Ministri i Brendshëm Sandër Lleshaj deklaroi gjatë një interviste për 'DW' se përgjimet e reja që nxori dje gazeta gjermane 'Bild' nuk janë prova, por indicie, ndërsa shton se duhet të pritet përfundimi i hetimeve për të nxjerrë konkluzione. "Unë nuk besoj që një publikim i tillë prish imazhin e Shqipërisë. Sigurisht që asnjë lajm sado i vogël, që nuk është pozitiv, nuk na pëlqen.
Por cështja ka nevojë që të merret me qetësinë e duhur pasi është në hetim dhe kjo është një rrjedhje e paautorizuar, duhet të presim fundin. Nuk duhet të kërcejmë te konkluzionet shumë herët, pasi i bëjmë dëm procesit. Ajo që është publikuar është pjesë e një dosje që po zhvillohet, bëhet fjalë për rastin konkret dhe përgjithësisht në të gjithë kuptimin e së drejtës përgjimet nuk janë prova, por incide që të cojë te provat. Duhet të presim deri kur të sqarohet rasti" tha ai.
Më pas ai u ndal te lufta kundër kanabisit dhe drograve të forta, ku u theksoi se rrugët e heroinës dhe kokainës janë portet e mëdha dhe jo Shqipëria. "Sa i përket kanabisit është bërë një punë e madhe për ta çrrënjosur, ndërsa sigurisht që energjia kriminale nuk shteron sot. Edhe me kanabisin lufta vijon, pasi ka përpjekje, por energjisë kriminale ne i përgjigjemi me angazhim të jashtëzakonshëm, po luftojmë për ditë.
Ne do ta thellojmë edhe në fushën e kanabisit. Por potencialisht ekziston rreziku nëse zbehim forcën goditëse. Sa i përket drograve të tjera, sigurisht që edhe shqiptarët, kriminelët me origjinë shqiptare e kanë zbuluar këtë treg kriminel dhe po mundohen të futen, por ky treg ka edhe aktorë të tjerë shumë më të mëdhenj se shqiptarët. A kalon nga Shqipëri? Jo domosdoshmërtisht. Rrugët e drogës në Europë janë portet e mëdha, nuk është Shqipëria" tha ai.
Një nga rezervat e Francës për negociatat me Shqipërinë është cështja e azilkërkuesve. I pyetur si shpjegohet numri i lartë i azilkërkuesve, Lleshaj tha "Kjo lidhet me shumë arsye, e para fuqia tërheqëse e vetë Francës, pasi aplikon politika më liberale dhe shqiptarët e kanë zbuluar si adresë prej të cilës mund të përfitojnë. Po bëhet shumë punë për të ndërgjegjësuar dhe adresuar këtë problem me qëllim" tha ai.
Në vijim, intervista u fokusua te situata politike në Shqipëri pas protestave dhe kërcënimeve të Lulzim Bashës, të cilat Lleshaj i cilësoi si fatkeqësi dhe kërkoi nga opozita që të mos sulmojë policinë. 'Fatkeqësi e madhe që Basha vjen në Gjermani dhe takon parti kristian demokrate apo sociale duke harruar se revolucioni dhe vlerat kristiane nuk kanë asgjë të përbashkët. Ne i shohim me keqardhje. Urojmë që t'u kthehet arsyeja për t'u futur në rrugën e ligjit dhe të mbeten në nivelin politik dhe mos të afrohen drejt skajit kriminal, pasi sulmet ndaj policisë janë kriminale'.
Përsa i përket akuzave për përdorimin e gazit lotsjellës, ai tha se 'bëhet fjalë për një gaz që e përdor gjithë bota dhe për fat të mirë nuk është blerë nga ne por nga ata që bëjnë opozitë përballë nesh. 191 vende të botës e kanë të deklaruar. E blenë pas 21 janarit kur u vranë qytetarë".
Pak ditë më parë, Lleshaj e akuzoi Bashën për vrasjen e katër qytetarëve të pafajshëm në 21 janar të 2011 në tubimin para Kryeministrisë. Gazetarja e DW e pyeti Lleshajn se kur kjo akuzë del nga ministri i Brendshëm priten që të merren edhe masat ndaj një vrasësi.
