Detajet rrënqethëse mbi ditë e fundit të Marilyn Monroe

Vdekja e Marilyn Monroe në kulmin e saj të jetës është një ndër ngjarjet më të pazbërthyeshme në historinë e artit dhe botës.

Më 5 gusht 1962, në moshën 36-vjeçare ajo u gjet e vdekur në shtëpinë e saj nga overdoza.

Se fundmi, një investigim gazetaresk kërkoi të hedhë dritë mbi misteret e vdekjes së saj.

Autorët e dokumentarit “ The Killing of Marilyn Monroe“ , pretendojnë se ylli i ekranit nuk vrau veten, siç tregon varianti zyrtar.

Ata thonë se Marilyn ishte droguar e abuzuar seksualisht një javë përpara vdekjes së saj tragjike.

 “Marilyn kishte frikë për jetën e vet, ishte mbërthyer në një situatë të cilën nuk e kontrollonte dot më. Përfitonin prej saj. E kishin droguar dhe kishin bërë një festë të shfrenuar me të“, thotë gazetari Charles Castillo.

 Dokumentari tregon se Marilyn ishte abuzuar dhe shantazhuar nga një bos mafioz, Sam Giancana, me ndihmën e ish të dashurit të saj, Frank Sinatra.

 Ylli kishte një lidhje të ndaluar me vëllezërit Kennedy, dhe mafia kërkonte të përfitonte nga kjo.

Sipas gazetarëve, Marlyn e kuptoi se çfarë po ndodhte dhe nuk donte të bëhej pjesë e komplotit dhe do të bënte gjithcka publike, por kjo ishte një arsye më shumqë se pse mafia donte ta hiqte qafe.

Hetuesi privat Becky Altringer pohoi se ikona e Hollivudit një javë para se ta gjenin të vdekur, ishte  e lodhur nga abuzimi dhe shpesh mendonte të kryente vetëvrasje.

/G.M./Shqiptarja.com

TAG:
• vdekja
• detaje
• marilyn monroe
• investigimi gazetaresk