POP 5

Lajmet më të lexuara të 5 minutave të fundit

Sport

Derbi shqiptarësh në finalen e Kupës së Italisë, Lazio përballet me Atalanten

Derbi shqiptarësh në finalen e Kupës së Italisë. Atalanta e Berishës dhe Gjimshitit  mposhti 2-1 Fiorentinën dhe siguroi finalen e 15 majit ndaj Lacios në Romë. Ndërsa Real Madrid ngeci në barazim pa gola në derbin ndaj Getafe

Derbi shqiptarësh në finalen e Kupës së Italisë, Lazio përballet me Atalanten

Një futbollist  shqiptar do jetë fitues i Kupës së Italisë për këtë edicion. Kjo pasi finalja e madhe e 15 majit do të jetë Lazio-Atalanta ku protagonist do jenë Strakosha, Berisha dhe Gjimshiti pra do kemi derbi shqiptarësh. Pas Lazios ishte  Atalanta që  mundi 2-1 Fiorentinën dhe siguroi një biletë për në finalen e “Olimpicos” duke u rikthyer të luajë një finale pas 23 vitesh. Ndeshja e parë kishte përfunduar 3-3 ndërsa Atalanta mbrëmë përmbysi rezultatin pasi vjollcët kaluan shumë shpejt në avantazh me Muriel.

Bergamaskët barazuan fillimisht me Ilicic me penallti dhe shënuan golin e fitores me Papu Gomez në minutën e 69-të edhe pas gafës së portierit Lafont. Berisha ishte në pankinë ndërsa Gjimshiti titullar dhe zhvilloi një tjetër paraqitje dinjitoze.

Në javën e 34-të të La Ligas derbi i vogël madrilène  mes Getafes dhe Real Madrid u mbyll pa gola.  

Djemtë e Zidane më shumë në pjesën e dytë e kërkuan fitoren ndërsa Getafe morri një pikë jetike për ëndrrën Champions. Real nuk i afrohet dot Atleticos së vendit të dytë ndërsa Getafe me 55 pikë mban vendin e katërt në zonën Champions. 

Në të njëjtën kuotë pikësh është Sevilla që në “Ramon Sanchez Pizjuan” shtypi Rayo Vallecano duke e mposhutr 5-0 ku dy gola shënoi sulmuesi Munir.  Një gol i shënuar nga Moreno 5 minuta nga fundi i ka dhënë Villarreal fitore jashtëzakonsiht të rëndësishme 1-0 ndaj Sociedad. Një fitore që për klubin e njohur spanjoll mund të vlejë edhe mbijetesën në La Liga.

/Përgatiti Andi Kapxhiu

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Hetimet e SPAK mbi Kadastrën, arrestohen dy persona për ushtrim të ndikimit të paligjshëm

Hetimet e SPAK mbi Kadastrën, arrestohen dy persona për ushtrim të ndikimit të paligjshëm

26 Prill, 22:49