Deputeti i Partisë Demokratike, Besart Xhaferri, ka marrë pjesë në protestën kombëtare të Adriatik Lapajt që u zhvillua këtë mbrëmje në bulevardin "Dëshmorët e Kombit", para Kryeministrisë, në Tiranë.

Gjithashtu, Report Tv mëson se në tubimin e Lapajt janë dhjetëra të rinj anëtarë të Forumit Rinor të Partisë Demokratike, të cilëve u është kërkuar pjesëmarrja me dijeni të Sali Berishës.

Ndërkohë, kreu i Lëvizjes "Shqipëria Bëhet" tha se dalja e Belinda Ballukut krah kryeministrit Edi Rama në takime publike, është një formë presioni e këtij të fundit ndaj Prokurorisë së Posaçme, e cila po heton zëvendëskryeministren për veprën penale "shkelje e barazisë në tenderë".

“Sot jemi në ditën 55 të qëndresës në goditën që do mbahet si godina e zaptuar. Kësaj qeverie po i dalin skandalet dhe i marrë peng Edi Rama po dëshmon se rreshtimin në krahë të drejtësisë e kishte vetëm fasadë…Ai dy ditë më parë ishte në Divjakë dhe në krah kishte Ballukun si karshillëk që i bën drejtësisë, duke i thënë se kot sa lodheni sepse unë e ka marrë në mbrojtje. Ai me Belindën në krah i bënte sfidë SHBA që i kanë shpallur luftë krimit të organizuar dhe korrupsionit. Sot të gjithë bashkë kundër Edi Ramës që mban në krah Belindën”, tha ai.

Kjo është protesta e katërt kombëtare e Lëvizjes “Shqipëria Bëhet” para Kryeministrisë, ku Adriatik Lapaj po qëndron pandërprerë prej afro 2 muajsh, duke kërkuar dorëheqjen e kryeministrit Edi Rama dhe qeverisjen e vendit nga një qeveri tranzitore deri në mbajtjen e zgjedhjeve.

Rendit zhvillimet sipas orarit:
Ora 21:27
Mori pjesë në protestën e Lapajt, deputeti Besart Xhaferri: Ju shkova se na kanë ardhur

1769891507_ËhatsAppImage20260131at18.30.492.jpeg

Besart Xhaferri në protestën e Adriatik Lapajt

Deputeti i Partisë Demokratike, Besart Xhaferri, mori pjesë në protestën kombëtare që Adriatik Lapaj mbajti mbrëmjen e sotme para Kryeministrisë, në Tiranë.

Përmes rrjeteve rrjeteve sociale, Xhafferi thotë se "unë sot zgjodha të jem në shesh për të treguar se Partia Demokratike është e hapur për forcat e reja që kanë vendosur të mos i bëjnë opozitës opozitë, por t’i bëjnë opozitë një regjimi që mbahet në këmbë nga kartelet e drogës, të cilat investojnë që në këtë vend të mos ndodhë rrotacioni".

Reagimi i plotë i deputetit Besart Xhaferri: 

Sot, si deputet i Kuvendit të Shqipërisë, iu bashkova protestës së partisë “Shqipëria Bëhet”, për shkak se është një protestë që bëhet kundër njeriut që e ktheu Shqipërinë në një narkoshtet, ku vidhet vota, lulëzojnë kartelet e drogës dhe ku rinia ikën nga sytë këmbët për të mos u kthyer më kurrë.

Ashtu si aktivistë të kësaj force politike janë bërë pjesë e protestave tona, ashtu edhe unë sot zgjodha të jem në shesh për të treguar se Partia Demokratike është e hapur për forcat e reja që kanë vendosur të mos i bëjnë opozitës opozitë, por t’i bëjnë opozitë një regjimi që mbahet në këmbë nga kartelet e drogës, të cilat investojnë që në këtë vend të mos ndodhë rrotacioni.

Nuk e ka luksin opozita shqiptare të luftojë e përçarë përballë një regjimi, largimi i të cilit është emergjencë kombëtare.

Nga kjo protestë e sotme u bëj thirrje shqiptarëve që më 10 shkurt të dalin masivisht në protestën kombëtare, e cila do të shënojë fillimin e fundit të narkoregjimit!

K.M/Shqiptarja.com