POP 5

Lajmet më të lexuara të 5 minutave të fundit

Kronikë

Detaje të reja/ Si u arrestua bashkëpunëtori i vrasësit të Artan Cukut në mes të lokalit në Athinë

Dy ditë pas arrestimit në Greqi të bashkëpunëtorit në vrasjen e ish-komisarit Artan Cuku, Report Tv mëson të tjera detaje mbi prangosjen e Kristaq Lecit. Burime zyrtare konfirmojnë se 30 vjeçari u arrestua mesditën e 12 gushtit në një lokal në qendër të Athinës.

TIRANË-Dy ditë pas arrestimit në Greqi të bashkëpunëtorit në vrasjen e ish-komisarit Artan Cuku, Report Tv mëson të tjera detaje mbi prangosjen e Kristaq Lecit. Burime zyrtare konfirmojnë se 30 vjeçari u arrestua mesditën e 12 gushtit në një lokal në qendër të Athinës.

Agjentët grekë dhe një tjetër grup i nisur nga vendi ynë, ndërhynë në momentin që Leci sapo ishte ulur në lokal. Pas kontrollit, policia nuk i gjeti ndonjë send të jashtëligjshëm me vete. Edhe pse Leci iu prezantua dhe u vuri në dispozicion një letërnjoftim me identitet të ndryshuar, autoritetet greke ishin të bindur se personi që po arrestonin ishte pikërisht i shumëkërkuari Kristaq Leci. Prej më shumë se një muaji, policitë e dy vendeve, por edhe në bashkëpunim me Interpol kishin lokalizuar zonën ku banonte i riu shqiptar.

Kristaq Leci akuzohet se bashkëpunoi në vrasjen e Artan Cukut, duke i dhënë informata ekzekutorit e kushëririt të tij Mikel Shallarit, për lëvizjet e ish-komisarit të policisë.

Hetimet zbuluan se Leci ishte njëkohësisht edhe ndërmjetësi mes Shallarit e porositësit të vrasjes, Bledar Jambellit, i njohur ndryshe edhe me emrin Rikard Muho.

Emri i këtij të fundit doli nga dëshmia e Mikel Shallarit, i cili pas arrestimit vendosi të bashkëpunonte me drejtësinë. Ai i tha prokurorëve të Krimeve të Rënda se për vrasjen do të merrte 20 mijë euro, 3 mijë prej të cilave i kishte marrë paradhënie.

Nga hetimet e prokurorisë rezultoi se shkak i vrasjes së ish-komisar Artan Cukut është hakmarrja, pasi në kohën që ai mbante postin e drejtorit të policisë Vlorë, rihapi një vrasje të bujshme në këtë qark, duke akuzuar e më pas prangosur Bledar Jambellin.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Pjetri: 14/08/2019 21:05

    Emri Kristaq (Krisht), babi Sokrat, gjyshi Xhaferr!! Ec e merre vesh ti...

    Përgjigju
    • Tarasi: 15/08/2019 22:58

      Ska asgje per tu habitur... Enveri i beri njësoj te gjitha fetë edhe martoheshin pa problem nje mysliman me nje te krishterë... Emri kristaq.. Babi soktrat.. Gjyshi xhaferr gjyshi eshtë babai i mamit... Kështu mendoj se i bie llogaria... Mamin e ka mysliman babin krishterë

  • jeta: 14/08/2019 19:15

    po pse o cun per 20.000 euro virtet nje njeri as per 200.000 nuk vritet nje njeri e per pasoje te shkaterrohet jeta per te gjithe familjaret e te dyja familjeve dhe ne jeten tende ke barren me te rende ku pervec zotit asnje nuk duhet te marre jete njerezish.

    Përgjigju
  • Mili: 14/08/2019 16:16

    Pse ku do e arrestonin në ndonjë librari apo bibliotekë?

    Përgjigju
  • Loti: 14/08/2019 16:02

    Ne shqiptaret ne klube na gjen gjithmon.

    Përgjigju
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

NBA/ Cleveland dhe Oklahoma ende të pamposhtura, Boston dhe Lakers rikthehen te fitorja

NBA/ Cleveland dhe Oklahoma ende të pamposhtura, Boston dhe Lakers rikthehen te fitorja

2 Nëntor, 13:21