saj drejt BE-së. Në javët dhe muajt e fundit, Ministri i Brendshëm i Shqipërisë dhe Policia e Shtetit në Shqipëri kanë bërë një sërë veprimesh të rëndësishme kundër krimit të organizuar. Ne e mirëpresim këtë, kjo është ajo që BE-ja dhe vendet anëtare presin nga Shqipëria, dhe kjo duhet të vijojë. Prandaj, duhet një Ministri e Brendshme plotësisht funksionale që do të vazhdojë të luftojë krimin e organizuar.

Luigi Soreca

Pas refuzimit për herë të parë, kryeministri e ridërgoi dekretin në Presidencë për Sandër Lleshin, ndërsa tashmë pritet përgjigja e kreut të shtetit. Mes qeverisë dhe presidencës pati edhe një komunikim në lidhje me statusin e ushtarakut të gjeneralit, që u pasua nga një kërkesë e Lleshit drejtuar Metës për ta hequr. Tashmë pritet përgjigja e Metës nëse do ta dekretojë. 

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça