Dorëheqja e Lindita Nikollës, Veliaj: Një nga gratë më të forta që njoh, shembull për ata që duan ta çojnë vendin përpara

Kryetari i Bashkisë së Tiranës, Erion Veliaj ka reaguar pas vendimit të Lindita Nikollës për t’ u dorëhequr nga posti i kryetares së Kuvendit. Veliaj shprehet se Nikolla e ka drejtuar Kuvendin me urtësinë dhe mirësinë e saj, duke e cilësuar atë një frymëzim për të gjithë ata që duan ta çojnë vendin përpara.

“Lindita Nikolla është një nga gratë më të forta që unë njoh, e cila, në këto 3 vjet jo të lehta në krye të Kuvendit të Shqipërisë, e drejtoi atë me urtësinë dhe mirësinë e saj ngjitëse, gjithmonë e qetë përballë çdo situate, sado anormale të ishte.

LEXO EDHE:
Dorëheqja e Lindita Nikollës si kryeparlamentare, socialistët: U përball me sulmin më të egër personal, ishte fuqia e qetë e Kuvendit

Ajo është një frymëzim jo vetëm për vajzat dhe gratë, por për të gjithë politikën dhe ata që duan të punojnë për ta çuar përpara vendin.  Shembulli i saj na tregoi çdo ditë se gjërat MUND të bëhen me MIRËSI! Faleminderit!”, shkruan Veliaj.

Lajmi kryesor:

Dorëheqja e Lindita Nikollës si kryeparlamentare, socialistët: U përball me sulmin më të egër personal, ishte fuqia e qetë e Kuvendit

SI.E./Shqiptarja.com

TAG:
• Erion Braçe
• Lindita Nikolla