Sëmundjet e zemrës po shënojnë rritje duke prekur edhe moshat e reja vitet e fundit. Në ditën botërore të ndërgjegjësimit për sëmundjet e zemrës, 29 shtator, shefi i Shërbimit të Kardiokirurgjisë në QSUT, Altin Veshti ka një thirrje për të gjithë qytetarët që të mos neglizhojnë kontrollet me qëllim parandalimin dhe zbulimin në kohë të problemeve shëndetësore.
Në një video të ndarë nga Ministria e Shëndetësisë, mjeku Veshti thekson se çdo person mes moshës 40-50 vjeç duhet të ketë kryer të paktën një vizitë për zemrën. Ai thekson se të rinjtë po preken gjithnjë e më shumë nga sëmundjet e zemrës, e ndërsa sugjeron se vizitat mund të nisin edhe më herët se mosha 40 vjeçare.
“Do them një këshillë për të gjithë, kultura mjekësore për të zhvilluar vizita për zemrën. Çdo njeri duhet të paktën të ketë bërë një vizitë midis moshës 40-50 vjeç. E mira është ta bëjnë edhe më parë, se sot po shohim gjithnjë e më shumë një ulje të moshës të pacientëve që kanë probleme me zemrën dhe unë nuk dua dhe nuk do doja të dëgjoja më njerëz që thonë me krenari në moshën 70-vjeçare, unë s’kam bërë asnjë vizitë, është hera e parë që shkoj tek mjeku. Kjo është diçka që duhet të zhduket nuk kultura jonë”, thotë mjeku Veshti.
Shefi i Shërbimit të Kardiokirurgjisë thotë se shërbimi merret në çdo spital shtetëror, të cilat ofrojnë eko dhe EKG zemre (elektrokardiograf). Veshti shprehet se nuk duhet neglizhuar asnjë shenjë.
“Nga veriu në jug, ekzistojnë të gjitha mundësitë në spitalet shtetërore për të bërë vizita për zemrën, për të parë ca niveli jemi. Duhet absolutisht një eko, EKG. Nga veriu në jug në gjitha spitalet i kanë të gjitha mjetet njerëzit, për të parë në ca pike janë me zemrën. Çdo marrje fryme, dhimbje gjoksi, mbi moshën 45-50 vjeçare duhet marrë seriozisht dhe duhet përjashtuar zemra e para ”, vijon shefi i Shërbimit të Kardiokirurgjisë.
Ai shpjegon edhe faktorët që ndikojnë në shfaqjen e sëmundjeve të zemrës, si jeta sedentare, duhani apo edhe faktori gjenetik.
“Gjenetika ose trashëgimia. Faktorë të tjerë të rrezikut mbeten gjithmonë duhani që është faktori i parë, diabeti, jeta sedentare, edhe këtë kulturë nuk e kemi të shpërndarë. Një ditë e rregullt jo e bazuar në yndyra. Kapja në kohë eviton shumë komplikime”, tha Veshti.
Mjeku sugjeron për të gjithë një ditë të rregullt pa yndyrna, si edhe sa më shumë aktivitet fizik.
Lajme të tjera
-
Historia pas aktit ekstrem të nënës së 2 fëmijëve në Durrës
24 Tetor, 13:21
-
Shtohen rastet me zgjebe në vend, mjekët: Çdo ditë kemi pacientë! Dermatologia: Është ngjitëse, familjarët më të rrezikuarit
21 Tetor, 20:36
-
Tiranë/ 8 muaj jashtë funksionit, vihet në punë aparatura e shintigrafisë në QSUT
21 Tetor, 11:28
-
Tiranë/ Familjarët çojnë 13-vjeçarin në gjendje të rëndë në spital, ndërron jetë te QSUT! E gjetën në dhomë, ja çfarë dyshohet (DETAJET)
13 Tetor, 20:20 -
Pas ndërhyrjes kirurgjikale, Rama i kthehet aktivitetit të përditshëm
7 Tetor, 10:18 -
U operua për hernie inguinale te QSUT, del 24 orë pas ndërhyrjes kirurgjikale kryeministri Edi Rama
4 Tetor, 10:01 -
Rama i nënshtrohet një ndërhyrjeje kirurgjikale, detaje nga operacioni në QSUT
3 Tetor, 10:55 -
Spitali i ri ditor në QSUT, Rama: Lehtësohet fluksi në spitalin qëndror
30 Shtator, 15:01 -
'Spitali i vdekjes', Onkologjiku pa ilaçe dhe me aparatura të prishura!
26 Shtator, 21:55 -
Si e mbron pirja e kafesë zemrën!
23 Shtator, 19:35 -
Tiranë/ Plagosën me thikë 42-vjeçari nga Shkoza, arrestohet 2 autorët! Dëshmia e paqartë: Më goditi në afërsi të spitaleve, s'e njoh
23 Shtator, 12:28 -
Arresti kardiak? Mjeku: Nëse ndihma nuk jepet në 4-5 minutat e para vështirë të shpëtosh nga vdekja e papritur
20 Shtator, 15:23
