Dekreti i ri i Metës, Rama: Baba Haxhiu u ngjall, po zgjedhjet nuk i vret dot

Pas vendimit të Presidentit për datë të re zgjedhjesh, kryeministri Rama ka reaguar sërish përmes një statusi në Facebook duke ironizuar dhe krahasuar Ilir Metën me Haxhi Qamilin. Megjithatë ai thotë se zgjedhjet nuk i vret dot dhe data e re."Haxhiu, ai i pari, Qamili pra, mbante në xhep një vulë, e cila ishte nje togëz rripi që trimat e tij e kishin plaçkitur, mes shumë sendesh të karvaneve tregtare. Mbi të shkruhej greqisht “Kompani kafeje Export-Import” dhe dekretet e Haxhiut vuloseshin me të, pa e ditur as ai vetë ç’shkruhej mbi të!

Ndërsa Haxhiu tjetër, Salvatori ynë Qametaj ose ndryshe, Presidenti ynë në shkarkim e sipër, e di çfarë shkruhet mbi Vulën e Republikës, po s’di hiç çfarë bën me dekretet për llogari të Saliut, Lulit e Monikës.Baba Haxhiu u ngjall, po zgjedhjet nuk i vret dot dhe data e re e Baba Xhikes është një arsye e fortë më shumë, për të votuar të dielën, më 30QERSHOR; qetësisht e vendosmërisht, si shqiptarë pa dallim e as ngurrim, kundër karnavaleve të politikës pa din e as iman" shkruan Rama.

Lajmi kryesor:

Meta dekretoi 13 tetorin/ Rama: Nul absolut! A ju thashë prisni çmendurinë e dytë? Zgjedhjet s'i vret dot

TAG:
• edi rama
• Ilir Meta
• zgjedhjet lokale 2019
• 13 tetori data e re e zgjedhjeve