POP 5

Lajmet më të lexuara të 5 minutave të fundit

Kronikë

Dosja e 3.4 mln €/ Të arrestuarit sot në gjykatë, Doçi: Me Mollaymerin me njohu shoferi, bëra agjentin doganor

Sekuestrimi i 3.4 milion eurove në portin e Durrësit, pritet të hetohet në vijim nga Prokuroria e Krimeve të Rënda.
Dosja e 3.4 mln €/ Të arrestuarit sot në gjykatë, Doçi: Me Mollaymerin me njohu shoferi, bëra agjentin doganor

Ilir Doçi, pronar i kompanisë GMBH

Sekuestrimi i 3.4 milion eurove në portin e Durrësit, pritet të hetohet në vijim nga Prokuroria e Krimeve të Rënda. Kjo pasi, prokuroria e Durrësit thotë se ka elementë që personat e arrestuar dhe ata që janë në kërkim, kanë bashkëpunuar në formën e grupit të strukturuar kriminal, për të sjellë sasinë e eurove nga Belgjika në Shqipëri. Momentalisht hetimi i kësaj dosje është duke u kryer nga prokuroria e Durrësit, por një burim pranë kësaj të fundit tha se po shikojnë mundësinë që çështjen tia kalojnë Krimeve të Rënda, pasi ka dyshime për grup të strukturuar kriminal.

Pas 3 ditësh kërkime brenda vendit, Policia e Shtetit ka shpallur në kërkim ndërkombëtar dy kushërinjtë Alfred dhe Elvis Vladi. Ata kishin kontraktuar një firmë private për të transportuar 9 automjete nga Belgjika, në dy nga të cilat ishin fshehur 3.4 milionë eurot e sekuestruara në Portin e Durrësit. Ndërkohë drejtoria e Pastrimit të Parave në Policinë e Shtetit në bazë të ligjit anti-mafia do të verifikojë në të gjitha bankat e nivelit të dytë, por edhe në drejtorinë e Hipotekës, llogaritë dhe pronat e paluajtshme te Alfred dhe Elvis Vladi si edhe familjarëve të tyre. Sot do të dalin para gjykatës personat e arrestuar deri tani, administratori i kompanisë së transportit, djali i tij, shoferi dhe Mollaymeri.

Ilir Doçi: Bëra agjentin doganor
Shqiptaro-Gjermani Ilir Doçi, pranon se ka bërë agjentin doganor për automjetet “Toyota” ku u sekuestrua sasia prej 3.4 milion euro. Shqiptari, që tashmë disponon pasaportë Gjermane, tregon se nuk ka pasur dijeni për ekzistencën e kësaj shume financiare, kjo pasi makinat vinin nga Belgjika dhe se sjanë kontrolluar fizikisht prej tij. Sipas një e-maili të dërguar “Shqiptarja.com”, Ilir Doçi thotë se ka bërë vetëm rolin e agjentit doganor dhe asnjë gjë më shumë.

“Me Mollaymerin kam rënë në kontakt nëpërmjet shoferit të auto-trenit të ndaluar në Durrës ditën e Diel dhe djalit të Pronarit të Autotrenit. Më ka kërkuar vetëm ndihmë për plotesimin e dokumentacionit që duhet të shoqërojë kamionin nga vendet e Europës në Shqipëri. Kam bërë faturën plus deklaratë doganore, vetëm dy letra. Të dy dokumentat e mësipërme janë vënë në dipozicion shoferit dhe pronarit të Auto-trenit në fjalë. Pikërisht vetëm këtë shërbim i kam ofruar firmës në fjalë kundrejt një fature pagese prej 250 euro”-thotë Ilir Doçi. Ky i fundit thekson se kompania e tij ka një xhiro vjetore prej 1.5 milion euro, ndërsa kushërinjtë Vladi nuk i njeh dhe as i ka takuar ndonjëherë.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

27 Janar, 17:46