POP 5

Lajmet më të lexuara të 5 minutave të fundit

Kronikë

Dhjetëra të helmuar në Kukës/ Analizat: Uji i pastër, nuk ka vend për panik! Bëni kujdes nga.... (VIDEO)

Një numër i lartë personash janë paraqitur në Spitalin e Kukësit me shenja helmimi përgjatë 3 ditëve. Alarmi në dy lagje të Kukësit u ngrit për ujin e pijshëm, por pas analizave ky shkak u hodh poshtë. Mjekët u kërkojnë qytetarëve të bëjnë kujdes nga ushqimet që konsumojnë në këto ditë me temperatura të larta.

KUKES - Rreth 50 persona janë paraqitur në Spitalin Rajonal të Kukësit  me shenja të helmimit. Bëhet fjalë për banorë të lagjeve të Vilave dhe asaj numër 1 në Kukës. Kjo situatë ka sjellë panik tek banorët duke njohur si shkaktar të helmimit ujin e pijshëm. Por, Njësia Vendore e Kujdesit Shëndetësor në Kukës, ka sqaruar se uji i pijshëm është i pastër dhe nuk ka vend për panik.

Denisa Duraku, shefe e Epidemiologjisë në një dalje publike bën të ditur se uji i pijshëm është i pastër bakterioligjik dhe se niveli i klorit është në parametrat e duhura.

"Po monitorojmë situatën, kemi ngritur grupet e punës. Situata nuk është alarmante, nuk ka problem dhe nuk ka arsye për panik. Kemi identifikuar rastet, janë kryesisht sporadike, shume pak janë në lidhje familjare. Duke qene se është situatë e verës, është stina është viroze, është edhe ngjitëse në momentin që shfaqet. Kemi monitoruar në vazhdimësi ujin, është i pastër, nuk ka ndotje klori në nivelet e duhura. Pacientët e prekur falsin për konsumin e bostanit të pjeprit. Duhet veçuar higjiena familjare, ajo vetjake në këtë moment qe jemi në një stinë virozash", tha Denisa Duraku.

Spitali i Kukësit në këto ditë me temperatura të larta, po përballon një fluks të lartë pacientësh pranë urgjencës spitalore. Nga këto një pjesë e mirë janë pediatrike dhe pjesa tjetër janë të rritur, të cilët paraqiten pranë urgjencës dhe marrin të gjitha shërbimet mjekësore. Mjekët këshillojnë qytetarët se duhet të qëndrojnë në vende të freskëta si dhe të kenë kujdes me ushqimet që konsumojnë gjatë kësaj periudhe.

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça