Më 20 shkurt Kolegji Penal i Gjykatës së Lartë do të nisë me pyetjen e dëshmitarëve në procesin ndaj Majlinda Andreas koleges së tyre të pezulluar dhe marrë e pandehur për korrupsion.

Këtë të hënë ky kolegj administroi provat shkresore dhe material të prokurorisë ndërsa pranoi kërkesën për të caktuar një ekspert i cili do të vlerësojë nëse Ila Çabiri është apo jo në rrezik për jetën teksa qëndron në qeli.

Çabiri pas hekurave së bashku me Petraq Dashin pasi akuzohen se në bashkëpunim me njëri tjetrin i dhanë 50 mijë euro Odhise Andreas për të ndikuar në një vendim në Gjykatën e Lartë aty ku pjesë e treshes në kolegj ishte dhe Majlinda Andrea.

Në përfundim të ekspertizës mjeko ligjore kolegji do të vendos nëse do të heqë masën e sigurisë "arrest me burg" për Ilia Çabirin.

Redaksia Online
l.q/Shqiptarja.com