X

POP 5

Lajmet më të lexuara të 5 minutave të fundit

Ekonomi

Dështojnë dy tenderat e rindërtimit për ndërtimin e 3400 banesave individuale

Dështojnë të dy tenderat e rindërtimit për banesat individuale. Në Buletinin Javor të Agjencisë së Prokurimeve Publike, thuhet se tenderi i Fondit Shqiptar të Zhvillimit dhe ai i Bashkisë së Tiranës për 3400 banesa individuale janë anuluar për shkak se ofertat nuk plotësonin kriteret.

Dështojnë të dy tenderët për rindërtimin e vendit pas tërmetit të 26 nëntorit. Tenderi i hapur nga Fondi Shqiptar i Zhvillimit dhe ai i Bashkisë së Tiranës për ndërtimin e 3400 banesave individuale, janë anuluar pasi asnjë nga ofertat e paraqitura nuk përputhet me kriteret e përcaktuara në dokumentet e tenderit dhe njoftimi është bërë i ditur në Buletinin Javor të Agjencisë së Prokurimeve Publike.

Tenderi i bashkisë së Tiranës është hapur më 13 mars dhe mbyllej dorëzimi i ofertave me 23 mars, ndërsa ai i FSHZH-së është hapur më 10 mars dhe afati kohor për dorëzimin e ofertave ose kërkesave për pjesëmarrje ishte 19 marsi 2020. Fituesi i tenderit të hapur nga Bashkia e Tiranës me fond limit prej 1.8 miliardë lekë, me kohëzgjatje 24 muaj do të merrte përsipër të ndërtonte 889 banesa individuale, ku 312 banesa janë 1+1, 334 banesa individuale 2+1 dhe 243 banesa 3+1.

Ndërkohë fituesi i tenderit ndërkombëtarë të Fondi Shqiptar i Zhvillimit me fond limit rreth 6.2 miliardë lekësh me TVSH, ishte parashikuar të ndërtonte 2500 njësi banimi individuale, të cilat ndahen në 683 banesa 1+1, 972 banesa 2+1 dhe 845 banesa 3+1. Tenderat rindërtimit ishin të vetmit projektet madhore që nuk u prekën nga pezullimi i tenderave të tjerë për shkak të përhapjes së e COVID-19, vendim që u mor nga Agjencia e Prokurimit Publik në fund të muajit mars. Sakaq vetëm një ditë më parë është prezantuar programi i zhvillimit të ardhshëm të Bashkisë Vorë dhe rindërtimi të godinave dhe institucioneve të prekura nga tërmeti i 26 nëntorit 2019.

Tenderi i Bashkise Tirane 
Tenderi i Fondit Shqiptar i Zhvilllimit

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tani: 15/04/2020 20:39

    Nuk plotesonin kriteret firmat apo nuk ploteson kriterin e lekeve lal plehu se per momentin ka 0 leke dhe firma duhet te punoj me leket e saj??

    Përgjigju
  • Tani: 15/04/2020 20:10

    Nuk plotesonin kriteret

    Përgjigju
  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Blinken thotë se Kina po ndihmon në nxitjen e kërcënimit rus ndaj Ukrainës

Blinken thotë se Kina po ndihmon në nxitjen e kërcënimit rus ndaj Ukrainës

26 Prill, 17:21