POP 5

Lajmet më të lexuara të 5 minutave të fundit

Kronikë

Atentati ndaj prokurorit/ Del përgjigja e ADN-së: Pështyma në maska i përket Redjan Rrajës

Pas gjurmës së gishtit në syzet e gjetura në makinën e sulmit, prokuroria administron një provë të dytë për atentatin ndaj Arjan Ndojës.

 

TIRANË- Prokuroria e Krimeve të Rënda ka administruar në dosjen hetimore që bën fjalë për atentatin me kallashnikov ndaj prokurorit të Durrësit Arjan Ndoja, një provë të re dhe kjo provë flet për rezultatet hetimore të ADN-së së Redjan Rraja.

Instituti i policisë shkencore ka dalë në përfundimin se në makinën nga u qëllua me kallashnikov drejt Arjan Ndojës, Landi Muharremit dhe shoferit të prokurorit Andi Maloku, ka qenë i pranishëm i arrestuari Redjan Raja. Prezenca e tij në këtë makinë, lidhet me një provë (pështymë) të sekuestruar në një nga kapuçat e gjetur brenda në makinë. Analizat mjekësore kanë treguar se mostrat e mara nga i arrestuari Redjan Rraja të krahasuara me ato të gjetura në makinë, kanë përputhshmëri. Tashmë kjo është një provë e dytë ndaj këtij të arrestuari, pasi më parë prokuroria ka siguruar një gjurmë gishti të fiksuar në një palë syze. Redjan Rraja, i arrestuari i vetëm për atentatin ndaj prokurorit Arjan Ndoja dhe të fortit të Sukthit, Landi Muharremi, nuk ka pranuar akuzën e ngritur nga prokuroria për përfshirje në këtë ngjarje.

Në deklarimet paraprake që i janë marrë Rrajës ai ka treguar se ditën e ngjarjes, pra në 1 nëntor 2019 ka qënë në Tiranë dhe në zonën e Niklës, aty ku ka dhe banesën. Në mënyrë kategorike ai e ka përjashtuar veten e tij nga kjo ngjarje, duke thënë se nuk kishte hipur në asnjë moment dhe asnjëherë në automjetin që ishte sekuestruar nga prokuroria, fill pas atentatit ndaj Arjan Ndojës, Landi Muharremin dhe shoferit të Ndojës Andi Maloku.

Ndër të tjera Rraja ka shtuar se nuk ka asnjë njohje me tre personat e mbetur të plagosur dhe nuk kishte pasur ndonjëherë mundësinë t'i takonte këta persona. Gjithashtu Rraja, ka mohuar njohjen me pronarin e vërtetë të makinës, e cila ishte vjedhur në Tiranë. Njëkohësisht Rraja ka mohuar se syzet e sekuestruara në makinë ishin përdorur prej tij. Megjithëse ka mohuar gjithçka, vetë Rraja nuk ka qenë në gjendje të japë një shpjegim pyetjes së prokurorëve se në çfarë rrethanash janë gjetur gjurmët e gishtave të tij brenda në makinë. Ai është shprehur shkurtimisht se:“…nuk e dinte se si…?”.

Pavarësisht kësaj, Redjan Rraja vijon të qëndrojë në masën e arrestit në burg të dhëna nga dy vendime gjykate, ndërkohë është i vetmi person i arrestuar për atentatin me armë ndaj prokurori Arjan Ndoja, Landi Muharremit dhe shoferit të tij Andi Maloku. I vetmi që mbeti i vdekur në këtë atentat ishte shoferi Andi Maloku.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Denim Prejetshem: 11/12/2019 17:58

    Habitem pra se prej fisit te mire vjen. Tash po len edhe familjen ne gjak

    Përgjigju
  • Tani: 11/12/2019 16:30

    Nje gje eshte e sigurt qe Rama nuk ka lidhje me Rrajajt as me prokurorkin. Rrofte Edi Rama! Rrofte partia socialiste!

    Përgjigju
    • O tej: 11/12/2019 20:03

      A ke brisqe?

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

2 Nëntor, 17:15