"Kjo është cështje e prokurorisë shqiptare. Ministri nuk bën akuzë penale, 21 janari është një rast shumë i rëndë në historinë e Shqipërisë që ka mbetur pa një përgjigje për të dhënë përgjegjësi atyre që duhet ta mbajnë. Edhe Basha nuk e thotë dot që nuk ka qenë ai ministër kur u vranë katër qytetarë. Kjo është një fakt, nuk i vjen mirë ta dëgjojë, por nuk kam se cfarë ti bëj unë".
Por cili ka qenë qëndrimi i gjermanëve gjatë takimeve që Lleshaj ka zhvilluar në Berlin? "Kemi pasur disa takime dhe pothuajse në unison shoh dy qëndrime, i qeverisë gjermane i qartë në mbështetje të perspektivës europiane të Shqipërisë dhe refuzimin e të gjitha formave të dhunës, po ashtu edhe të deputetëve te CDU/CSU" përfundoi ai.
Komente
Lajme të tjera
-
‘Propagandë me TikTok-un, por janë kokë e këmbë në EncroChat’, Basha: Më 11 maj të pastrojmë politikën nga të korruptuarit
24 Dhjetor, 12:35 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Basha publikon videon e Berishës: Dikur na akuzonte ne, por sot pranoi pazarin me Ramën
20 Dhjetor, 18:11 -
Basha: Siguria e Kosovës, pjesë e pandarë e sigurisë sonë kombëtare
20 Dhjetor, 13:38 -
Ylli Pata: Opozita rikthehet vetëm nëse bën 'Kongresin e 10' për të dënuar Sali Berishën!
19 Dhjetor, 17:59
-
Shqipëria e Kosova nesër mbledhje të përbashkët të dy Kuvendeve, ‘përjashtohen’ Berisha e Basha! Lista e deputetëve pjesëmarrës
19 Dhjetor, 14:16 -
Namir Lapardhaja: Unë jam Zoti juaj më i lartë!
19 Dhjetor, 09:16
-
Dita Ndërkombëtare e Emigrantëve/ Basha: Të lëmë pas korrupsionin dhe keqqeverisjen, në 11 maj bëhuni pjesë e ndryshimit
18 Dhjetor, 16:22 -
Basha: T’i japim fund tangos personale, kush voton Berishën merr dhe Ramën në paketë dhe anasjelltas! Jo interesave të Trekëndëshit të Bermudës
18 Dhjetor, 12:53 -
SHBA mesazh të prerë për Berishën/ Basha në 'Studio Live' tregon 2 grupet që i shkojnë pas kryetarit PD! Përpiqet të mashtrojë militantët, ndërkohë ka aleancë me Ramën
17 Dhjetor, 18:37 -
Lirimi i Berishës shkon në Apel, Elezi: Non-grata nuk ishte inat personal! Minimin e demokracisë po e shohim! Gaba: Pas arrestimit të Metës, po intensifikohen përpjekjet anti-SPAK
16 Dhjetor, 18:41 -
Ylli Pata: Shkaku real i bllokimit të primareve dhe zgjedhjeve brenda PD
15 Dhjetor, 22:55
Po kur te rivendosen vizat per shqiptaret a i bie te jete prove apo thashethem ! Yyyy rrac e ndyre qe shperdoruat besimin e popullit maskarenj !
PërgjigjuTasin me dhalle ta dhane per komentin
O te q ministrin legen, sjane prove po ca jane o ....
PërgjigjuO Arben Metani , ne si popull e shofim cdo dite ca behet
Ministri e ka fjalen per anen ligjore te pergjimeve qe nuk perbejne fakte, dhe kjo ehte e vertete per kedo. Ndersa nga pikpamja morale eshte po ashtu shume e qarte qe ato jane fakte pa diskutim. Shteti funksionon me ligje ndersa per popullin i rendesishem eshte morali sepse te ndeshkon me vote.