Të zhgënjyerit nga Sali Berisha dhe Lulzim Basha, konkretizuan të shtunën e 12 tetorit lëvizjen politike “Djathtas 1912”. Një nga themeluesit e partisë, Rezart Kthupi thotë se garimi në zgjedhjet e 2025 për parlamentaret, synimin e ka të qartë:
“Synimi është i thjeshtë: Ajo që ndodh sot në raport me qytetarin shqiptar është që ka mungesë përfaqësimi. Të gjitha sondazhet që kemi vënë re, është që ka një mungesë përfaqësimi te të gjitha kampet politike, e veçanërisht ndodh në pjesën e opozitës. Pse? Sepse një pjesë e opozitës ndonëse pretendon që përfaqëson opozitën, ka bjerrje të vazhdueshme të mbështetësve të saj. Në këto kushte është mëse normale krijimi i një partie të re me të cilën të bindim qytetarët që gjendet të papërfaqësuar, që sot nuk kanë arsye të dalin e të votojnë, të dalin e të votojnë e synimi është të vështirësojnë e të pamundësojnë mandatin e katërt të kësaj maxhorance”, thotë ai për Report Tv.
Berishën e ‘qetëson’, teksa shprehet se synimi nuk është marrja e elektoratit të tij, por të papërfaqësuarit nga klasa e sotme politike, ndërsa për kreun e demokratëve thotë se nuk përfaqëson më të djathtën shqiptare.
“Votat e para që do kërkojmë janë të atyre që mendojnë si ne, që janë qartësisht të djathta, pastaj të gjithë qytetarëve. Se është krijuar një nocion lidhës mes së djathtës dhe Berishës. Nuk ekziston korrelacioni mes Berishës dhe të djathtës. PD është parti e tij, jo ideologjike (e djathtë)”, shprehet Kthupi.
Mohon mundësinë që me të, të ketë bashkëpunim në zgjedhjet e 2025. Vija të kuqe, ka edhe për Lulzim Bashën.
“Pse nuk mund të ketë bashkëpunim me zotin Berisha? Me të na ndajnë 3 gjëra të mëdha: Na ndan qëndrimi ndaj drejtësisë, marrëdhënia me ndërkombëtarët dhe bashkëpunimi që ka patur me PS në dëm të interesave të shqiptarëve. Berisha anatemon sistemin e drejtësisë, dhe kur them sistemin Berisha e kam fjalën për formacionin politik që drejton, ka një marrëdhënie krejtësisht të kushtëzuar, të munguar me ndërkombëtarët, kjo është një nga shkaqet për se kemi këtë maxhorancë dhe kur ka bashkëpunuar pikërisht për këtë maxhorancë, si amnistia e kodi zgjedhor. Këto të treja janë parime dhe nuk mund të shkelen këto parime për bashkëpunim zgjedhor. Përsa I përket zotit Basha, ne nuk kemi patur ndarje parimore. Ndarja është praktike: ai akoma është anëtar i grupit parlamentar të PD, I mungon një akt politik ndarje”, vijon Kthupi.
Bashkëpunimi me ndërkombëtarët është pjesë e kushtit për bashkëpunim, por si është marrëdhënia e themeluesve të “Djathtas 1912” me ta?
“Raporti me ndërkombëtarët është çështje parimore, sulmi ndaj parnerëve ndërkombëtarë është një vijë e kuqe. Nuk mund të dalim të themi që janë të kapur e të korruptuar.”
“Djathtas 1912” është grupimi i 4 zyrtar që del nga logoja e Partisë Demokratike që prej kohës kur nisi përçarja brenda saj. Krahas PD-së që tashmë e drejton Sali Berisha, janë krijuar dy parti të reja; ‘Mundësia’ e Agron Shehajt dhe “Djathtas 1912 ” pa kryetar, por me drejtim kolegjial. Grupim politik ka edhe Lulzim Basha nën emërimin “Demokratët Euroatlantik”, por që ende nuk janë zyrtarizuar si parti, të paktën për momentin!
Lajme të tjera
-
Kur Sali Berisha thoshte në Parlament: Nëse dëshironi ua sjell edhe këtu Damir Fazlliç
21 Dhjetor, 11:11 -
Berisha non-grata, Alexander Kasanof për VOA: Përcaktim për të ndihmuar reformën në drejtësi dhe SPAK
20 Dhjetor, 18:35 -
Basha publikon videon e Berishës: Dikur na akuzonte ne, por sot pranoi pazarin me Ramën
20 Dhjetor, 18:11 -
Sali Berisha: Çfarë më thanë në zyrë Donald Lu e Vlahutin, ata janë diplomatët më të korruptuar në historinë botërore
20 Dhjetor, 18:09 -
Familja Berisha kundër reformës, 2 konferenca në 1 ditë: Gjyqtarët e KiE rrëzuan vetingun! Opinioni: Duhet kur mungon shteti i së drejtës
20 Dhjetor, 17:08 -
Zgjedhjet e 2025/ Berisha i ankohet Këshillit të Diasporës për qeverinë dhe Sorosin: Gjyqe politike ndaj opozitës, qeveri teknike për garantimin e votës së emigrantëve
20 Dhjetor, 15:19 -
'Ore hapeni rrugën se kam fëmijët në shkollë', opozita përplaset me qytetarët para Bashkisë së Tiranës, iu bllokon rrugën
20 Dhjetor, 13:31 -
Berisha sulmon Dumanin dhe del kundër SHBA: E ka vendin në burg, amnistoi krimet elektorale, s'mund t'i zgjatet mandati! Merr 100 mln lekë në vit, mercenar i partisë
20 Dhjetor, 13:04 -
Ylli Pata: Opozita rikthehet vetëm nëse bën 'Kongresin e 10' për të dënuar Sali Berishën!
19 Dhjetor, 17:59
-
Kuvendi/ PS kalon ligjin, anulohen gjobat për ndërtime pa leje, dhe të AKU në fshat! Rrëzohet amendamenti i PD-së, s'falen faturat e prapambetura të ujit e dritave
19 Dhjetor, 17:31 -
Bilanci i 5 vite SPAK: 61 zyrtarë të lartë nën akuzë, Berisha e Meta, 'Vipat'! U sekuestruan 182 mln euro të krimit e korrupsionit
19 Dhjetor, 16:59 -
Shqipëria e Kosova nesër mbledhje të përbashkët të dy Kuvendeve, ‘përjashtohen’ Berisha e Basha! Lista e deputetëve pjesëmarrës
19 Dhjetor, 14:16
