POP 5

Lajmet më të lexuara të 5 minutave të fundit

Sociale

“Dhimbje barku, temperaturë, të vjella, dobësi trupore”, fluks i lartë fëmijësh në Pediatrinë e Pogradecit

Mbipopullimi i Pogradecit këtë sezon turistik ka shtuar edhe fluksin e pacientëve me virozat e stinës. Çdo ditë në urgjencë kërkojnë ndihmë mbi 140 pacientë, ndërsa shtim rastesh ka edhe në Korçë. Fluks i lartë paraqitet dhe në Pediatri.

Urgjenca spitalore dhe Pediatria në Pogradec po përballen ditët e fundit me një fluks të lartë pacientësh, prekur nga viroza.

Shefi i urgjencës, Genci Zyferi tregon se çdo ditë kanë marrë ndihmë mjekësore mbi 140 pacientë, fluksi më i lartë në raport me vitet e tjera, për shkak të turistëve.

“Simptomat janë dhimbje barku, temperaturë, të vjella, dobësi trupore. Për shkak të temperaturave të larta dhe shtimit të popullsisë numri është rritur këtë muaj. Kryesisht janë forma të lehta që janë trajtuar në urgjencë”, tha mjeku.

Edhe në pediatrinë e Pogradecit, mbi 120 fëmijë në ditë kanë paraqitur simptoma të virozës.

“Ka pasur shumë fëmijë. Me bark, të vjella, të zbehtë në fytyrë. Fluksi arriti kulmin që nga mesi i gushtit e këtej. Kemi pasur verëra të nxehta edhe vitet e tjera, por si ky 15 ditësh nuk ka qenë asnjëherë. Shumë fluks i lartë fëmijësh”, tregoi Bexhet Liçkollari, shef i Pediatrisë Pogradec.

Sipas informacioneve edhe në urgjencën e spitalit rajonal të Korçës gjatë kësaj periudhe ka pasur një shtim te rasteve ndërsa mjekët apelojnë për konsumimin e lëngjeve, frutave e perimeve të freskëta si dhe shmangien e qëndrimit jashtë në orët e mesditës.

R.D/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Qeveria do të zhvillojë Industrinë Ushtarake, si e vlerësoni?

Lajme të tjera



×

Lajmi i fundit

E Ngarkuara me Punë e SHBA takon kreun e SPAK, Altin Dumani: T'i japim fund pandëshkueshmërisë! 'Luftë' korrupsionit dhe krimit të organizuar

E Ngarkuara me Punë e SHBA takon kreun e SPAK, Altin Dumani: T'i japim fund pandëshkueshmërisë! 'Luftë' korrupsionit dhe krimit të organizuar

28 Gusht, 18:16