Dhoma Amerikane e Tregtisë publikoi sot Indeksin e Biznesit për vitin 2021-22, një vëzhgim me 230 anëtarët e saj, sipërmarrje të shumëllojshme, që përfaqësojnë komunitetin më të madh të biznesit në Shqipëri. Indeksi vjetor i Dhomës Amerikane të Tregtisë shënoi një përmirësim të klimës së biznesit në krahasim me një vit më parë (+3.77), e lidhur kjo më së shumti me hapjen dhe rimëkëmbjen pas pandemisë COVID-19, kur bizneset u ndërprenë për një periudhë të gjatë.
Por të anketuarit theksojnë se klima e biznesit është një çështje sfiduese për ta, sepse shumica e problemeve të ngutshme janë të vjetra dhe të parregulluara ndër vite. Autorët e Indeksit theksuan se nuk ka përparim në luftën kundër korrupsionit, monopoleve dhe konkurrencës së pandershme.
Të anketuarit pohojnë se shqetësimet e tyre kryesore e të përhershme, dhe që janë përkeqësuar këtë vit, janë mungesa e punonjësve të kualifikuar, monopolet dhe konkurrenca e pandershme, ekonomia informale, burokracia qeveritare dhe niveli i korrupsionit. Indeksi thekson se emigrimi i lartë po dobëson fuqinë punëtore, dhe është kthyer në shqetësimin më kryesor të bizneseve aktualisht.
Pjesa dërrmuese e kompanive pohuan se ecuria e tyre po dëmtohet ngaqë e kanë përherë e më shumë të vështirë të gjejnë punonjës të kualifikuar, tregues ky i përkeqësuar me -9 pikë, në krahasim me një vit më parë. Indeksi regjistron tregues të përkeqësuar më tej edhe sa u përket problemeve të vjetra të klimës së biznesit si monopolet dhe konkurrenca e padrejtë” (-2.95 pikë), korrupsioni (-0.79 pikë), burokracia qeveritare” (-1.64 pikë) dhe zbatimi i ligjeve (-1.32 pikë).
Të anketuarit pohuan se praktikat e drejta, të barabarta dhe transparente janë ende larg nga shpresat e kompanive dhe investitorëve. Perceptimi i një pjese të madhe të anketuarve është negativ edhe sa u takon politikave dhe shërbimeve bankare, si dhe mbi sigurinë e financimit për zhvillimin e biznesit.
Vlerësimi për marrëdhëniet e biznesit me autoritetet e taksave u përkeqësua (-2.52 pikë), po ashtu si edhe për ministritë (-1.57 pikë). Indeksi theksoi nevojën urgjente për të luftuar korrupsionin, monopolet, pabarazinë dhe konkurrencën e pandershme dhe ekonominë informale në partneritet midis autoriteteve publike dhe sektorit privat, duke vendosur zgjidhje afatgjata për një klimë të re dhe të qëndrueshme biznesi./VOA/
Komente
Lajme të tjera
-
Dhoma Amerikane e Tregtisë: Nëndeklarimi të luftohet me politikë të fortë, jo me aksione të përkohshme! Të ulet TVSH-ja e produkteve ushqimore
28 Tetor, 11:30
-
Dumani në Bernë, takim me Prokurorin e Përgjithshëm të Zvicrës, në fokus lufta kundër krimit të organizuar ndërkombëtar dhe korrupsioni
19 Shtator, 15:27 -
Ministri i Financave: Në qershor do rishikohet tatimi mbi pagat! Synojmë lehtësimin e tatimit për shtresat e mesme! Dhoma Amerikane: Erëra të mira për vendin, por s’mjaftojnë
26 Mars, 21:17
-
Dhoma Amerikane: Klima e biznesit është përmirësuar! Ulet korrupsioni, shqetësim monopolet
7 Dhjetor 2023, 17:25
-
Bilali kritika Enio Jaços: S'je objektiv në qëndrim, s'ka kompani amerikane që janë penguar të investojnë nga klima e biznesit në Shqipëri
29 Korrik 2023, 10:10 -
Komisioni Evropian propozon paketë ligjore për masa kundër korrupsionit, eksperti Gjipali në Report Tv: Ka konsensus politik në BE për luftë kundër korrupsionit
5 Maj 2023, 13:29 -
Kreu i Dhomës Amerikane të Tregtisë: Investimet amerikane në Shqipëri janë rritur me 250%! Kim: Reforma në drejtësi, bazë për rritjen investimeve
24 Prill 2023, 18:19 -
Tregu i punës në vitin 2023, punonjësit drejtojnë 'timonin' e biznesit
14 Janar 2023, 08:20 -
Presidenti i Dhomës Amerikane të Tregtisë: Shqipëria do ndjejë efektet e recesionit! Shigjetohet nga 4 kërcënime, si mund të përfitojë rritje ekonomike
3 Janar 2023, 14:53 -
Shërbimet Doganore marrin vlerësimet pozitive nga biznesi
14 Dhjetor 2022, 14:04 -
Tabaku dorëzon në Parlament paketën anti korrupsion me 4 ligje: Luftë efektive ndaj pastrimit të parave
9 Dhjetor 2022, 14:09 -
Dita Ndërkombëtare Kundër Korrupsionit, mesazhi i SHBA: Departamenti i Shtetit e lufton përmes diplomacisë, media luan rol kryesor
9 Dhjetor 2022, 11:22
Ca flasin edhe keta, jane ne metro? O shoku Rama, merr nje cike ne skuader ate greken e PE qe e arrestuan dje, dhe sille ne skuadren tende per te permisu punen e korrupsionit.
Përgjigju