Pasi u morën në pyetje mbi dhunimin që bënë ndaj Petraq Milos, policët kufitarë malazezë janë liruar nga komisariati. Për herë të parë Dragan Shqekiç, efektiv i pikës kufitare në Malin e Zi i cili u shfaq në pamje teksa dhunonte Milon, tha se ka qenë injorimi i anëtarit të Partisë së Lirisë, që i shtyu drejt akteve të dhunës.
“Humba toruan atë ditë për shkak të injorimit të vazhdueshëm të urdhrave që unë dhe kolegët e mi i dhamë shtetasit shqiptar”-tha oficeri malazez.
“Vijesti” shkruan se pas marrjes në pyetje, efektivët Shqekiç dhe Boljeviç janë liruar nga burgu dhe hetimi ndaj tyre do të vijojë në gjendje të lirë. Gjatë seancës dëgjimore në ODT Ulqin, dhjetëra kolegë të tyre u mblodhën para asaj objekti, në mbështetje të dy policëve kufitarë.
Përveç prokurorisë, hetimin për këtë rast e ka iniciuar edhe Departamenti për Kontroll të Brendshëm të Punës Policore, Ministria e Punëve të Brendshme dhe ajo procedurë është ende në vazhdim.
“Është sekuestruar video-materiali i regjistruar nga video survejimi i instaluar në pikën kufitare Sukobin-Muriqan dhe përmes bashkëpunimit policor ndërkombëtar presim një deklaratë për ngjarjen nga Shqipëria. Nëse procedura e kontrollit të brendshëm vërteton fakte dhe prova të sjelljes së kundërligjshme të zyrtarëve policorë në lidhje me rastin në fjalë, do të ndërmerren masa ligjore për fillimin e procedurës për përcaktimin e përgjegjësisë,”- thuhet në njoftimin e ministrisë së Punëve të Brendshme të Malit të Zi.
Rasti i dhunimit të Milos dhe familjes së tij u bë publik në muajin janar nga mediat shqiptare. Milo u dhunua dhe u nxor me forcë nga policia malazeze teksa po priste në radhë në kufi.
Ditën e djeshme, një video e re e dhunës së ushtruar nga oficerët malazezë ndaj Petraq Milos. Në video shfaqej momenti kur njëri prej policëve kufitarë godiste me shpullë anëtarin e kryesisë së Partisë së Lirisë të cilin më pas tentuan ta nxjerrin me dhunë nga makina. Dhunimi i Milos është firlmuar nga anëtarë të familjes së tij të cilët u tronditën nga sjellja e policëve malazezë. Për incidentin pati reagime të shumta, madje edhe nga kryeministri i Malit të Zi, Dritan Abazoviç i cili tha se kishte edhe një anë tjetër të medaljes, duke u shprehur se Milo nuk kishte zbatuar rradhën e makinave në kufi. Dy policët malazezë u arrestuan ditën e djeshme, por arrestimi i tyre nuk ka zgjatur shumë pasi u liruan ditën e sotme për t'u hetuar më pas në gjendje të lirë.
Komente
Lajme të tjera
-
Kreu i SPAK dhe Kryeprokurori Special i Malit të Zi nënshkruajnë Memorandum Bashkëpunimi
17 Dhjetor, 18:36 -
Monumenti i Gjergj Kastriotit vendoset edhe në Tuz të Malit të Zi
28 Nëntor, 21:55 -
Partia e Lirisë propozon 15 Amendamente për Buxhetin 2025: Rritje e pensioneve me 6,5%, rrogave me 6,2% dhe ndihmës ekonomike me 20%
21 Nëntor, 16:07 -
Abazoviç: Roli i Shqipërisë, i rëndësishëm për stabilitetin në rajon
16 Nëntor, 15:48 -
Ballkani hyn më shpejt në BE?/ Von der Leyen: Përfiton prej tensioneve gjeopolitike
31 Tetor, 17:15 -
SHBA sanksionon firmat serbe dhe malazeze për shkak të mbështetjes të luftës së Rusisë
31 Tetor, 15:50 -
Progres-raporti i BE, Ulsi Manja me homologun malazez: Nisim takime në nivel teknik për kapitullin 23
30 Tetor, 09:39 -
Tronditet Mali i Zi/ Vëlla e motër gjenden të vrarë, autori i armatosur ende në arrati! Policia thirrje banorëve të mbyllen në shtëpi
26 Tetor, 09:32 -
Censi në Malin e Zi/ Shqiptarët deklarohen më pak se 5%, janë 30 mijë shtetas me origjinë shqiptare! Shtohen serbët! 2 % janë rusë
15 Tetor, 15:48
-
Abetarja e unifikuar për shqiptarët e Malit të Zi, presidenti Begaj: Gjuha është rrënja e kombit! Të jemi bashkë pavarësisht ideologjive politike
8 Tetor, 09:29 -
Kapen rreth 95 kilogramë marijuanë në Tuz të Malit të Zi, erdhi nga Shqipëria, arrestohet shqiptari
30 Shtator, 17:01 -
Gjukanoviçi merr shumicën e votave në Podgoricë, mbetet i paqartë formimi i pushtetit vendor në kryeqytetin e Malit të Zi
30 Shtator, 13:22
Çdo të thotë anëtar i Partisë së Lirisë?!!
PërgjigjuPo normal se jeni msu mos me respektu rradhen ju por harruat qe jeni je shtet te huaj dhe sju pyet njeri.
PërgjigjuKa mendu se do respektohen ngaqe flasin shqip por pak kishin qe moren vetem ca shpulla