POP 5

Lajmet më të lexuara të 5 minutave të fundit

Dizdari-Bashës: Oligarkët kanë dalë e nga ‘databaza’ e PD-së

Limos Dizdari

Në aktivitetin “Arti në mbrojtje të demokracisë”, të thirrur ditën e sotme nga kryedemokrati Lulzim Basha, ku morën pjesë artistë dhe intelektualë ishte i ftuar Limos Dizdari, artisti por edhe ish deputeti i PS. Gjatë fjalës së tij drejtuar liderit demokrat, Dizdari u shpreh se oligarkët për të cilët flitet aq shumë sot, kanë dalë edhe nga ‘databaza’ e PD’.

'Sot Teatri po prishet. Por më duket se këta oligarkët kanë mbirë nga datebase juaj. Do kisha qejf të ishte këtu Prokurori Petrit Fusha. Do kisha të dëshirë të ishte i ftuar Clirim Gjata, të na dëgjonte, të na përfaqësonte, se paratë ai i vëllai do i përfitojë, ka shumë oligarkë por nga ky database kanë dalë. Kështu i nderuar zoti kryetar i opozitës, hallet tuaja janë shumë të mëdhaja, nuk e di si do ta përballoni por rruga që keni nisur është e madhe’

Fjala e plotë e Dizdarit:

I gjori ju cdo hiqni zot Basha por ky është një fillim i mbarë. Mesa di unë në databasën tuaj të PD keni pasur shumë emra të përvecëm të mëdhenj që kanë pasur përfitimet e tyre. Ata nuk i shoh asgjëkundi, i shoh dhe takohem me ta dhe shpesh herë ndjehem keq unë se bëj fajtor veten si u gjeta në këtë udhëkryq. Shkëmbejmë ndonjë buzëqeshje që ngjan me ngërdheshje. Emrat i kam shkruar këtu por s’është nevoja t’ua përmend.

Janë nga ata që rregullonin makiazhet, diskutimet, që kanë bredhur nëpër botë, kanë përfituar interesa të mëdha ndaj PD. Unë s’kam qenë ndonjëherë xheloz ndaj tyre por tani jam tërësisht i pakënaqur nga karakteri i tyre. Kjo s’është hakmarrje por kjo është të themi të vërtetat në sy. Ata që PD i ka parë si të rëndësishëm për të përcuar mesazhe në dobi të popullit, ata kanë parë interesin e tyre personal e pastaj e bëjnë si puna e lumit me kalin…

Arsyeja se pse jam këtu është se unë jam i vetmi në vitet e para që dola kundër prishjes së teatrit. Atëhere mbaja poste të rëndësishme politike, isha zv.kryetar i Komisionit të Arsimit dhe Shkencës në Kuvendin e Shqipërisë, përfaqësoja shumicën. Bardhyl Londo, minorancën. Bardhyl London nuk e shof këtu. Atëhere sistemi i ministrit të kulturës, drejtuar nga Rama ishte që donte të prishte teatrin. Kërkesa e tij ishte legjitime, protesta e aktorëve ishte e madhe.

E kërkonte me insistim, unë e pyesja me c’lekë do ta bësh?

Ai më tha më ka premtuar qeveria greke.

Në takimin që kam pas me ish deputeten Vokshi i them që hajdeni në Sarandë, Ksamil ku jetoj unë si Robinson Kruzo dhe bëni një mbledhje komisioni. Ne si komision vendosëm që nuk do prishet. Sherr nuk bëja me Bardhyl London por diskutonim.

Sot Teatri po prishet. Por më duket se këta oligarkët kanë mbirë nga datebase juaj. Do kisha qejf të ishte këtu Prokurori Petrit Fusha. Do kisha të dëshirë të ishte i ftuar Clirim Gjata, të na dëgjonte, të na përfaqësonte, se paratë ai i vëllai do i përfitojë, ka shumë oligarkë por nga ky database kanë dalë.

Kështu i nderuar zoti kryetar i opozitës, hallet tuaja janë shumë të mëdhaja, nuk e di si do ta përballoni por rruga që keni nisur është e madhe. Duhet ta pranojmë që jemi pak dembelë, shpërdorues të kohës. Kemi dhe një memorie të shkurtër, shpesh herë na mungon e kuqja në kutinë e makiazhit, nuk na bën përshtypje që na fyejnë e na tallin. Ne kemi disa probleme ama unë do e kisha pretenduar që këtu mes nesh të marrin pjesë të gjithë, të kuq e blu. Fjala bie njerëz të shquar si Ismail kadare, Anagnosti, Leka Bulgo, Ndrenika, Zaganjori, Inva Mula, Zana Turku, Zana Cela, Zhani Ciko, Bardhyl Londo, Filip Cakuli …

Unë vi jo për të sharë qeverinë por për të thënë të vërteta. Problemi është që ato mollët e këqija duhen hequr, dhe ato që sa kanë filluar, duhen pastruar. Ju keni bërë një gjest të madh. Tërhoqët gjithë deputetët, them se ishte gjëja më e domosdoshme, s’kishit mundësira të tjera. Problemi është që ca pyetjeve s’u jap dot përgjigje. Pse kaq kundërshtarë të huajt ndaj këtij gjesti?! Cila është zgjidhja? Unë jo se nuk e marr me mend por kërkon një argument institucional të dhëna të sakta… Pse këto institucione janë kaq reflektare, ku e gjen forcën kryeministri të jetë kaq kokfortë në qendrimin e tij?  

m.v.
Komento